I like painting 之 bb畢加(思)索

阿囡係一個開心bb, 成日笑又鍾意同人玩, 媽咪希望你呢個性格可以keep住, 做個開朗嘅小朋友.  

不過有時又覺得你hyperactive得滯, 一玩開就玩到喪~~~

所以要比你接觸下"藝術", 培養下耐性同"內涵"

上緊柏斯音樂班, 大d應該都會比你試下學樂器. 

而家開始比你玩下painting啦!

呢set有10支paint brush, 10隻顏料杯, 同埋10支顏料.  不過我淨係買左brush同cup, 無買果10支color, 買左crayola普通果隻6色paint color.  一來因為果10支color貴, 二來我打算一開始只係比3原色(紅黃藍)Sheryl玩, 可以學埋mix color , 所以平平地買 crayola.

好有興趣噤喎.....

右手又得...........................

左手都得........................

媽咪當初仲擔心你周圍畫, 點知你已經好"自律"地淨係畫喺張紙度, 乖乖.....

本來舖排左比你"發現"red+blue=purple.  點知溝極個purple都唔似, 反而突然聽到你大叫"GREEN"!  叫到好似發現新大陸噤款!  原來無意間真係比你自己"發現"左blue+yellow=green!  因為係自己發現, 印象特別深刻, 自此之後, 就學識左blue+yellow=green啦!  . 

畫畫下又出新招, 話要坐喺地下畫.........

跟住又話要試下企喺側邊畫.........................

畫畫下又開始喪...............................

最後仲要玩埋finger paint...................

畢加(思)索大師完成左兩幅大作, 等我去ikea買個相架掛起你d名畫先!

最後玩到唔肯收嘢, 而家成日都話要玩painting!

 

 

睡前故事 (23個月)

Sheryl下個月就兩歲啦, 加上返左學一個月, 理解同表達能力都好左, 開始可以用完整句子啦!

 

睡前故事都換左一批新書, Sheryl對之前的Usborne farmyard tales 同 小熊寶寶系列好似已經無咩興趣.  所以試下加入一本oxford reading tree嘅read at home系列 - Funny Fish.  點知Sheryl一睇就上癮, 仲好快就記得晒d主角嘅名, 每晚都話要睇"Biff, Chip, Kipper and Floppy"!

 

ORT有幾貴都有幾多大家都知, 無可能買囉.....於是去圖書館借, 真係超級方便又慳錢!  呢6本書每晚都要講一次先肯瞓...........

 

返左學之後, Sheryl d中文明顯進步左, 講野都多左用中文, 對中文故事書興趣都大左, 所以拎左之前買嘅台版書出黎, Sheryl竟然都愛不惜手!

 

月亮晚安呢本名著我中英文版都有買, 我就鍾意英文版多d, 因為英文有押韻.  不過Sheryl就鍾意中文版多d, 最近睇完仲要攬住瞓!

 

對不起呢本翻翻書之前已經睇左英文版, 係時候出動中文版! 

 

睡覺時間到囉 - 呢本立體書真係超正, 好玩之餘仲裝作精美, 連daddy睇到都話好靚!

瞓覺前要做嘅嘢 - Sheryl最鍾意呢part收玩具:

刷牙梳頭.................................

仲有媽咪講故事...........................

不過呢本書唔可以係睡前最後一本, 如果唔係玩到唔肯瞓都有份, wakakakakaka!

 

 

台灣巧連智幼幼版 (23個月)

9月號8月尾已經收到啦!!!!

好鍾意呢set台灣教材, 一年入面每個月都有唔同主題, 有書, vcd, 玩具等, 主要都係一d配合小朋友年紀嘅生活自理同概念, 加上係普通話, 如果唔用vcd果時可以用廣東話, 睇vcd時就可以當係接觸下普通話.  巧連智官網http://www.benesse.com.tw/

 

我訂左2-3歲嘅幼幼版, 9月份主題係沖涼清潔+照顧妹妹, 有一個公仔比小朋友學習除衫著衫同扣扭, 仲有一set圖卡玩具扮同隻公仔沖涼.

本書基本上係重溫vcd內容, 唔想睇噤多vcd, 可以睇一兩次之後用書重溫.  本書有貼紙遊戲, Sheryl呢排好鍾意玩sticker!

 

睇vcd中............

 

有唱歌跳舞, Sheryl至愛, 不過太富娛樂性, 都係唔可以睇得太多!

 

 

其實巧連智個概念好好, 點解香港無呢類教材呢? 每個月都有唔同嘅教具同玩具, 圍繞幾個主要主題學習, 適齡教育又貼近日常生活!  不過可能香港好多家長會覺得0徙錢, 因為唔會學到認字, 哈!  唔怪得噤多港孩, 因為家長都覺得生活自理係least priority, 最緊要學到"字", 自理有工人幫, 囝囡洗咩自己做?  香港市場上無呢類教材, 都係充分反影市場須要!

 

無可否認Sheryl自理能力比較弱, 真係要訓練多d先得. 當然訓練自理唔一定要買教材, 不過有趣嘅教材可以令學習自理更有趣, 噤就可以事半功倍!  而家沖涼都會叫佢學巧虎噤自己摔下個身 (當然係好求其下, haha).  

 

最緊要係價錢唔算貴, 每個月買少一件玩具都喺番度啦!

 

 

開始適應校園生活

由8月中開始, 一個鐘, 兩個鐘, 直到9月份開始正式返3個鐘, Sheryl總算開始適應自己上堂了.

而家每朝帶佢返學, 去到學校樓下都會開始扭下計, 去到課室門口同老師交接時會喊, 不過我喺出邊"裝"佢, 見佢唔夠30秒就收左聲, 而且已經好專心噤玩緊玩具.   加上每晚臨瞓我會同佢傾下計, 問下佢學校d嘢, 佢每次都會好sweet噤笑住答我, 好似好回味噤, 我諗佢應該enjoy返學啦, 係再要d時間適應下同媽咪分離果一下.  好似校長喺簡介會都提到, 始終都仲未夠兩歲, 須要嘅適應時間比"大囝"長係好正常嘅.

入左課室後一分鐘嘅情景, 收晒聲玩緊玩具lu.........

放學返屋企食完lunch就nap, 起身都下晝4點幾, 食完tea就同嫲嫲爺爺落街行下玩下, 返上黎玩一陣玩具就6點幾食dinner.  食完dinner我地返左屋企daddy又帶佢落街玩多轉, 之後我地食飯佢就同工人姐姐玩, 好快又到9點要沖涼食奶, 跟住我同佢bed time story後10點前就要瞓覺啦,  返學嘅生活非常充實!

課餘大玩具...................MILKY家姐!!!!!   呢張相影得佢兩個幾似樣喎, wakakakaka!