CMSA巴屎閉閉暨CMSA爸媽爛屎得閒有舖癮部落: 1月 2010

2010年1月30日星期六

Nursery interviw - part 5 坐車坐到嘔

真係好跨張, nursery interview都有咁多part, 變左長篇連續劇咁款, 唔驚唔覺已經去到part 5!!!!

今日去左interview灣仔嶺南幼兒園. 其實我係人地收晒生之後先報, 估唔到仲有得in. 大家都知東山臺交通有幾唔方便, 諗住泊架車係灣仔, 再打的上去, 點知灣仔塞車, 攪左大半個鐘先去到. 點知去到之後條interview嘅人龍竟然排到出學校門口! 又要等!!!!! 排左3個字, 再去indoor playground玩住等! End up 等左成半個鐘先有得in. 而所謂嘅interview, 同衛理堂差唔多, 佢地唔會考小朋友野, 只係觀察下佢地點玩, 不過老師都會埋黎傾幾句!

其實我地已經唔諗住讀呢間, 因為實在太遠, 果頭又成日塞車, 不過見有得interview,當比阿囡去玩下練習下, 我又可以睇下佢而家嘅表現. 點知阿囡今朝8點就起身 (平時過左9點先起身), 而我地interview 11:30, 心諗死梗, 阿囡實扭眼瞓啦, 點知佢鬼打都無咁精神, 去到仲好開心周圍搵野玩.

Interview真係簡單到不得了:

1. 老師行埋黎, 同我講"我地上晝班已經full晒, 下晝班仲有少少位, 你考唔考慮?" 我話"我都係prefer上晝班." 老師:"好, 咁我mark低你首選上晝, 次選下晝啦!"

2. 老師同Sheryl講: "hello, 我見你好熱情喎!" 跟住叫Sheryl砌積木, 其實Sheryl一直都砌緊, 不過老師行埋黎, 佢就呆左望住老師, 唔砌! 咁我地就同佢玩, 叫佢"放個圈圈喺個公仔個頭上面啦!" Sheryl無反應, 跟住我地再用英文叫佢"put this on baby's head", 點知佢將個公仔成個擺上自己個頭度, 笑死我地同老師!

3. 老師比個玩具Sheryl "比個玩具媽咪啦!" Sheryl做到, 跟住無情情拎起另一件玩具比老師, 老師好似好滿意咁say thank you!

跟住老師就行埋一邊喺張form上面寫野, 然後去見其他小朋友. Sheryl無聊就周圍行去其他小朋友度撩人玩(其實係搶人地個玩具!), 玩左10分鐘, 仲主動拎左兩件玩具比老師, 老師都好似幾滿意.

跟住一直等, 等到成12點幾, 已經過晒Sheryl食飯時間, 原來仲要等人帶我地睇下個校舍同埋做簡介! 當時我地已經好想走, 因為其實唔諗住讀! 結果我地無等到簡介就走左!

走果時已經12:20pm, 落灣仔條路勁塞車, 又無的士, 唯有搭巴士落合和再行上去堅尼地道攞車, 塞車加行路攪左成半個鐘先攞到架車! 結果Sheryl一上車就瞓, 好彩返到屋企摷醒佢食飯都無扭計, 食完又再瞓! 結果攪到今日下晝去唔到 Gymboree上music class!

果頭咁嘅交通情況, 加上路程又遠, 如果坐校車仲要兜到暈先返到屋企, 對於一個兩歲人仔, 真係太辛苦啦, 間學校幾好都無用啦!

所以決定: 收都唔讀, 留位費都唔比!

(待續................)

2010年1月26日星期二

Usborne farmyard tales

之前買左果3 sets jumbo animals, 除左jungle animals之外, Sheryl對其他兩set興趣一般, 玩一陣就走佬. 為左要令佢有興趣 (唔好side左我d錢!), 要諗諗其他方法!

早排行過書局, 見到Usborne出果set "Farmyard Tales"書仔, 細細本$25 each only. D圖晝好可愛好靚, 又有齊jumbo farm animals果d動物, 可以配合一齊玩:

用本書講故事, 再叫Sheryl揀返隻jumbo animal出黎, 佢就有興趣好多啦!

呢set書都幾好架, 唔識字就睇靚靚圖晝, 大個d就淨係睇上面果行字, 再大個d就睇下面果d sentences (如果到時佢仲對本書有興趣既話!)

2010年1月22日星期五

中文圖咭 (15個月)

早排行過屋企樓下商場間bb野舖頭, 見到呢set圖咭:

入面有形狀, 顏色, 生果, 日常用品四個category:

背面係中文物件名稱:

又係果句 - 簡單! 不過都好"土炮"下, d相有好多都under, 仲有影添, 其實有時間0既話, 絕對可以自己整唔洗買, 不過$60 only, 材料+晒相+心機時間都分分鐘唔止, 所以都係買算吧啦!

2010年1月21日星期四

10蚊店的收獲

而家呢份工既好處係要去唔同既醫院, 即係做完野可以行下街. 上星期去完仁濟, 經過10蚊店, 發現手工都幾精美0既木製玩具, 雖然唔係$10/件, 不過價錢都算合理! 加上又符合我既要求 - 簡單!

形狀puzzle, 只有最basic果4個形狀, 正!

仲有呢個Sheryl好鍾意0既珠仔game, mini版, 唔驚無位放!

正常size都好大個下:

呢個夠細, 手工又ok:

不過開左之後發玩呢個shape puzzle都係唔掂! 個圓形竟然放得入個正方形同長方形度, 有無攪錯呀? design果個真係無腦.....................

寶寶大書 (15個月)

可能係職業病, 自己幫Sheryl揀玩具教材都幾"揀擇", 而家市面上大多數玩具都太花巧, 例如教形狀, 公仔多過形狀, 五顏六色眼都花埋, 唔好話bb, 我都比佢distract晒! 要搵d簡單0既玩具教材, 真係難過登天, 就算有都係外國貨, 即係超貴! (到時又會覺得咁簡單都要咁鬼貴, 有無攪錯?!)

上網見到有媽咪介紹一set台灣出0既"寶寶大書", 搵左好多間香港區書局都搵唔到, 前幾日去開大眾, 終於比我搵到!

內容簡單, 無廢話, 無distracting既公仔:

圖片都係實物 (我唔太鍾意卡通公仔):

仲好大本, 一定吸引到bb注意:

最好既就係, 每本只係$20, 我仲要有會員卡, 多個九折添,!

我地問Sheryl封面個隻係咩黎, 佢話係"Milky", wakakakaka!

2010年1月20日星期三

眼腫腫遊ikea

星期日約埋婆婆姨姨去街街, 去左ikea買張枱仔比Sheryl, 點知星期日既ikea, 真係多人到癲!

姨姨發現可愛啤啤梳化:

Sheryl發現後面有狗狗公仔, 攬住係咁叫"woowoo":

唔知係咪太多人空氣唔好, Sheryl鼻敏感發作, 眼都腫埋!

不過"力婆"Sheryl一於少理, 照玩可也!

阿囡好鐘意玩呢種玩具:

嘩!!! 我超鍾意呢個玩具kitchen呀!!! 最衰阿囡未識玩, 屋企又無位放啦!!!!!

2010年1月18日星期一

Your Baby Can Read 進度 (15個月)

自從Sheryl幾個月大開始已經比佢睇Your Baby Can Read. 不過始終有d矛盾, 係咪唔應該比bb睇dvd呢? 所以由佢9個大開始, 少左比佢睇, 只係間唔中睇一陣.

直至佢識講野, 大約14個月大, 開始比返佢睇, 其實一直都只係睇過Starter果隻dvd, 開始睇返之後, 佢竟然好快就認得大部份Starter dvd入面d字: 有d見到字就識做動作, e.g.見到clap字就拍手. 見到tiger個字就講"tie", 見到ear個字就指ear. 有d就要讀左個字比佢聽佢先識做. 原來之前細個睇既野, 佢係唔多唔少記得架! 所以而家睇返就可以快d pick up.

於是就開始睇 volume 1 隻dvd啦. 至於d word card同書, 就比較少睇, 14個月先開始睇, 不過成績都唔錯啦:~~~

我始終有d抗拒比佢睇dvd, 不過我諗每日睇15-20分鐘, 應該都無問題0既! 加上盡量揀d有埋其他教材 (e.g. cards, toys, books) 配合0既dvd, 睇完就用書/卡重溫, 效果應該會好d.

其實好多睇Your Baby Can Read 0既 bb, 15個月大已經認得好多字架啦, Sheryl 係慢個隻啦. 不過我只係當呢set野係"玩具", Sheryl有興趣先睇一陣玩一陣, 佢一無興趣就收埋lu, 始終bb都未夠兩歲, 唔識"認字"都好正常, 識跟指示做動作已經ok啦! 不過Sheryl好鍾意dvd入面果d歌仔, 所以成日都要replay首歌 (而唔係睇d字), wakakakaka!