南瓜洋蔥忌廉湯晚餐

自從買左部攪拌機之後, 可以整好多之前整唔到嘅嘢食呀!  今次就整南瓜洋蔥忌廉湯, 煎肉眼扒, 抄翠玉瓜, 同埋茄汁炒意粉.  其實主要都係想整南瓜洋蔥忌廉湯, 我係跟下面呢個recipe整嘅, 個recipe好正, 整出黎同出面餐廳果d一樣架, 不過就多步驟d!

南瓜洋蔥忌廉湯

材料:

南瓜                ½斤

洋蔥(細)         1個

清雞湯            1杯

水                    1杯

忌廉                ½杯

牛油                15 g    

麵粉                1 湯匙

盬,黑胡椒粉   少許

 

做法:

1.      南瓜去皮去囊後切片，洋蔥切絲備用；

2.      煮溶牛油；

3.      放入南瓜片及洋蔥絲炒至軟身；

4.      加入麵粉並快手兜勻；

5.      加入清雞湯及水，煮至南瓜及洋蔥熟透，盛起並略為放涼；

6.      用攪拌機將 (5.) 至細滑；

7.      將 (6.) 倒回煲內再煮滾，之後加入忌廉、鹽、黑糊椒攪勻即成。

唔似波波嘅芝士波波

之前買左Goldie介紹嘅芝士波波預拌粉, 前幾日試下整, 其實好容易整, 不過唔知點解焗完之後......扁左, 都唔似波波嘅!!!!

  d味都好似街買果d, 不過我就覺得淡左少少, 下次可以加少少糖!

唔圓嘅芝士波波:

自製紅莓蓉

之前比紅莓(Cranberry)朱古力奶食, 都知佢地可能消化唔到, 於是每粒都切開一半先比佢地食,  點知有時見到佢地d屎屎度有成半粒好完整嘅紅莓消化唔到!  早前買左部攪拌機, 所以就決定自製Cranberry蓉, 加落d糧度比佢地食! 

自從上次Milky尿道炎, 仲返發左幾次, 食左成半年抗生素都仲返發, 照ultrasound發現佢膀胱有晶體, 尿液偏鹼, vet 話要keep住食處方糧, 我梗係唔想佢食一世處方糧啦, vet又建議可以比cranberry佢食, 佢食左兩個月處方糧, 情況穩定左之後, 我就同佢轉左食Canidae, keep住比佢食cranberry或者Solid Gold果隻berry balance supplement, 再定期用PH paper check住佢尿尿d PH, 而家過左半年, 尿道炎都無再返發啦!

小紅莓(Cranberry)

日常保健方面，多吃小紅莓有助鞏固尿道衛生和健康。歐美等地有研究發現，原產於北美洲的小紅莓，其所含的奎寧酸在經過消化後會轉化為馬尿酸。此物質可酸化泌尿道環境，以抑制外來物體在敏感部位繁殖，同時小紅莓內的果糖與原花青素能使外來物體失去攀附能力，減少其黏附於膀胱及尿道壁上，再配合足夠的水分，便能將之排出體外。另有研究發現，小紅莓能抑制口腔細菌滋生，減少細菌依附在牙齒，可預防牙垢及牙菌膜的形成。 小紅莓並且保護我們免受心臟病的威脅。一項由威爾遜帶領的研究審查了小紅莓萃取物作用在低密度蛋固醇(LDL) 的氧化作用。研究員認為, "小紅莓萃取物有能力阻止LDL 微粒的氧化過程，降低對其對心臟造成的損害。"

新鮮紅莓, 要放喺冰箱, 用之前拎出黎浸水解凍!

 

攪成蓉之後就放入個玻璃樽, (因為紅莓好酸, 所以我唔用膠樽) 跟住store喺雪櫃就ok啦!