朱古力奶resume

開左個blog咁耐, 好似漏左d好重要0既0野未post出黎喎!  呢個blog 0既主"腳", 顧名思義, 就梗係朱古力奶啦!  咁又點可以無朱古力奶0既resume呢?

名字:  馮高高 CoCo Fung (阿媽又會叫佢阿Co, Co豬, CowCow, 阿囝......etc.)

性別:  男 (不過已經做左公公)

出生日期/年齡 :  2005年1月13日 /  2歲半 (as at 07年6月)

品種:  拉布拉多尋回犬 (CoCo阿嫲話佢係"布拉多", 出街有人指住佢叫 "咩拉咩多"呀)

出生地:  澳洲 ("竹昇"黎喎

)

性格:  十級熱情, 識0既唔識0既都要獻上法式濕吻, 有時熱情到嚇親人! 

  超級裙腳仔, 阿爸阿媽行遠d都唔得, 唔見一分鐘都好似久別重逢咁, 個樣好似好外向, 其實好多唔應該驚0既都驚到死, 例如吹毛, 洗耳仔, 風筒, 啞鈴......!   古古惑惑, 有晒計劃, 犯事之後最叻就係出絕紹 - 扮無辜!  十級為食, 為左食, 無底線, 咩都肯做!

興趣:  食0野, 游水, 喪跑, 蝦Milky, 痴住佢老豆, 同佢女朋友 (樓下隻金毛囡GoldGold) 玩打交

職業:  無業, 游手好閒!

 

名字:  馮妙琪 Milky Fung (阿媽又會叫佢阿Milk, MilkMilk, 囡囡, mui mui, 妹......etc.)

性別:  女 (絕左育)

出生日期/年齡 :  2005年4月13日 /  2歲2個月 (as at 07年6月)

品種:  金毛尋回犬 (短毛又細隻, 都唔知係咪真係金毛?)

出生地:  屯門礦山村 (即係Pet Oasis, 土炮金毛), 其實佢係mix黎架, 佢親生老豆係澳洲金毛

性格:  嗲精, 見親人同狗就走埋去扭pat pat, 跟住肉緊到要搵玩具咬住黎跳扭腰舞! 

極度naive, 完全無自衛能力, 一有咩事就淨係識坐低唔郁, 比狗仔吠兩下就驚到要掉頭走, 隻貓唔郁佢又驚, 老豆大聲d佢仲驚到成隻down 0係度!  係人係狗都跟 (係唔跟佢阿爸阿媽), 開心果時會突然喪跑, 叫都叫唔住!  最鍾意痴住大佬CoCo (雖然CoCo有時唔係好so佢), 又成日表錯情, 撩CoCo追佢, 點知CoCo起跑係跑去老豆度, 仲要當佢透明, 成隻狗比CoCo撞開! 

興趣:  食0野, 游水, 喪跑, 撩人撩狗玩, 痴住CoCo

職業:  Dr. Pet 動物醫生 (實習),  Dr. Dog 狗醫生 (一隻狗兩份工, 真勤力, 鬼叫佢阿哥係雙失青年咩, 唔勤力d點得?)