表舅父Cookie的五星級生活

住係舊金山嘅朱古力奶表舅父Cookie, 可以話係有一個五星級的家，天生'活潑熱情'嘅Cookie, 平時究竟有咩做呢？

Cookie屋企附近有個'放狗山'Fort Funston，好多人放狗，你地睇下地方幾大! 

(Cookie: 車，　幾大都唔關我事啦，　阿媽話唔比放繩喎，　如果唔係，　我實走狗走到影都無!

)

 

好啦，　行完山，　返到屋企即時坐番張”大班椅”先!   Cookie: "你地咪坐我張龍椅呀，　我鬧你架！

”

 

話咁快又天黑，　比人困番入個一廳一房嘅”豪宅”，　仲有張好”ｃ服”嘅梳化床!

 

眼瞓嘅Cookie, 真係可愛到屎，　任人魚肉，　用佢張被包實佢，　都照瞓可也！

    Cookie:  你地攪我攪得咁過癮，　阿叔我家陣好眼瞓，　聽日你地就知味道!!!!!

丁丁已經去左新屋企啦!

上星期唔喺香港, 到而家先得閒update丁丁嘅情況.  丁丁(已改名叫"菲菲")weekend已經去左新屋企啦!  新主人一家三口, 仲有隻拉布拉多囡Circle陪菲菲玩, 又成日可以去游水, 菲菲終於都苦盡甘來!  我地呢個weekend可能會去探下佢, 到時再影d相比大家睇下!

今次當然要多謝領養人Circle媽, 佢唔介意菲菲pat pat有撻癬, 又唔介意vet話菲菲要check 下個hip, 因為菲菲而家起緊水, 等佢起完水一個月之後, 就會帶佢去desex同照hip x-ray啦!  Circle媽仲話菲菲好乖, 同Circle相處得好好, 又唔吠, 仲成日笑!

  菲菲就算比前主人遺棄過, 都無損佢樂天嘅性格! 

其實有個人, 更加要多謝, 就係暫養人阿Min

, 佢真係好錫菲菲, 成日帶佢去玩, 最後仲決定可以收養埋菲菲添!  要喺阿Min同Circle一家之間選擇, 真係好困難, 喺衡量過居住環境之後, 最終決定將菲菲交比Circle一家照顧!  菲菲有阿Min不計回報咁照顧佢, 菲菲真係好幸福!

最後要多謝好多好多幫過菲菲搵新主人嘅朋友, 雖然菲菲比前主人遺棄, 令我好心痛, 但係就發現原來都仲有好多好多有心人, 喺有須要嘅時間, 會行出黎幫忙!  如果人人都諗住"實有人幫嘅, 洗咩我幫呀!", 咁呢個世界會變成點, 真係唔敢諗!  幫, 當然要量力而為, 但係原來每個人只係出少少力, 好多人嘅"少少力"加埋, 都可以有"奇蹟"!!!!!!

希望其他被遺棄嘅狗狗, 都可以好似菲菲咁好彩, 有機會遇到"奇蹟", 搵到新嘅家!

悠閒0既美國之旅

上個星期同朱古力奶姨姨去左美國, 唔係去玩, 又唔係去做0野喎, 係去renew我果張就黎到期0既綠卡!  其實拎左張綠卡10年, 都無諗住過去住, 不過自從養左朱古力奶之後, 連生活習慣都變埋, 無以前咁成日行街shopping (慳返唔少錢), 反而多左去下郊外, 同大自然接近左!   所以今次都去renew定張綠卡先, 話唔埋遲d有機會帶埋朱古力奶過去住呢!

今次0既假期短短一星期, 但係都過得好"他條", 每日就係食, 訓, 同行街, 又無時間限制, 又唔洗好似去旅行咁, 要跟住好tight 0既schedule去觀光, 總之想出街就出街, 想訓就訓, 想食就食, 簡直係我0既dream life!!!!!!

當然要多謝親戚們同埋朱古力奶表舅父仔(Cookie) 0既"熱情"款待 (至於Cookie有幾熱情, 遲D話你地知!)!  真係辛苦晒朱古力奶姑婆, 要車我地四圍去, 渣車本身對於朱古力奶姑婆黎講, 真係幾辛苦架!  仲有要多謝朱古力奶叔公接送我地去機場, 同埋借個local手機過我地, 等我地唔洗下下roaming, 慳返唔少錢!   最後梗係要多謝朱古力奶太婆, 整咁多好0野我地食, 真係嘆過0係屋企!!!!!!

不過成程都掛住朱古力奶同CoCo爸喎, 阿囝阿囡唔知有無掛住我呢?  小朋友無媽咪0係身邊好陰公架!  好彩返到黎一人二狗都無咩事!

今日又要回復正常開工, 真係有d唔捨得, 有d depress添 !