Sheryl 3歲生日會 @ 沙田馬會會所

 

10月22日, 順利完成Sheryl人生第一個生日會!

因為距離預產期只有6個星期左右, 所以一向鍾意咩都自己安排嘅我, 今次都唔想太辛苦, 揀左一個好多野都包晒嘅場地.

不過最終都係有好多野要自己安排 (真係唔敢想像如果喺自己屋苑攪, 人地只係provide一間function room比我會有幾辛苦...), 一來經HKJC安排貴d, 二來始終都有要求, 無理由比左錢都唔知人地比咩你架!

 

當日個Welcome易拉架, 係我上網搵資料, 格晒價之後最平design又ok, 其實個design我好滿意, 不過product印出黎之後發現阿囡變左黑人, 想要佢改都唔夠時間,....好彩有Uncle Eddie呢個professional攝影師幫我地影完相再執埋相, 將阿囡由黑人變返中國人!

場地好ok, 仲有野玩.........

條"高速"滑梯好受歡迎........

回禮禮物結果由個袋至內容, 都係我自己逐件揀, 希望d小禮物用得著, 唔係無謂野

原來JC都有安排回禮禮物，係party favours同文具

怖置JC有Happy Birthday backdrop 同氣球, 不過既然要用Minnie做主題, 我又買左幾條Mickey banners同氣球

仲有阿囡見到超happy嘅Minnie walker balloon 同 有3字氣球嘅balloon bouquet

 

當然仲有party姐姐啦.  其實個party姐姐我都未用過, 係朋友用過話ok, 價錢又合理又可以有阿囡鍾意嘅princess 造型, 就試下啦.   都ok喎, 姐姐都控制到場面同lead到遊戲, games唔會太深, 適合3歲左右玩.  兩個鍾包扭波波, 3至4個games, body painting同埋 cut cake, 成個流程都好smooth, 無咩冷場 :)

 

 

玩到超級興奮..........

當日我最期待嘅, 就係個生日蛋糕.......文師傅當然無令我失望, 不枉我地果朝噤遠由香港去上水拎個cake, 個cake一出場, 同估計一樣引來連聲wawa聲, d小朋友仲忍唔住未cut cake就拎左個cake上面d mickey頭裝飾黎食, wakakakaka!

希望大家都玩得開心啦!!!!