尋晚好彩有阿囝...

尋晚CoCo爸走去煲水, 開左火之後就坐返0係梳化, 阿囝就同佢一齊0係梳化度訓.  我就同阿囡入左房!  到我沖完涼出黎, 就見到CoCo爸同CoCo0係廚房度, 跟住CoCo爸就好驚咁同我講"好彩我地屋企有狗!"  原來......個煲入面根本無水, CoCo爸係煲緊個煲!!! 

原來CoCo訓訓下突然0係梳化度彈起身, 衝左去廚房, CoCo爸見佢咁奇怪, 就跟左去廚房睇,  CoCo就望下個煲, 又望下佢老豆, 咁先發現原來個煲蓋d膠已經開始溶!!!!!!

我地即刻攬住阿囝係咁錫, 仲即刻獎左幾條魚魚比佢! 

阿囝好彩有你, 如果唔係真係火燭都有份!  原來阿囝係 "狗型火警鐘" !!!