屋企多左個人...朱古力奶之疑惑

今個星期已經係32週啦, 即係距離馮三小姐出世只係淨返唔夠兩個月, 雖然好好彩, 我個肚唔係好大, 不過好多嘢要做都已經有d吃力, 上兩個星期差唔多日日都大掃除, 將屋企大部份唔等洗嘅嘢掉晒/捐晒去救世軍, 間屋終於都似返"人"住嘅樣!  不過而家就算坐喺度好慢咁執嘢, 都會好快就攰, 仲要係條腰會痛兩日果隻, 所以, 最唔想嘅時刻終於都要來臨......

我地5月份已經開始interview工人姐姐, 我地prefer請喺香港做過嘅, 雖然好多人都話未做過嘅會聽話d, 不過我一直都有家務助理Amy姐姐幫手, 基本上煮嘢食同做家務我都係半桶水, 加上未做過嘅工人係可以咩都唔識到連水喉都唔識開, 試問我又邊會有咁多時間同咁好心機教佢呢???  加上我地屋企有朱古力奶, 請工人一定要唔驚狗, 仲要肯照顧大狗, 好多工人個口就話唔驚, 叫佢落手落腳做又係另一回事.  所以我地5月份搵左幾個香港完約嘅工人黎我地屋企interview, 個過程其實都幾攪笑, 有d工人真係好騎呢!

最初約左兩個interview, 兩個都放飛機, 攪到我地星期日喺屋企呆等!!! 第二次約左3個, 第一個只係黎左香港6個月, 問佢點解6個月就唔做, 佢話個僱主好harsh, 所以佢resign.  咁點harsh法呢?  佢話個女主人唔比佢用洗衣機洗自己d衫, 又唔比屋企鎖匙佢, 又唔比佢用屋企個地址寄嘢返老家...etc.  其實, 呢d一般香港employer都係咁做, 我又唔覺得特別harsh喎!  最精彩就係, 我問佢之前個employer要佢做d咩, 佢話間屋大概2千呎, 喺淺水灣, 屋企得兩夫婦同個17歲嘅仔, 個男主人耐唔中會比幾百蚊佢當獎勵, 有時佢要去男主人個媽媽屋企幫下手, 男主人又會比extra 錢佢, 包食包住每個月仲會比$600 food allowance佢!!!  嘩, 咁好嘅工都唔做? 不如你介紹比我啦!  最尾仲夠膽死問我有無allowance比佢, 我比條"毛"你就有!!!  最令我反感嘅係, 佢問我生左bb之後係唔係仲會keep兩隻狗, 我話一定會, 佢就好自然咁流露一副好厭惡嘅樣, 再附送多一個"廟咀"比朱古力奶!  SHxT!!!!! 

到第二個啦, 佢揍過new born又揍過狗, 所有sense都幾好, 不過就....超假!  一黎到我屋企就好跨張咁攬住CoCo (係CoCo唔係Milky喎), 仲錫佢添!  我見到阿仔個樣好無奈!  又話自己以前同d狗一間房瞓, d狗見唔到佢唔得架喎!  跟住又話自己除左去中環間church之外就邊度都唔識去, 平時咩都唔睇淨係睇bible!  嘩, 嚇得我呀!  跟住我叫佢返去先, 我地要考慮下同埋仲要interview其他人, 佢即時變瞼 (黑口黑面)!  死未??!!

最後, 終於都interview到一個正常d嘅(留意要求已經降低至:正常), 見佢講嘢都幾老實, 我又打埋比佢個舊employer 問過, comment都ok, 所以就confirm左佢啦.  本來8月22號到港, 23號返工, 點知22號打風班機cancel左, 攪到25號先到. 

第一餐晚飯: 咸蛋蒸肉餅, 梅菜蒸鯇魚, 炒菜心, 青紅蘿蔔湯 (食後感: 掂!!!)

暫時都算話頭醒尾, 清潔都ok, 係拖CoCo落街有d "lei hei", 所以短期內會係CoCo爸同工人姐姐 (佢叫Fely) 一齊帶朱古力奶落街去大小, 夜晚就我同CoCo爸帶兩隻嘢落去玩波, 清潔腳仔同身就交比Fely姐姐.  (不過我暫時都係唔捨得比晒佢清潔, 間唔中都要自己抹返, ensure兩隻嘢唔會"封塵"!)

Fely姐姐第一日黎到, CoCo就nervous左成日, 行又唔係坐又唔係瞓又唔係, 又唔聽Fely姐姐話, 成日追住人地pat pat 黎聞!  結果第一日夜晚CoCo攰到屎, 玩完波上黎郁都唔郁得!  而Milky呢? 佢都有好奇不過無咁大反應,  只係工人返左入房瞓之後, 佢瞓喺人地門口唔知等咩!

  

之前去狄狄尼酒店"老lup"人地個牌終於大派用場!

第2日日頭工人喺廳做嘢, 我帶左朱古力奶入房, CoCo好安樂咁瞓, 不過瞓瞓下就係都要"chi"埋我個身度瞓, 逼到實一實, 洗唔洗咁無安全感呀????

Happy Birthday CoCo爸

今日係CoCo爸生日, 本來book左JW Marriott 嘅 Poolside Fish Bar ,因為張信用卡有85折, 但係因為Fish Bar無冷氣, 唔啱怕熱嘅CoCo爸.  又唔想食buffet咁"行", 諗左一輪, CoCo爸話想食黃油蟹, 所以就去左太古城西苑.

西苑最出名0既大哥叉燒, 唔係好肥但係d肉都好淋, ok好食架!

蒜蓉粉絲蒸聖子皇, d蒜蓉粉絲勁好味!

Waiter口中0既"椒腐通'

全晚0既主角......黃油蟹!  由於我一向唔好海鮮, 加上大肚都係唔好食咁多, 所以只係叫左一隻, 12兩重, 真係好多"黃油"喎!!!

我只係食左半隻0既三分之一, 熱果陣食又真係幾正, 除左d膏之外, d肉都好甜!

今晚0既兩位主角, Mr.黃油蟹同 Mr. CoCo爸

食完隻蟹之後會每人一杯檸檬甘荀汁, 降膽固醇喎.  得果"的的"咁大杯, 降唔降到膽固醇就唔知, 但係幾好飲架!

 

受監視下的朱古力奶

侵犯朱古力奶私隱0既罪魁禍首就係呢舊0野啦!!!!!!

http://pccwmobile.com.hk/portal/common/plaintext.jsp?fldr_id=7659&lang=ch

今日第一日睇, 原來我地出左門口無幾耐, 平時"懶乖"0既Milky已經上左梳化訓, 跟住又輪到CoCo上, 不過睇多幾次就好悶, 因為佢地都只係 0係地下左訓下右訓下, 無咩驚喜/驚嚇!  不過有樣好處, 就係每當我掛住佢地0既時候就可以睇下佢地做緊咩!

到底呢舊係咩黎呢?  咪就係用黎"監視"人同狗0既cam囉!  其實呢部0野係set黎監視就黎到任0既賓賓工人 (係用黎"凶"佢先真), 睇下佢有無虐待我d囝囡 (包括人同狗).  我諗一定有d朋友會問點解要join pccw, 要比月費, 裝ip cam咪連月費都唔洗比囉!  無錯, ip cam係唔洗比月費, 仲可以電腦同手機都睇到, 而家我呢舊0野只係手機先睇到, 畫面質素仲要無ip cam咁好, 但係經過我地詳細分析之後, 都係呢舊0野最實際!

方案一, 一般市面上買到0既ip cam, 大約都係千幾二千蚊, set左之後可以用電腦上網睇, 或者用手機上網睇, 係唔洗比月費0既.  不過CoCo爸公司d電腦set左firewall, 又唔比download Active X, 上網睇, 係 = 睇唔到0既.  我公司無set firewall, 但係睇realtime video會拖慢成間公司個server, 到時比IT"周"到就又係唔洗睇, 就算佢"周"唔到我, 下下老細行過都要好alert咁close左個screen, 好煩姐!   好啦, 咁電腦睇唔到, 都仲有手機呀.  但係用手機上網喎, 收費可以係天文數字!!!  仲要某d手機某d台係睇唔到0既, 而我0既smartone + W910i = 睇唔到, 而CoCo爸0既smartone + nokia6500s = 睇唔到! 

第二個方案, 首先都要買部ip cam先, 跟住join個"隨身寬頻"plan, 即係用自己部notebook加埋隻上網"手指", 咪可以任睇囉, 又唔會影響公司個server!!!  首先, 要"隨身"0既唔單止係隻"寬頻手指", 仲有部notebook.  咁又有人會話, 部notebook放0係公司咪得囉, 又係喎, 但係"隨身寬頻"0既月費如果要任睇, 要成$498/month喎!  咁, 咪又係要比月費!

最後, 我地決定為免得物無所用 (方案1) / 因少失大 (方案2), 就join左pccw呢個plan.  買呢舊0野要$480, 月費$100, 包1500分鐘視像.  另外個手機要上pccw台 (唔上都得, 不過視像要遂分鐘計囉), 我join左$198/month個plan, 普通通話包4400分鐘 (一半網內一半網外), 而我每個月只係講到500分鐘左右, 不過呢個plan就包800分鐘網內視像通話, 即係我每個月可以睇800分鐘cam.  咁個cam包1500分鐘, 另外果700分鐘咪無用???  咁仲有CoCo爸部手機ma, 兩個加埋就唔會用唔晒1500分鐘.  我join 個plan要簽18個月contract, 但有6個月月費回贈, 平均月費即係$132.

埋單一計, 每個月即係$132 x 2 (我同Coco爸0既手機月費) + $100 (cam月費) = $364/month.  我0既手提電話月費仲係公司比0既, 所以最實際同最平就係呢個option啦! 

呢個cam仲有一個好處, 就係可以收音同發音, 即係我可以turn on 個mic同朱古力奶講0野, 不過我驚CoCo聽到呢舊0野會出聲, 九秒九 k.o.左佢就屎啦!!!!!

充滿"動感"0既28週

話都無咁快已經到左30週啦!  呢幾個星期, 我個肚入面好似有人打拳咁, 日日係咁踢, 有時隔住件衫都睇到個肚彈下彈下! (有d恐怖!)

上星期28週幾去產檢, 醫生又幫我照4d, 點知今次bb面前就係條臍帶, 遮到正一正,   攪左一輪, 照出黎好似仲唔清過上次......

醫生話bb個頭仔已經向左下, 而size都仲係中碼, 出世應該都係6磅多d, 我聽到不知幾開心, 千其唔好咁"大隻"呀, 阿媽好辛苦架!  雖然bb size keep住比週數細一個星期左右, 不過醫生話唔洗改預產期, keep住係10月23號. 

至於點樣生呢?  初時一心諗住半身ma醉開刀, 而家又15/16想用無痛!  問醫生, 醫生就梗係話要最尾果個月先決定到, 問佢無痛係咪真係唔痛, 佢就話一d都唔痛, 我話有朋友試過臨生果時會停藥, 由唔痛變成勁痛, 醫生就話多餘, 根本唔須要痛架 (但係我朋友係搵同我同一個醫生無痛分娩喎…). 不過我個人比較奇怪, 其實唔係最驚陣痛, 如果無痛可以減左8成陣痛都已經好好, 我係驚0係”敏感位置”有傷口, 仲要0係無ma醉0既情況下剪同聯針, 之後又要處理個傷口, 諗下都覺得痛.  反而開刀就可以食止痛藥, 加上肚腩好似無咁敏感, 個傷口之後又封實晒, 好似容易處理d, 不過諗起要係個子宮度開一刀, 又唔係好想......!  話晒我咁大個女都未做過手術, 最多都係手指頭割過粒纖維粒only!!!!!!

剩反8-10個星期, 開始好緊張添!!!!