天寒地凍下的朱古力奶

呢排日日都凍到震, 我地屋企個廳又係地磚地, 真係凍上加凍!  朱古力奶o既避寒方法就係............霸左我地張床!!!!!!

不過其實都係win-win o既, 因為佢地訓完之後, 張床勁暖, 所以朱古力奶其實係好孝順就真, 幫阿媽暖床!

 

 

小肥羊@home

噤凍最好就係匿o係屋企打邊邊, 行百佳見到有小肥羊湯包, 再買埋d湯底配料就攪掂!

加埋配料 (大蒜, 蒜頸, 薑etc.), 個賣相好得下, 仲香到朱古力奶一直"守候"o係廚房門口唔肯走開!

加埋Apita買o既和牛同黑豚肉, 唔洗出去同人逼, 可以舒舒服服o係屋企開餐, 又可以陪住對囝囡, 正!!!!

朱古力奶揮春

見 mui媽整d揮春幾得意, 我又幫朱古力奶整返張先!!!

張揮春寫住"大吉", 加埋Milky條利咪即係 "大吉大利" 囉!

CoCo漏尿

CoCo一直都有興奮時會漏尿o既問題, 不過唔頻密, 加上我地返到屋企特登唔摸佢住, 等佢冷靜左先, 咁就無問題啦.  但係近呢兩個月, 漏尿問題嚴重左, 而家冬天CoCo會上梳化訓, 每隔幾日張梳化都會有一撻水漬, 係好淡0既尿味, 好彩我d梳化套可以洗!  直到幾日前, CoCo漏尿0既情況好嚴重, 我直情見到d尿尿好似未關好水喉咁滴出黎, 而CoCo自己係唔知0既, 照訓可也 ! 

見到佢咁我都好心痛, 尋日帶左佢去睇 vet.  其實睇vet之前我都上網搵過d資料, 知道可能同絕育有關.  Vet 同佢驗左尿, rule out左尿道炎先, d尿尿驗唔到有細菌或任何發炎跡象, 唔洗食抗生素. (好彩唔洗食, 因為好多時vet一聽到漏尿, 就唔理三七廿一開抗生素, 當係尿道炎先, Milky之前食左半年抗生素, 真係怕怕!)  再驗埋血, 今次creatinine 正常啦, CoCo個腎應該無事!  Vet就話有d絕左育0既狗會有漏尿情況, 因為絕左育之後, sex hormone 就會少左好多, 而sex hormone其中一個作用就係控制膀胱muscle收緊, 不過vet話好少要口服hormone黎補充 (因為有副作用), 所以就開左呢隻propalin藥水比CoCo, 作用係直接tone up膀胱muscle, 不過都有risk架, 份量要控制得好, 如果過量會影響心臟架 ! 所以而家試住minimum份量先.

呢支就係"無色無味無臭" 0既藥水!

阿囝精甩尾, 我一拎住支syringe抽d藥水出黎, 佢可能離遠已經聞到d味, 一支箭咁衝左入柜底呢埋, 搵0野食引佢都唔肯出黎!  佢都未食過d藥, 又點知係藥黎呢?  仲有, 佢又點知係比佢食0既呢?  d人成日話要毒lab易過借火, 原來要毒CoCo呢隻lab都唔係咁易架!

手信

朱古力奶姨姨去日本旅行, 買左呢份手信比我, 係我至愛o既kitty貓puzzle, puzzle本來係無咩特別o既, 但係呢款係非一般o既puzzle....

204塊,應該好快砌好啦.......

但係點解咁細盒呢?  同個電話一樣size......

唔係下化, 細到要用"kim"砌?  我諗呢204塊puzzle我出年都未砌好

我的聖誕禮物 - Valmont X'mas set

今個聖誕新年假都係病住過，　拎左兩日annual leave 都　'side"埋（因為我可以放sick leave)，　所以成個節日都無shopping呀!  上星期比我上網見到今年出０既Valmont X'mas set, 行過莎莎咪即管睇下，　原來仲未賣晒，　雖然唔係真係平好多，　不過點都平過散買，　所以就買左呢份遲到o既x'mas present比自己啦!!!!   不過睇返網上資料，　原來１２月中慧妍雅集攪左個Valmont義賣日，　1折義賣呀, 1 set 只係賣$288！！！　不過就要晨咁早去lor籌!　晨咁早喎，　仲要唔知等幾耐，　我呢ｄ懶人梗係唔會去啦，　所以都唔係太可惜姐!

雖然呢set野有Valmont皇牌product Renewing Pack, 但係我覺得Valmont最正o既係佢隻 24 hour cream，我最怕 d cream油nup nup, 之前用Lancome都ok, 不過搽左之後會覺得佢浮o係面，唔係好吸收． 但係Valmont隻24 hr就好唔同，　搽左之後幾秒就吸晒入皮膚度，好爽一 d 都唔nup, 真係超正呀!

CoCo 3歲生日, 大個囝啦!

1月13號係CoCo 3歲大壽, 阿媽我第一次用新0既骨骨蛋糕模整生日蛋糕, 好彩無失手!

阿囝打tie幾斯文!  阿囝可能真係大個囝啦, 今次對住個咁香0既蛋糕, 都可以stay 好耐坐定定比我地影相, 比著兩年前, 佢已經9秒9 K.O.左個蛋糕啦!

今年Auntie Vicky送0既birthday present, 係大骨骨一條, 仲要唔洗同Milky share架!!!!

Auntie Vicky拎舊骨骨出黎, 你地睇為食0既Milky係咁攝個頭埋黎，就知骨骨有幾吸引!

CoCo:  "嘩，我平時無咩treat食架喎，一日得一兩塊阿媽自家製餅餅，　點解今日咁筍，　成舊骨比我食呀？　係咪真架？　會唔會係老豆　”冼”我架？　．．．都係睇定ｄ先！”

Auntie Vicky presents - all you can eat in 5 mins!

結果，　阿囝用左６分半鐘K.O.左舊骨骨，　好滿足!

忽然著衫@大除夕

大除夕無出去同人逼, 淨係返左朱古力奶爺爺屋企食飯, 咁話晒都係大除夕, 一於同朱古力奶dress up 啦!!!!!

呢條裙我上次去日本反轉Pet Paradise間舖, 先搵到一千零一條大碼裙仔!

我最鍾意阿囝著呢件衫, 真係勁"趁"佢呀, 成個小朋友咁!

CoCo: "我似唔似.....杰倫(國語)呀?"

聖誕日開工

12月25號下晝, Dr. Pet喺我地樓下商場有function, 咁近無理由唔出席啦!!!

仲有機會同聖誕樹影相添!

Sweetie Milky!

大合照

竟然叫Milky表演?  佢淨係識sit stay down hand 同salute, 跟住已經唔知做咩好......

有葉翠翠同吳浩康做表演嘉賓

其他動物醫生都打扮得好靚呀!!!