完成人生第一年的返學生涯!

時間真係過得太快啦!  轉眼間Sheryl已經完成左第一年返學生涯.  Pre-nursery呢一年, Sheryl好似大個左好多噤, 由最初喊到死下死下唔肯入課室, 到而家自己話要返學, 去到學校仲頭也不回地入去, 都只係好似尋日嘅事噤! 

 

而Sheryl間學校係happy school, pre-nursery我都唔expect佢會學識好多野, 不過佢返左學之後, 講野快左好多, 誡左片, 自理能力進步左好多, 返pre-nursery, 都不外乎係想噤姐, 所以對呢間學校都好滿意.

 

自己從事幼兒發展, 始終覺得幼稚園呢3至4年, 都係以培養學習興趣同發展語言能力為主, 因為凡事只要有興趣, 有motivation, 先有動力去做得好, 如果太早就"填鴨", 令佢對學習失去興趣, 今日贏在起跑線又有什麼意義???  回想我地返學嘅年代, 小學年年考第一, 中學時大大退步嘅實在大有人在!   雖然我知道我呢個選擇喺好多家長眼中係好冒險, 因為考小一時又要爭崩頭!  希望我嘅選擇無錯啦!

 

去年8月PN開學時, Sheryl仲係一個未夠兩歲嘅BB:

一年後, 已經變成一個"小女孩"了!

學校入面, 最鍾意就係註校護士姐姐:~

媽咪希望你可以一直享受校園生活, 享受學習新事物的樂趣和滿足感就夠了!  學習生涯是長跑, 媽咪絕對不須要你贏在起跑線的! (也請你千萬不要贏在起跑線, 因為媽咪沒見過長跑比賽時起步帶頭的最終可以取得第一呢)

迎接弟弟系列 (2yr9m)

早在知道再次懷孕時, 便開始跟Sheryl說她將會有一個弟弟.  而家問親佢媽咪tummy有咩, 佢都會話有baby弟弟.  因為Sheryl好痴我, 成日要我抱, 所以我就同佢講"媽咪tummy有baby唔可以抱你", 而佢竟然好乖地即時唔再扭我抱.  有時佢要我坐喺地席同佢玩, 我就話媽咪個肚有baby唔可以坐地下架.   而家我每次同佢玩, 佢都叫我唔好坐地下, 叫我坐喺梳化度.  Sheryl你真係大個囡啦, 可以做家姐仔啦!!

不過講還講, 都係要比佢一d實質d嘅準備, 比佢大概知道下多左弟弟之後會點.  所以就買左同借左幾本有關嘅書比佢睇:

有趣的文字 - 直映認字法 (2yrs9m)

Sheryl從一歲返playgroup開始, 接觸的大多是英文, 雖然返左nursery之後, 中文進步左好多, 不過人天性係捨難取易嘅, 中文絕對難過英文!  雖然一直拒絕用閃卡, 不過而家已經差唔多三歲, 都係時候要開始認下字啦.  之前開始英文sight words效果非常好, 而且睇書時Sheryl已開始自己睇d字, 見到識嘅字會好開心好滿足噤讀比我聽.  既然如此, 就開始埋認中文字啦!

一開始用基礎漢字500, 講真我自己都覺得幾悶, Sheryl睇左兩次已經無興趣, 成個星期只係認到個"山"字......我怕再比佢睇佢會更加唔鍾意中文.......

見到網上其他blog有媽咪推介"直映認字法", 覺得幾有趣, 於是買左呢套"有趣的文字"字咭比Sheryl試下效果: ~

個人仍然唔認同閃咭, 不過呢套其實唔係閃咭，唔會不求什解地閃圖像 ​，而係認字同時學埋個字意，利用圖像解釋字意, 圖像同時作為visual cues, 幫助對生字嘅記憶. Sheryl對中文字本來零興趣，玩 ​呢set咭10分鐘學識4個字!  仲玩得好開心, 將d字咭放返喺對應嘅圖像下面: ~

兩日後, 轉左新嘅4個生字, 再將之前學左嘅字咭放喺咭袋下方, 而舊嘅圖像咭就收起, 驗證左Sheryl真係學識左d生字, 而唔須要再靠圖像.  新嘅4個生字都兩日學識左, 不過我唔打算太快加新字, 唔想太多令佢有挫敗感, 考慮每星期加3個新字.  畢竟目的只為增加及培養佢對中文字嘅興趣, 而唔係要佢極速認字! 

早前去書展, 竟然比我見到"有趣的文字"set書, 當然要買埋佢 :)