Professor Milky - 馮妙琪教授

做阿媽0既, 最開心梗係囝囡事業有成啦!  阿囡今次由Dr."榮升" Prof., 阿媽我真係好榮幸!  難得Prof. Paws唔嫌棄阿囡爛玩, 比個機會佢試下做professor!

可能香港d學生都係比較passive少少, 上堂學英文果時反應唔太熱烈, 反而一落左堂, 成班小朋友就十級熱情, 圍住Milky又摸又拉!  阿囡表現都唔錯, 不過佢d懶樣出晒黎, 人地外籍教師教緊英文, 佢竟然好唔比面咁訓左0係地下訓覺(係mi埋眼果隻喎!), 真係......失禮屎我!!!!!

Prof. Paws 呢個program好有意義, 小朋友有英文學之餘, 又可以學習下愛護動物!   最尾果日有一part幾touching架, 成班小朋友要"宣誓"做animal cadet, 佢地對住Milky講 "I, animal cadet, ............, promise professor Milky that I will love all animals and teach others to treat all animals well..." (好似係咁上下).    希望 Milky可以帶比呢班小朋友一個正面同美好0既回憶, 令佢地更加愛護動物同專重生命!

呢間學校0既網頁post左好多相出黎, 當中仲有Milky 比 人影左0既懶樣! http://www.star.edu.hk/gallery2/main.php?g2_itemId=7128&g2_page=1

舊post重提 - 金毛女搵新主人

好耐無寫 blog添, 因為呢個幾月實在太忙!  上星期收到個狗友0既電話, 佢朋友之前暫養果隻金毛女而家又要再搵人領養啦!  因為暫養人屋企已經有4隻狗, 加上呢隻金毛女女只得1歲半, 仲係BB期, 好鬼好動貪玩, 暫養人照顧唔到5隻狗, 所以要再搵新主人啦! 

因為金毛女0既狗牌仲係第一手主人名, 暫養人一直諗住搵到第一手主人轉名先rehome, 初時都搵到第一手主人, 不過又約唔到出黎攪轉名, 而家直頭搵唔到佢!  所以如果有心人想領養, 要留意個狗牌仲係第一手主人0既名.

由於我只係幫手發放消息, 有心領養0既我會refer返直接同暫養人傾詳情.

http://hk.myblog.yahoo.com/cocomilkyclub/article?mid=753

領養要求:
要出示住址證明
必須願意接受家訪
必須為佢打齊預防針同植入晶片
必須為佢絕育

領養唔係先到先得 ，　會選擇最合適嘅領養人，（優先考慮我識嘅朋友)
請大家唔好介意可能要問好多問題

home visit by 契仔契女

上星期日契仔波仔同契女珠女黎探我地, 話說契仔契女聖誕節假期會黎我地度寄宿一星期, 而家比佢地熟習下環境先!   到底朱古力奶又點對呢兩隻"入侵"佢地屋企嘅狗仔呢?

波仔真係越大越靚仔, 仲好鬼嗲添!

得4個月大嘅珠女, 對眼仔好迷人喎!

金毛同lab咁大隻, 同toy poodle玩會唔會發生意外呢?  珠女同Milky首先證實一下!  珠女自己走去捺Milky玩......

波仔: "佢地兩個做咩呀? 想玩又唔玩!"     CoCo: ".....d 女人真係煩......!"

結果, Milky都係無同珠女玩, 佢好似好confused, 佢心諗"咁細隻, 點玩呀?????"  見佢地唔知點玩好, 一於幫下手, 比珠女玩騎牛牛!  不過Milky好似唔多enjoy呢個遊戲!!!!!

玩唔成, 影張相算啦!

要stay埋波仔同珠女真係有d難度, 攪左好耐終於影到啦!

結論係, 契仔契女黎寄宿係無問題嘅, 因為CoCo同Milky根本就唔會同佢地玩! wakakakaka!

北海道之旅 - 後記

去旅行就梗係開心啦, 不過做阿媽嘅, 點都一定會掛住d囝囡, 我今次去日本, 全程都無熄過部手提電話, 訓覺都只係較震機!  好彩全程都收唔到狗酒店電話!

去接朱古力奶嘅時候, 約埋鄰居牧羊Coco(人地又係叫Coco,點解人地咁乖, 我隻咁喪呢?) 同lab 吉吉一齊去游水, 好彩鄰居Agnes架車夠大, 坐4隻大狗都無難度!

左起: Coco, Milky, 吉吉, CoCo 

返到屋企瞓到反晒肚, 喺狗酒店一定係瞓得唔好啦......

北海道之旅 - 景篇

食完買完就梗係到睇景啦, 今次我地嘅目的係睇紅葉, 因為紅葉同櫻花一樣, 真係要夾arm時間先睇到架, 今次都算好好彩!

呢張相同景無關, 呢間喺札幌嘅Keio Plaza Hotel, 普通twin room竟然有驚喜 - 按摩椅!!!  去日本大家如果會去shopping嘅都知, 體力須求基本上係勁過返工嘅, 返到酒店房有張按摩椅, 真係ichiban嘅體貼服務!

由札幌出發, 租車去層雲峽, 日本d車有衛星導航系統, 真係就算無方向感到好似我咁, 都唔會盪失路!   成個北海道都係得幾百萬人口, d路都無咩車!

一去到溫泉酒店門口, 已經忍唔住要影影影!

我地間酒店房望出去, 已經有呢個正景!

其實紅葉最靚唔係全部都係紅色, 而係有紅, 有橙, 有紫, 有綠嘅層次感!

黑岳係大雪山國立公園其中一個山岳, 要坐吊車上去, 秋天係好多紅葉架!  不過由於山上凍d, 我地遲左, d葉已經落晒, 仲已經有雪啦!

 

北海道之旅 - 狗篇

今次去北海道最驚喜就係終於一嘗心願, 見到工作中嘅導盲犬, 仲要係lab黎架!  開心到我要衝過馬路影相!

導盲犬工作緊, 係唔可以pet佢或者騷擾佢, 我地只可以遠距離影佢, 佢好乖好定咁坐喺婆婆隔離, 陪婆婆等巴士!

去日本梗係唔少得要買手信比朱古力奶啦, 今次唔係買左好多, 不過相中果支棒棒比香港平一半!!!

仲有大頭狗減價清貨puzzle, 同埋一直都好想買但香港又買唔到嘅Retriever日本雜誌!

當然有必到shopping地點-Labrador Retriever Shop!  呢間喺rera outlet嘅shop, 好多減價貨, 又可以掃!!!!!!

北海道之旅 - 食篇

上星期去左6日北海道, 今次嘅目的係睇紅葉, 不過除左風景之外, 日本最正嘅就係...食!!!!!!  今次我地仲好好彩, 因為去程班機overbook, 我地出發前一日網上check in, 發現我地被upgrade左去business class!!!

出發啦，呢個係business class嘅頭盤！　

跟住就係main course羊扒！

 

好出名位於二条市場嘅壽司店，ｄ魚生超新鮮，仲好抵！

１９８０yen, 有三文魚子，帶子，海膽，o-toro, 同埋蟹腳麵豉湯，真係好好食！　

去北海道點可以唔食拉麵？係札幌車站上面esta頂樓嘅拉麵共和國入面，呢間白樺山莊真係超好食！

ｄ雞蛋係任食嘅！

真係睇到張相都流晒口水！

去札幌必食嘅成吉思汗炭燒羊肉，因為得十幾個位，門口keep住有人排隊！

入面係無menu嘅，清一色食羊肉，我平時唔好羊，但係呢度ｄ羊肉一ｄ都唔騷，點埋ｄ肉汁，正！

 

喺Susukino行街行到攰，是但坐低食tea, 估唔到一樣咁好食！呢個waffle有成４塊，初時諗住一定食唔晒啦，　點知個waffle同香港果ｄ好唔同，　好薄好鬆化，一ｄ都唔　”漏”，　結果係．．．清碟！！！

喺地下街Apia近大丸位置有間迴轉壽司，我地是但撞入去，ｄ壽司一樣係．．．正！

最正嘅係佢大大碗嘅蟹麵豉湯，半隻蟹放入碗湯度，ｄ湯真係好有蟹味，都只係三百幾yen, 約港幣＄２５only!