發表文章
所有留言
我一直都好鐘意食中式糕點, 好似砵仔糕, 白糖糕...etc. 之前喺網上見到原來砵仔糕好易整, 襯今晚CoCo爸同同事出去食飯, 想整狗餅又發現屋企無燕麥片, 咁就一於試下整砵仔糕啦!
食譜：（約3個飯碗）其實用細個d嘅鍚紙模會好d, 不過屋企無, 所以用飯碗囉!!!
材料：粘米粉40g，澄麵粉35g，片糖120g，清水330ml，罐頭紅豆茸適量(我無落, 因為我唔鐘意食架)
做法：
(1) 將粘米粉、澄麵粉篩勻後，加入130ml清水拌勻成粉漿。
(2) 將清水200ml + 片糖煮溶。
(3) 將粉漿沖入(2)立即關火，並不斷攪拌成稀糊狀即可。
(4) 將粉漿注入已塗油的小碗內，放入紅豆茸(我無落)，大火水滾後蒸12-15分鐘即成。
(5) 取出放涼即可。
註: 要留意器皿size同厚薄唔同, 要adjust下蒸嘅時間, 另外如果想食白色砵仔糕, 就用冰糖代替片糖
剛剛蒸好個樣:
脫左模個樣都ok喎......
個質地好好, 好挺身, 食落又唔會硬, 加上甜度都ok, 結論係...呢個食譜掂呀!!!
星期日係朱古力奶老豆生日, 於是我星期六晚就開爐整士多啤梨藍莓蛋糕, 第一次整, 希望起碼都似個蛋糕啦!士多啤梨藍莓蛋糕
材料:
呢排日日三十幾度, 好似比以前嘅夏天更熱更焗, 所以最好就係整凍嘢食啦! 其實已經好耐無整嘢食, 因為隻手指染左"頑疾", 唔濕得水, 所以只可以搵d簡單嘢黎整, 睇見好多blog友都整芒果布甸, 見咁易整, CoCo 爸又鍾意食芒果, 就試下整, 原來真係好容易架, 連埋洗嘢20分鐘攪掂!做法係跟丁茶媽嘅方法:
材料: 芒果2個, 芒果啫哩粉1包, 淡奶170g, 熱水半碗, 冰水半碗, 芒果雪糕
一直都想試下整芝士蛋糕, 不過又驚住難整, 因為味道又唔可以太甜, 又唔可以太"漏", 又唔可以無芝士味喎, 要整唔難, 要整得好食, 就有d難度! 上網搵左幾個recipe, 最後決定跟下面呢個, 雖然已經話係無咁甜同無咁"漏"0既做法, 但係我都係覺得甜左d, 下次要再改良下先得!
餅底材料︰(6吋模份量)
茶餅／消化餅 50克 (我係買一pack溝好左0既餅底粉, 自己再加牛油)
牛油 15克
餡料︰
藍莓 50克
檸檬汁 少許
忌廉芝士 250克 (我用light cream cheese, 無咁"漏")
糖 75克
牛奶 30ml (另一個recipe係用忌廉 150g, 應該會更原汁原味, 下次試下用忌廉)
雞蛋 1隻
餅面料:
藍莓果醬, 新鮮藍莓
做法:
1. 將茶餅／消化餅輾成餅碎。 (我用溝好左0既粉, 唔須要呢個步驟)
2.熱熔牛油，後與餅碎混合，壓在餅模上放入雪櫃備用。
3. 藍莓、25g糖和檸檬汁以慢火煮成濃漿，待涼。
4.50g糖加入忌廉芝士打至滑身。
5.將牛奶、蛋和（3）逐一加入芝士漿打勻。
6.將漿糊倒入餅底，坐於注有熱水的焗盤內，以160度焗1小時，待涼後，置雪櫃內備用。
7.將藍莓果醬搽於餅上，加上新鮮藍莓圍邊就完成啦。
我用呢隻無咁甜0既藍莓果醬, 同埋新鮮藍莓做topping (仲益左CoCo食左幾粒添 !個樣都唔係太樣衰, 下次加d士多啤利可能會靚d!
話說CoCo爸咳左成個禮拜, 食左藥都唔好, 終於星期一去左睇我睇開嘅耳鼻喉科醫生葉劍光. 原來唔係普通傷風感冒咁簡單, 事緣CoCo爸自細有一邊鼻骨移左少少位, 細細個游得水多而得到鼻竇炎, 時有番發, 今次又o黎喇!
病, 就梗係食粥架啦, 但係我又唔識煲粥喎(好低能), 唯有問下朱古力奶嫲嫲啦! 綜合左朱古力奶嫲嫲同埋其他網上搵到嘅方法, 我就跟呢個程序整, 整出黎幾ok喎, 質地都好綿呀, 係一煲似粥嘅粥!
煮法:
1. 瘦肉用鹽腌一腌 (如果唔想d粥有咸味, 可以就咁將舊肉出一出水, 再放入去煲就得啦)
2. 陳皮浸軟之後用刀去左d囊 (一定要去囊架, 因為d囊好寒)
3. 米要加一湯匙油, 少少鹽, 同埋兩茶匙水拌勻, 腌至少半小時
4. 水同陳皮一齊煲滾
5. 水滾之後放瘦肉入去, 舊肉唔好切開, 成舊放落去, 煮好之後先撕開放返入d粥度
6. 等水再滾就落埋米
7. 大火煮15分鐘左右, 再轉細火煲大約45分鐘
p.s. 我有放隻湯匙入煲底, 人地話可以防痴底, 但係我果煲都係有少少痴底, 我諗要定時定候攪下佢先得! 同埋一定要睇火, 因為好易滾瀉(可能我個煲唔夠大啦)
再加埋鮑魚麵, 美心叉燒, 同埋蒜蓉炒翠玉瓜 (本來唔係食叉燒, 係食牛肉炒翠玉瓜, 但係CoCo爸係都要食叉燒, 吹脹!) , 就攪掂呢餐"病人的晚餐"啦!!!! 除左d粥咸左d之外, 都叫做成功既!
自從買左部攪拌機之後, 可以整好多之前整唔到嘅嘢食呀! 今次就整南瓜洋蔥忌廉湯, 煎肉眼扒, 抄翠玉瓜, 同埋茄汁炒意粉. 其實主要都係想整南瓜洋蔥忌廉湯, 我係跟下面呢個recipe整嘅, 個recipe好正, 整出黎同出面餐廳果d一樣架, 不過就多步驟d!
南瓜洋蔥忌廉湯
材料:
南瓜 ½斤
洋蔥(細) 1個
清雞湯 1杯
水 1杯
忌廉 ½杯
牛油 15 g
麵粉 1 湯匙
盬,黑胡椒粉 少許
做法:
1. 南瓜去皮去囊後切片，洋蔥切絲備用；
2. 煮溶牛油；
3. 放入南瓜片及洋蔥絲炒至軟身；
4. 加入麵粉並快手兜勻；
5. 加入清雞湯及水，煮至南瓜及洋蔥熟透，盛起並略為放涼；
6. 用攪拌機將 (5.) 至細滑；
7. 將 (6.) 倒回煲內再煮滾，之後加入忌廉、鹽、黑糊椒攪勻即成。
焗左15分鐘, 好似over左添, 不過都ok, 下次12分鐘好啦!
今個聖誕假期好充實, 日日都full booking......
12月24號
今年24號係星期日, 又多日假! 日頭同左朱古力奶去labclub聖誕party, 朱古力奶又食又拎, 仲有水游, 開心到震! 果日仲車埋Goldie同bbq, bbq都不知幾乖, 坐車好定, 反而阿囝仲係成程去程都擒左起身, 真失禮!!!
夜晚唔想出去同人迫, 決定自己0係屋企煮聖誕大餐, 有泰式荔枝紅咖哩雞翼, 煎豬扒, 菜, Uny買0既印式烤包, 加埋Citysuper 0既新鮮生蠔同Cherry Stone.....好過同人迫呀!!!!
, 正!!!!
最重要係, 一d都唔難整, 切開細細件, 唔太甜, 一個字 - 正!
d味都好似街買果d, 不過我就覺得淡左少少, 下次可以加少少糖!
:
(事原我係買一pack 果d湯包, 再加多舊瘦肉, 個湯包入面有埋綠豆, 但係我
) 
