發表文章
Sheryl出左世已經足3個星期啦, 佢出世果時得5lbs14oz, 雖然醫生話無問題, 但係見佢著最細果件衫都好鬆, 加上醫院其他bb都大隻過佢, 而我又想餵人奶, 所以都有d擔心佢重得唔好. Sheryl返左屋企之後, 我一直都試緊全人奶, 出院到而家兩個幾星期, 只係補過3,4次奶粉, 餵人奶真係幾辛苦, 無得假手於人, 又唔知佢食左幾多, 又唔知佢夠唔夠飽, 每次食親都成粒鐘, 瞓兩個鐘又食過, 加上Sheryl之前食到我損左少少, 真係痛到想屎! 姑娘醫生話每日要餵8-12次, 我就餵得6-7次, 因為Sheryl成日瞓, 我又唔想攪醒佢食 (其實係我懶, 想休息多d), 所以真係一度想放棄餵人奶!
出院之後每星期都要返健康院一次, 因為Sheryl仲有少少黃, 要check住個度數. 健康院最值得去嘅原因係佢地有姑娘教餵人奶, 佢地教左兩次, 而家餵人奶已經唔痛啦!
至於體重方面, Sheryl出院果時大約5lbs10oz(收水後), 今日上磅, 有成7lbs3oz, 姑娘同醫生都話佢重得好好, 姑娘話一般人奶bb一個月只係重一磅, 我都估唔到佢一日食得6-7餐, 都重得咁多. 咁我餵人奶都安心d!
Sheryl每次食飽飽都會O咀:
嫲嫲黎探Sheryl喎:
公公婆婆都有黎呀, 上次婆婆影左相, 今次公公都唔執輸:
食飽又玩完就大覺瞓:
Sheryl 真係大隻咗好多bor.....一日6-7餐都咁勁.....人奶果然係世上最好的東東.....(希望我都餵到)
回覆刪除btw......你daddy 側面...."'立"下眼........有d 曾特首feel~~~
媽咪真偉大呀!!餵人奶有d驚添!!
回覆刪除Sheryl, you are very cute and lovely !!
回覆刪除Sheryl唔同左呀，餵人奶對B同自己都有益，加油呀
回覆刪除