CMSA巴屎閉閉暨CMSA爸媽爛屎得閒有舖癮部落: 有舖..去旅行..癮!

顯示具有 有舖..去旅行..癮! 標籤的文章。顯示所有文章

2007年10月26日星期五

北海道之旅 - 景篇

食完買完就梗係到睇景啦, 今次我地嘅目的係睇紅葉, 因為紅葉同櫻花一樣, 真係要夾arm時間先睇到架, 今次都算好好彩!

呢張相同景無關, 呢間喺札幌嘅Keio Plaza Hotel, 普通twin room竟然有驚喜 - 按摩椅!!! 去日本大家如果會去shopping嘅都知, 體力須求基本上係勁過返工嘅, 返到酒店房有張按摩椅, 真係ichiban嘅體貼服務!

由札幌出發, 租車去層雲峽, 日本d車有衛星導航系統, 真係就算無方向感到好似我咁, 都唔會盪失路! 成個北海道都係得幾百萬人口, d路都無咩車!

一去到溫泉酒店門口, 已經忍唔住要影影影!

我地間酒店房望出去, 已經有呢個正景!

其實紅葉最靚唔係全部都係紅色, 而係有紅, 有橙, 有紫, 有綠嘅層次感!

黑岳係大雪山國立公園其中一個山岳, 要坐吊車上去, 秋天係好多紅葉架! 不過由於山上凍d, 我地遲左, d葉已經落晒, 仲已經有雪啦!

2007年10月21日星期日

北海道之旅 - 狗篇

今次去北海道最驚喜就係終於一嘗心願, 見到工作中嘅導盲犬, 仲要係lab黎架! 開心到我要衝過馬路影相!

導盲犬工作緊, 係唔可以pet佢或者騷擾佢, 我地只可以遠距離影佢, 佢好乖好定咁坐喺婆婆隔離, 陪婆婆等巴士!

去日本梗係唔少得要買手信比朱古力奶啦, 今次唔係買左好多, 不過相中果支棒棒比香港平一半!!!

仲有大頭狗減價清貨puzzle, 同埋一直都好想買但香港又買唔到嘅Retriever日本雜誌!

當然有必到shopping地點-Labrador Retriever Shop! 呢間喺rera outlet嘅shop, 好多減價貨, 又可以掃!!!!!!

北海道之旅 - 食篇

上星期去左6日北海道, 今次嘅目的係睇紅葉, 不過除左風景之外, 日本最正嘅就係...食!!!!!! 今次我地仲好好彩, 因為去程班機overbook, 我地出發前一日網上check in, 發現我地被upgrade左去business class!!!

出發啦，呢個係business class嘅頭盤！　

跟住就係main course羊扒！

好出名位於二条市場嘅壽司店，ｄ魚生超新鮮，仲好抵！

１９８０yen, 有三文魚子，帶子，海膽，o-toro, 同埋蟹腳麵豉湯，真係好好食！　

去北海道點可以唔食拉麵？係札幌車站上面esta頂樓嘅拉麵共和國入面，呢間白樺山莊真係超好食！

ｄ雞蛋係任食嘅！

真係睇到張相都流晒口水！

去札幌必食嘅成吉思汗炭燒羊肉，因為得十幾個位，門口keep住有人排隊！

入面係無menu嘅，清一色食羊肉，我平時唔好羊，但係呢度ｄ羊肉一ｄ都唔騷，點埋ｄ肉汁，正！

喺Susukino行街行到攰，是但坐低食tea, 估唔到一樣咁好食！呢個waffle有成４塊，初時諗住一定食唔晒啦，　點知個waffle同香港果ｄ好唔同，　好薄好鬆化，一ｄ都唔　”漏”，　結果係．．．清碟！！！

喺地下街Apia近大丸位置有間迴轉壽司，我地是但撞入去，ｄ壽司一樣係．．．正！

最正嘅係佢大大碗嘅蟹麵豉湯，半隻蟹放入碗湯度，ｄ湯真係好有蟹味，都只係三百幾yen, 約港幣＄２５only!

2007年7月3日星期二

悠閒0既美國之旅

上個星期同朱古力奶姨姨去左美國, 唔係去玩, 又唔係去做0野喎, 係去renew我果張就黎到期0既綠卡! 其實拎左張綠卡10年, 都無諗住過去住, 不過自從養左朱古力奶之後, 連生活習慣都變埋, 無以前咁成日行街shopping (慳返唔少錢), 反而多左去下郊外, 同大自然接近左! 所以今次都去renew定張綠卡先, 話唔埋遲d有機會帶埋朱古力奶過去住呢!

今次0既假期短短一星期, 但係都過得好"他條", 每日就係食, 訓, 同行街, 又無時間限制, 又唔洗好似去旅行咁, 要跟住好tight 0既schedule去觀光, 總之想出街就出街, 想訓就訓, 想食就食, 簡直係我0既dream life!!!!!!

當然要多謝親戚們同埋朱古力奶表舅父仔(Cookie) 0既"熱情"款待 (至於Cookie有幾熱情, 遲D話你地知!)! 真係辛苦晒朱古力奶姑婆, 要車我地四圍去, 渣車本身對於朱古力奶姑婆黎講, 真係幾辛苦架! 仲有要多謝朱古力奶叔公接送我地去機場, 同埋借個local手機過我地, 等我地唔洗下下roaming, 慳返唔少錢! 最後梗係要多謝朱古力奶太婆, 整咁多好0野我地食, 真係嘆過0係屋企!!!!!!