發表文章
第二胎的關係, 所有野都好似無噤上次噤緊張, 加上又要照顧 Sheryl, 好多弟弟出世嘅野都未準備好.
約好11月25號開刀, 但11月頭都仲未執好弟弟d野, 因為打算去倉拎返d舊bb衫出黎, 但遲遲都未有時間去, 加上Sheryl間新房到11月頭先至叫做攪掂, 要將家姐d野搬左過去先可以spare返d位出黎放弟弟d野. 結果係勁趕勁操勞!
家姐的新床同wall paper, 家姐仔勁鍾意, 自此之後果佢就叫間房做Princess room...... 最抵係d wall paper, 上 taobao 買好平, 再自己貼上去, 話都無噤易!!!
雖然家姐有新房, 但係我地其實好唔捨得佢唔再同我地瞓, 畢竟佢一出世就同我地同一間房, 每朝佢起身都會好sweet噤叫daddy mammy早晨, 真係唔想佢要同工人瞓. 所以我地決定照比佢同我地一間房先, 如果弟弟出世之後半夜會嘈醒佢先同佢轉房啦!
好彩當初搬黎嘅時候將兩間房打通左, 我地間主人房竟然可以放得落兩張bb床, 而我地張床都仲可以兩邊落地, 勁!!!!
一心諗住餵人奶, 不過知道全人奶會好辛苦, 今次仲要有Sheryl, 時間上都唔知可唔可以afford到, 所以都要買定d奶粉看門口. 上次Sheryl人奶夾日本森永奶粉, 好好無問題, 因為森永好淡唔甜. 但係而家唔買得日本奶粉, 又唔想同強國人爭奶粉, 都唔知點好.... 最後上網research決定買英國版牛欄牌. 原因係英國對奶粉好嚴格, 牛欄牌係大牌子, 味道淡同比較稀, 接近人奶, 最重要係一d都唔貴, 大約$180/罐. 仲有出街旅行裝, 連水都唔洗帶, 好方便!
其他用品同衫大部份都返用家姐之前果d, 只係再買左d consumable 嘅野. 今次真係好鬼趕同埋好多野都未準備好....................
好羨慕間房大可放兩張bb牀, 我老公要阿仔同工人瞓, 我無得見阿仔起身開眼對我笑個樣
回覆刪除Wall paper 好靚,見Sheryl好開心 :)
回覆刪除恭喜恭喜，我都有左細b，不過比第一胎擔心，警湊不店兩個啊！我覺得你好厲害，樣樣都安排得好好。請問你在那裡買英國版奶粉呢？香港的網店？
回覆刪除你好呀, 我想問下你在那裡訂英國版牛欄牌呢?? BB 食左OK 嗎??
回覆刪除我現在BB 是全人奶的, 打算買此奶粉給BB 食.. 所以想知好不好, 煩請回覆我啦... 謝謝
我現在睇緊bb床，請問你果張幾闊？我看到有張24寸闊，但不知夠不夠睡到三歲呢？
回覆刪除你好, 請問盒旅行裝係邊到訂的?
回覆刪除