CMSA巴屎閉閉暨CMSA爸媽爛屎得閒有舖癮部落: 11月 2009

2009年11月24日星期二

Nursery interview - part 2: 眼瞓求其in

11月21號早上, 又去interview另一間nursery - 康怡中英文幼稚園

Interview前一晚, Sheryl流鼻水加鼻塞, 一晚醒幾次,(其實佢已經病左成3個星期, 睇左3次醫生, 食藥滴鼻咩都試過, 都係唔掂!!!) 我地只係瞓到幾個鐘, 朝早起身真係想死, 曾經諗過不如唔去interview, 因為實在太攰!

End up死頂起身, 好彩Sheryl狀態唔太差 (差0既係我!), 諗住早d去到等Sheryl warm up, 最後都係早左5分鐘only! 由於學校nursery係全英文教學, interview都係外籍老師, Sheryl好似like鬼婆多過本地老師 (可能因為返tutortime都係外籍老師), 佢肯比老師拖手行去課室

開始老師比d積木Sheryl玩, 睇下佢識唔識疊高 - 唔識!

跟住老師就問我平時邊個照顧佢, 同佢玩d咩之類. 跟住比其他玩具佢玩, observe下點玩, 阿囡將串珠掉晒落地 (人地係串珠仔呀), 老師叫佢比玩具老師佢又無反應, 最後叫佢行下睇下可唔可以自己行, 呢part無問題, 我帶佢行去拎左個蘋果, 佢行返埋位比個蘋果老師! ( 不過人地都無叫佢比! 叫佢比又唔比, 無情情又自己比, 唉!)

最後老師問我 "is there anything important that you want me to know about Sheryl?" 係呢個時候, 我理應大賣廣告, 介紹下自己既職業, sell下自己識得點樣同Sheryl做developmental training! 點知可能因為太眼瞓, 竟然諗唔起要sell自己, 淨係同老師講Sheryl好鍾意聽音樂, 一有music就會dance! (試問呢樣野有幾important呢? Shxt!)

跟住老師問我有咩問題, 我又九唔搭八問佢有關佢地playgroup既野, 老師話, playgroup果d要問返reception! 哈, 我應該問nursery既野, 整咩走去問人playgroup呢?

見完出黎, 我個頭開始痛, 仲要有wing wing地0既感覺! 睇黎呢間都係凍過水, 早知係屋企瞓下好過!

之後返屋企休息, 下晝見精神好少少, 就同Sheryl去左IFC行街街.

已經有Christmas decoration啦:

阿囡影影下相突然嗲起上黎, 係咁痴塊面埋黎:

痴痴下仲kiss kiss添:

放佢落地行完一輪, 開心到屎:

去Starbucks仲share我舊muffin:

我諗每個daddy都鍾意同囝囡玩騎膊馬:

2009年11月19日星期四

Nursery interview - part 1: in完都唔知.....

上星期六, Sheryl第一次interview nursery, 之前真係無準備, 畢竟只係13個月大0既BB, 想點????

今次in北角衛理堂, 本來係21號先in, 因為咁啱同另一間撞左期, 所以就打去改左14號, 不過老師話14號果日in果d全部係K1大仔, 驚Sheryl會驚喎! 由於衛理堂唔係我地最鍾意果間, 因為母語教學, 所以無所謂, 諗住當"見識"下點樣interview囉!

當日去到, 已經好多人, 埋去登記報到, 見到張name list淨係10月份出世0既都有成兩版紙, 有成40-50人 (10月only, 仲有其他11個月, 咪有成6,7百人???)

由於學年0既計法係由1月到12月, 即係同年1月出世同12出世都係同一年, 一齊in, 開學時間係8月, 如果到8月未夠兩歲好多學校都唔收, 收都要on waiting list. 即係細囝(9至12月出世果d)好唔著數! 咁有d人又會話, 比佢讀遲一年做大仔囉! Sorry, 而家d學校連大仔都唔收 (細又唔收大又唔收, 死未?) 加上等多一年佢又夠歲數入K1, 即係唔洗讀nursery?

Anyway, 有得in就照in左先, 報到完即時就有老師行埋黎, 帶我地去課室, 出乎意料之外, Sheryl竟然肯拖住老師同daddy一齊行去課室! 由於Sheryl應該係當日最細果個 (因為當日係in K1), 途中d老師個個見到佢都讚佢得意, 仲讚佢得13個月就行得咁好好叻叻. 我開心之餘, 心諗一陣埋枱玩玩具就死梗, 阿囡一定無反應.......

去到課室, 入面有兩張大長枱, 放滿玩具, 有其他小朋友係另一邊玩緊, 老師拎左d玩具比Sheryl玩, Sheryl果然開始發呆, 眼定定望住老師, 其實老師都無同佢講野, 佢都驚到咩都唔玩, 我地就比d玩具佢, 佢都係拎住搖下bang下, 叫佢比玩具daddy又唔比, 攪左幾分鐘, 老師就叫我同Sheryl上天台玩, daddy就落樓下聽簡介會. 當時, 我地仲以為剛才係warm up, 因為一d問題都無問我地, 老師只係比d玩具Sheryl自己玩, 無特別考佢d咩! 我同sheryl上到天台playground, 好多小朋友玩緊, 老師話玩完聽完簡介會就走得! Oh no! 原來in左架啦????

當日氣溫得十幾度, 天台風涼水冷, Sheryl唔肯玩, 連落地行都唔肯, 死要我抱! 結果連簡介會都未聽完就call daddy走人!

試問咁0既表現, 又點會收呢? 但係一個13個月大0既bb, 咁0既表現又係好合理喎! 結論係, 如果大家想生仔, 唔該夾一夾時間1月至6月出世! So ridiculous!!!!!

2009年11月9日星期一

Coco post FCE 3 weeks - 開始行啦! 但係中左牛蜱......

5日高壓氧療程完成, 有好消息同壞消息, 好消息係CoCo後腳明顯有movement, 唔單止可以自己企起身, 仲可以"行", 雖然力度, 耐力, 控制等同真係行得返仲差好遠, 不過由見住佢最初兩個幾星期後腳一d反應都無, 到而家勉強行到, 仲可以用後腳抓頸, 真係好似miracles一樣!

CoCo自FCE出院之後, 接受治療如下:

太平道呂醫生: 放尿藥, 擴張血管藥, 一星期一次針灸

何醫生: 4隻vitamins同補神經線藥, 甲狀腺素

CAU clinic: 5日高壓氧治療

如果做手術, 呂醫生可能真係好pro, 不過一但無手術做, 佢就好似束手無策, 對FCE認識好似仲少過我, 次次淨係話無deep pain sensation就行唔返, 仲叫我買架輪椅比阿囝 (咁early stage, 比架wheelchair佢咪即係叫佢唔洗用對後腳? 如果佢發現唔用後腳都可以行動自如, 我諗唔洗一個月就muscle wasting啦! 香港d vet係咪真係完全無rehab concept?) 如果阿囝end up真係無進步, 我唔介意比架wheelchair佢, 只要佢開心唔痛就ok, 但係外國好多資料都話FCE行得返機會好大, 有咩理由post injury一個星期就叫我買wheelchair? 仲有, 我地去睇何醫生, 人地好有心機諗下有咩方法幫Coco, (諗左成粒鐘, 出面仲有成村人得緊睇佢) 所以有成4-5種藥, 唔會放過任何一個可能性! 但係呂醫生就好似有d是但同放棄咁, 淨係開一種藥, T4 test又唔做, 當初無打steriod我都未同佢計!!!!!! 另外, 我地打親去問野, 覆親都係呂醫生個assistant, 想同醫生對話? No way! 但係打比何醫生, 佢次次都係收左工之後親自覆我, (人地何醫生夠忙啦, 佢都一定親自覆架!)我地問佢牛蜱d野, 佢答完之後仲主動問我CoCo企成點, 去唔去到大小便, 叫我多d同佢做weight bearing etc. 講真, 唔係個個都覺得何醫生好, 有人覺得佢用藥重, 但係作為一個醫生, 有無醫德同埋有無heart係好重要, 無heart既醫術幾高都無用!

由於同時間做左幾樣treatment, 唔可以confirm係邊樣treatment既效果, 不過做高壓氧前後分別好大, 所以應該都係HBOT既功效!

壞消息係CoCo去做高壓氧最尾果兩日, 帶左廿隻牛蜱返屋企!!!!! 連續兩日朝早都發現佢張床下面有七,八隻吸飽血0既牛蜱, 情況壯觀到得人驚. 即時向CAU clinic投訴, 初時個vet assistant仲好似好平常咁話"呢d野我地好難避免架, 咁多狗, 帶左入黎都唔知啦!" 下???? 而家唔係一兩隻, 係二十幾隻!!!!! 雖然唔係隻隻牛蜱都帶菌, 是但三幾隻有牛蜱熱都死得啦! 之後個vet打比我地, say sorry認衰, 仲話如果真係中左tick fever, 可以免費醫CoCo同 Milky. 真係多謝你囉, 你唔洗錢我都唔敢再帶佢地去你個clinic啦, d vet assistants差成咁, 去醫病變成染病!

我地打比何醫生求救, 佢話tick fever有潛伏期, 建議一至兩星期後先去驗血. 原來每個月滴frontline對牛蜱作用唔大, 因為frontline個mechanism係要隻牛蜱咬左隻狗先會死! 所以一定要用牛蜱帶! 我地可以做既就係買支frontline spray噴CoCo同Milky, 因為frontline spray可以24小時內殺死牛蜱同牛蜱蛋, 不過之前咬左就無計, 唯有等下會唔會病發. 我決定之後唔用frontline改用advantix, 因為可以防牛蜱上身, 不過殺唔到蛋, 如果去草地之前最好噴埋spray先!

2009年11月3日星期二

高壓氧治療

CoCo "病發"到而家, 已經兩個幾星期. 呢兩個幾星期真係好難過好擔心, 好多謝各方好友支持鼓勵, 由於太忙, 唔可以逐一回覆你地0既reply, 希望大家唔好介意, 你地每一個0既支持同安慰, 對我地同Coco都好重要, thanks a lot!!!!

另外要好多謝Dr. Andrew (kuby爸) 同Stella 0既關心, 多謝Andrew好快咁幫我地search左一d 關於FCE 0既 journal, 數據上好似都幾樂觀, 有88%0既狗可以行得番! 對我地黎講, 好似打左支強心針一樣!

呢兩個星期不斷上網搵有關FCE 0既資料, 發現外國都有唔少病例, 不過外國support好好多, d vet對FCE認識多好多, discussion forum上發現好多狗都行得返, 雖然須時有長有短. 有好多一個月左右已經可以企起身. (不過我諗CoCo唔得啦, 而家兩個幾星期對後腳都唔太有voluntary movement......)

有時我會諗, 如果vet 0係事發後6個鐘內同佢打steroid, Coco條spinal cord 0既傷害可能就無咁大啦. 不過佢地無打, 半夜1:30入院, 到第二朝成11點先照MRI, 期間只有等! 不過香港好0既vet真係唔多, 真正有料0既就更少, 加上已經發生左返唔到轉頭, 怨都無用, 唯有諗下有咩方法可以補救!

上網見到"高壓氧治療", 香港得一個vet有做, 問過價錢都唔算貴, 只要無害我都要比CoCo試下.

高壓氧艙, 好似個焗爐咁, 入面好細, 阿囝想轉身都有難度!