發表文章
所有留言
開左個blog咁耐, 好似漏左d好重要0既0野未post出黎喎! 呢個blog 0既主"腳", 顧名思義, 就梗係朱古力奶啦! 咁又點可以無朱古力奶0既resume呢?
性別: 男 (不過已經做左公公)
出生日期/年齡 : 2005年1月13日 / 2歲半 (as at 07年6月)
品種: 拉布拉多尋回犬 (CoCo阿嫲話佢係"布拉多", 出街有人指住佢叫 "咩拉咩多"呀)
職業: 無業, 游手好閒!
性別: 女 (絕左育)
出生日期/年齡 : 2005年4月13日 / 2歲2個月 (as at 07年6月)
品種: 金毛尋回犬 (短毛又細隻, 都唔知係咪真係金毛?)
出生地: 屯門礦山村 (即係Pet Oasis, 土炮金毛), 其實佢係mix黎架, 佢親生老豆係澳洲金毛
職業: Dr. Pet 動物醫生 (實習), Dr. Dog 狗醫生 (一隻狗兩份工, 真勤力, 鬼叫佢阿哥係雙失青年咩, 唔勤力d點得?)
丁丁星期一晚已經去左暫養人阿Min屋企, 大家可以去阿Min個blog度睇下丁丁0既近況:
第一日0係暫養家庭0既丁丁: http://hk.myblog.yahoo.com/tasmin_ip/article?mid=675&prev=679&next=657
阿Min第二日仲同左丁丁去街街: http://hk.myblog.yahoo.com/tasmin_ip/article?mid=679&prev=688&next=675
丁丁同狗都相處得好好架: http://hk.myblog.yahoo.com/tasmin_ip/article?mid=688&prev=-1&next=679
而家都有幾個幾合適0既領養人想見丁丁, 我相信丁丁有咁可愛同平易近人(狗)0既性格, 一定可以搵到好愛鍚佢0既主人!
0係呢度要多謝好多朋友, 佢地都好落力咁幫手搵人領養丁丁, 包括有Kitty, Goldie, Emily, Melanie, Dr. Dog嘅Winita, 仲有一d本身無養狗0既朋友都有幫手問人, 真係非常多謝你地!!! 當然仲有暫養人阿Min, 有意領養0既阿Kat, Suki, 同埋其他經朋友轉介0既有心人!!!
如果無你地, 丁丁而家唔知會點......! Thank you very much again (on behalf of 丁丁)!
丁丁而家仲未正式搵到新主人, 我會再update大家領養0既進展!
上個星期嘅半歲大金毛女丁丁, 仲未搵到新主人呀! (有關丁丁嘅身世, 可以睇呢度丁丁身世)
我最初以為, 一隻8個月大嘅金毛女, 應該好容易re-home, 見到其他差唔多大嘅金毛, 一出post就好似洗版咁, 一大堆人話要領養! 點知丁丁嘅post出左一個星期, 只係得兩個人問過! 唔通要求要絕育, 要打齊預防針, 真係咁難? 呢d好似係一個負責任嘅主人, 基本要做嘅嘢! 就算我唔要求, 都應該自動自覺去做啦! 而問過嘅兩個人, 都唔係好arm, 有個仲話睇都唔洗睇就可以帶丁丁走! 吓, 唔洗睇下隻狗先? 你唔洗睇姐, 我都要見下你掛!
一直放喺鄧師傅度都唔係辨法, 續日計都好襟計! 好好彩, 有兩位好心網友都話可以暫養住丁丁先, 所以今晚我地就送左丁丁去網友阿Min度暫住! (暫養人阿Min嘅blog) 真係要好多謝阿Min願意收留丁丁, 仲要多謝阿Min嘅Husky愛犬Odie, 同丁丁分享佢嘅狗糧同玩具!!!
今晚我地接左丁丁之後, 就出發去北角阿Min屋企啦. 其實初時有d擔心, 因為Milky細個比Husky咬過, 成日都覺得Husky好惡, 有d驚Odie會唔歡迎丁丁! 去到阿Min屋企, 見到Odie, 先知道先前嘅擔心係多餘嘅, 因為Odie真係好乖! 至於丁丁, 一去到人地屋企, 個衰妹一d都唔客氣, 第一時間走去飲Odie兜水, 同埋食Odie兜狗糧, Odie好乖仔, 由得個衰妹又食又飲! 跟住丁丁仲得寸進尺咁拎晒Odie D 玩具, 走上去Odie個狗廁所上面, 瞓埋喺度慢慢咬! Odie咁都忍得個衰妹, 真係good boy啦!!!!!
update下丁丁近況先, 尋日我同CoCo 爸帶左佢睇vet, vet估計佢最少都有8個月大 (而唔係阿嬸所講0既6個月), 因為無針卡, 所以vet建議打返兩支預防針會穩陣d, 尋日打左一針, 7月要再打多一針. 尋日同佢杜埋虫. Vet話佢身體無問題, 好健康. 因為佢已經8個月大, 要驗左血先可以開始食心絲虫藥. 如果兩個星期後都未搵到新主人, 就會同佢去 驗埋血先.
其實丁丁真係好可愛架, 佢身形好細, 得16kg左右, 我諗佢大定左之後最多都係22kg左右, vet都話佢係細身, 同埋佢好乖好少吠, 尋日同佢打完針之後去左散步, 佢都唔係太搶繩, 不過就好似對咩都好好奇咁, 可能之前主人無同佢出街啦! 佢見到狗就會撩人玩, 不過都無吠過!! 佢真係好乖好可愛架
大家幫下手， 幫丁丁搵個好歸宿啦! Thanks!!!!
其實想問呢個問題好耐, 見到好多lab都鍾意"繑"手架喎, CoCo細個唔會架, 大下大下無端端開始"繑"手訓0係地下! 其實照睇呢個"舖屎"應該唔係好穩陣, 又唔似會係好舒服喎, 咁究竟點解呢? 我地一見到CoCo"繑"手, 就會話佢"好斯文呀!" 其實CoCo又點會斯文呢? 佢比人鬧少一日粗魯都偷笑啦!!!!
所以......都係諗唔明呢個"繑"手0既意思係咩
話說CoCo爸最近買左兩個各重3kg 0既啞鈴返黎做運動, 尋晚拎出黎, CoCo聞左兩0野就好似好驚咁彈開, 我地於是聞下有咩味啦, 我地估係因為d膠味怪怪地, 所以CoCo唔鍾意掛!
直到今朝, CoCo爸返左工, 我0係厨房洗緊狗兜0既時候, 聽到出面有d怪聲, 就出去睇下啦, 點知見到CoCo咬住CoCo爸個啞鈴, 0係"木台" 底密密咬!!!! 我即時衝埋去拎起個啞鈴, 唔係一陣d地磚比個啞鈴"hom"爆都有份, 我一手拎住個啞鈴, 另一隻手就打電話比CoCo爸, 問下佢將對啞鈴放0係邊? 一邊打緊電話, 一邊又聽到房入面有怪聲, 我又轉身衝入去, 原來阿囝已經0係書房咬住另外一個啞鈴, 正準備搵地方"呢"埋慢慢玩!!!!!
CoCo爸話, "無理由架, 阿囝尋晚明明好驚對啞鈴架喎 ! " 唉, 好明顯, 阿囝唔係驚對啞鈴, 係驚"啞鈴+老豆"至真! 今朝老豆唔0係屋企, 得返啞鈴孤伶伶, 阿囝心諗: "啞鈴你地家陣仲惡得出咩樣呀? 一於先下手為強, 0係老豆返黎之前毀滅左你地先!!!!"
好彩比我發現得早, 因為阿囝好鍾意將d玩具"掟"落地下, 如果唔係......我諗屋企d地磚要全部換過都有份!!!!!!
CoCo媽 :"衰仔, 唔好扮野喎, 今朝你老豆唔0係屋企果陣你明明自己走入書房偷左個啞鈴出廳玩架喎, 而家老豆睇住你你就扮拎唔起個啞鈴, 即係話我屈你姐!!!!!!"
今日發生左件好唔開心嘅事, 本來今日最後一日考試, 諗住考完可以返屋企大覺瞓, 因為尋晚只係瞓左3粒鐘! 考完行出考試局, 已經心情低落, 因為考得好差, 都係唔合格多! 跟住坐van仔出黃大仙地鐵, 落左車行行下見到有個阿嬸拖住隻大約6個月大嘅金毛, 仲要好白架(我鐘意白色金毛)! 我就梗係走埋去撩下隻狗啦, 點知……阿嬸用半咸淡廣東話同我講”你鍾意比左你呀!” 吓!!!!!!!!!!!!!!!!!!! 我以為自己聽錯, 阿嬸就再講 “我都諗住唔要架啦, 家下拎去後山放生!” 吓!!!!!!!!!!!!!!!!!!!!!! 我即時係完全唔識比反應! 當時有個OL喺隔離聽到, 就問阿嬸做咩要”放生”, 阿嬸唔問由自可, 一問就一 “輪”咀講, 原來隻狗係佢個女養嘅, 年頭BB果時帶返黎, 最近個女成個月無番屋企, 好似係因為識左個男仔, 阿嬸打過好多次比阿女, 話如果佢再唔返就比左隻狗人, 個女就叫阿嬸自己鍾意點就點, 佢唔會理! 阿嬸就話 “咁大隻狗邊有人要呀, 我地住公屋架! 無人要咪放生囉!” 我同OL姐姐都有同阿嬸講叫佢唔好, 我地幫佢問下有無人要, 阿嬸開始唔耐煩, 仲話”你地要就要啦, 唔要就放生, 唔好咁煩啦!” 眼見阿嬸想走, 我同OL 姐姐就叫住佢叫佢比我地啦, 阿嬸即時好似甩難咁比條狗帶我地! OL姐姐同我一齊去左附近一間pet shop, 睇下可唔可以收留住佢先, 我地再搵人領養, 點知pet shop唔肯收, 因為佢無針紙, 如果有咩事佢地唔負責! 咁點算好? OL姐姐食完lunch要趕返工, 如果我帶返屋企實比CoCo爸將我剷上天花板!!!! 我就諗起果時CoCo個trainer, 我就打比佢, 佢話無問題, 可以放喺佢度! 於是我就帶左狗狗去筲箕灣鄧師傅度寄養住幾日先, 師傅好好人呀, 佢仲記得CoCo , 佢話 “CoCo好叻仔呀, 果時一個禮拜就學識晒d嘢啦!” 師傅仲話唔收錢住, 遲d先算喎!
有無人有意收養佢, 或者可唔可以有人暫養住先? (如果有人可以暫養住先, 會先同佢絕左育先比人領養)
名字: 丁丁(好似係, 因為阿嬸半咸淡咁叫佢做 “癲癲” , 我估應該係叫 “丁丁”! 不過叫佢佢好似唔係好識應!)
性別: 女
年齡: 6至8個月
性格: 仲係bb性格, 見到狗就好貪玩, 開心會撲起身, 喺pet shop 磅過大約16kg重, 同佢坐車佢好定, 由我見到佢開始到去到師傅度見到好多狗好興奮, 都無吠過, 好乖! 我諗佢都好痴人, 可能佢真係知道比人遺棄, 離開左舊主人之後好似有d唔知點算好咁, 試過坐喺度唔肯行! 後來跟左我一陣, 我同佢映相, 好難映, 第一因為係用電話映, 唔清, 第二係因為我叫佢坐低之後, 要向後行幾步先映到, 佢以為我走, 行返埋黎坐喺我腳邊, 仲伸一隻手仔wer我 ! 果下我個心好酸, 直頭想喊出黎! 之後再同CoCo爸一齊去映多次, 下面d相清楚好多!
領養要求:
要出示住址證明
必須願意接受家訪
必須為佢打齊預防針同植入晶片
必須為佢絕育, 確實領養人後會先安排絕育, 再交比新主人
領養唔係先到先得 ， 會選擇最合適嘅領養人，（優先考慮我識嘅朋友)
請大家唔好介意可能要問好多問題
姑丈幫我喺花旗國帶返黎嘅, 除左呢d好嘢之外, 仲有以下嘅一批正嘢!!!!
朱古力奶姑婆送比朱古力奶嘅玩具, 不過呢隻狗狗同龍蝦, 如果落入朱古力奶手中(口中), 我諗會被9秒9分屍, 所以我同CoCo爸決定, 呢兩隻樣子咁可愛嘅"生物", 將會成為我地自己嘅玩具!
之前喺網上訂左好多嘢, 上星期姑丈幫我由花旗國帶左d"貨"返黎啦, 真係唔該晒呀姑丈, 你放心, 我會好好報答你, 你個仔(Cookie)月尾會收到好多禮物架啦!!!!
