家有ip cam真好!!!

上回見到我張sofa慘遭毒手, 兇手終於現形!  有證有躆, CoCo呢次斷正!

同一個位, Milky就用黎扮演"望窗的少女"!

家陣屋企果3粒孫真係大晒, 為左比位d狗瞓, 阿嫲寧願自己唔坐.  至於小魔怪Sheryl仲離譜, 扭計唔食奶阿爺阿嫲就當佢皇后咁服侍! (remarks: 平時佢係自己拎住樽奶食架!!!)

平時我地返晒工, 屋企d人同狗就作反啦!!!!!

16個月大詄事

近期愛上睇書嘅Sheryl, 周不時"迫"家姐Milky陪佢睇.  你地睇下家姐比佢迫到縮埋一邊, 個樣幾無耐......

前排咁凍, 摷返頂冷帽出黎帶, 十足過度活躍症咁款嘅Sheryl, 停一下映張相都唔得!

仲學埋奸笑......

好啦, 小魔怪終於瞓左, 不過瞓左都勁"反瞓", 成晚大部份時間都唔係瞓喺個枕頭度!

小魔怪瞓左, CoCo哥哥應該最開心, 因為成個廳終於都比佢霸返.

(大家請留意我張sofa, 兇手到底係CoCo定Milky, 下回自有分曉......)

BB成長教育展收獲

2月26至28日會展又有bb展, 不過今次係"成長教育展"成份居多.  都好, 因為Sheryl已經唔係bb, 去bb展都無咩好買, 返而想搵d台灣出版嘅教材 ("東西圖書"係我target之一, 因為佢地d products唔係好貴但係質素好, 好多都係比幼稚園用嘅.

星期五下晝去, 行得好舒服, 因為一d都唔多人, 仲比我搵到想搵嘅嘢添, hehe!

"東西圖書'嘅Let's Find Out", 不過太重要下星期先免費送貨黎我屋企:

"東西圖書" A Picture Reader, 即時自己拎走;

有書, VCD, 字卡圖卡, 發聲貼錢, 雙語發聲筆(送貨先送黎):

故事內容簡單, 又多公仔:

有flash cards 同  雙語(英普)VCD:

之後再行完成個會場都只係買到一本書 ( $39), 因為Sheryl好鍾意屋企隻gingerbread man公仔......

其實都好想買呢一set, 不過都係等Sheryl大d先啦, 有排都未識!  好希望Sheryl可以學好d中文!

睡前故事

明白自小培養閱讀興趣和習慣的重要性, 自上個月開始, 每日都會抽d時間同Sheryl睇書, 唔知點解, 好多時Milky都會走埋黎瞓係我身邊一齊聽, hehe! 

Sheryl已經16個月大了, 係時候引入睡前故事時間, 多數都會講最少三個故事 (粵, 英, 普各一), 不過Sheryl好多時都唔"夠喉", 要encore多一兩個先肯瞓.

最愛仍然係Farmyard Tales呢三個故事, 特別鍾意Pig gets stuck, 每次講佢都要走去拎盒Jumbo farm animals 摷隻pig pig出黎, 模仿書中pig pig做嘅嘢!

但係呢3本佢已經睇到下一頁做咩佢都知, 所以媽咪再買左同系列嘅Pig gets lost同埋另一本有8個故事嘅綜合本比佢, 加入睡前故事的list內, 不過故事內容唔及之前3本簡單同吸引

 

至於粵同普, 媽咪就揀左呢兩本, 因為內容都係Sheryl已經識嘅動物, 同埋做d日常生活成日做嘅嘢 (好似Sheryl最鍾意嘅"講電話"), 雖然我唔知佢明幾多, 不過佢真係聽同睇得好專心架!

問題係, 雖然媽咪學左9年普通話 (P.1 - F.3), 但係已經比返晒老師, 而家d普通話真係普通過唔普通, 要用正確發音講故事, 真係力不從心!  睇黎要搵d有埋cd嘅故事書先掂!

Recommended books by 書伴我行(香港)基金會

Sheryl近期愛上睇書 (其實係聽我讀書), 其他玩具反而無咁大興趣, 好啦, 可以慳返唔洗買咁多玩具, 留返d錢黎買書.  好彩媽咪都係鍾意睇書嘅人, 從來唔覺得買書係浪費, 不過而家d小朋友書都幾貴, 特別係d英文書!  

除左上amazon揀d買3送1嘅英文書之外, 中文書從台灣"博客"訂, choice多, 但郵費貴!  近來見網上d媽咪從大陸的"當當網"訂書, 質量都唔錯, 所以就試下訂啦!  嘩, 真係超抵, 買左3套中文書共廿幾本, 連埋運費都只係$174!  雖然係簡體字, 但係由於for咁細個小朋友嘅書, 文字好少, 睇都係睇圖畫, 再唔係自己print繁體字出黎貼上去都唔係太困難.

但係坊間咁多書, 真係睇到眼都花埋, 唔知點揀好,  除左睇下其他媽咪d讀後感之外, 發現原來 "書伴我行(香港)基金會" 有一大堆recommended books, 照單執藥應該唔會錯得去邊, 大家可以睇下個list:  

http://www.bringmeabook.org.hk/en/programs.php?cat=information&key=A20090702p2y2U

當然長遠計都係去圖書館借比較化算, 不過我已經N年無去過圖書館, 連點樣甲申請圖書證都唔知, 有時間要研究下!

愛上Eric Carle的圖書

自從喺Tutor Time上playgroup聽過老師用呢個作者d書黎講故事之後, Sheryl就愛上左呢set書!   其實CMS媽我都好鍾意, d圖畫好靚, 故事簡單但又吸引. 

 

不過香港d書局賣到成百蚊一本, 真係好唔抵.  於是上amazon訂,  部份有買3送1優惠, 加埋運費都仲平過喺香港買!

 

以下咁多本Sheryl暫時只係識睇Brown bear brown bear, what do you see?   其他故事內容比較深, 我未開始比佢睇

.

 

Sheryl真係好鍾意 Brown bear brown bear, what do you see?, 我讀完佢就即時叫我"read read", 起碼要read兩次先肯罷休!  後來上bk發現原來好多媽媽都有比呢本書小朋友睇, 好多外國幼稚園都用Eric Carle 嘅書, 好似另一本The Grouchy Ladybug, 教小朋友唔好發脾氣同控制情緒, 內容幾正, 值得推介!!!

 

 

CNY前去開尖沙咀做嘢, 經過發現bookazine執笠清貨(TST shop only), 全場半價!  其他書我唔知平唔平, 但係Eric Carle d 書就仲平過amazon, 四十幾蚊一本!  於是又掃左一批, hehe!

暫時Sheryl對睇書好有興趣 (正確黎講係聽我讀書), 希望佢大個都係咁鍾意睇書就好啦!

 

 

Nursery interview - part 6 安樂晒

又interview啦!  今次係一早報左名但無得in住嘅康傑中英文幼稚園, 佢地已經收左 一輪生, 因為阿囡係細囡, 所以等到2月先有得in.

 

呢間學校口碑都唔錯, 雖然唔係咩名校, 但係勝在可以行路返學, 唔洗坐校車.

 

星期六一早去到學校見到有十幾個小朋友排緊隊, 原來當日得十幾人in, 之前應該已經收左一批啦, 而家只係in細仔, 所以都不抱太大希望!

 

入到去先比小朋友free play, 其實老師已經observe緊, 跟住叫一位家長去聽簡介會, 另一家長就陪小朋友玩.  老師開始遂一叫入房interview, 我地排到好後先有得in, Sheryl已經free play到有d悶同唔耐煩, 足足等左一粒鐘先入去面見.

 

考左以下嘅嘢:

 

1.  疊高積木

2.  推車仔

3.  同老師玩碌波波

4.  比嘢媽咪

5.  放返好d玩具

 

老師話咁細個唔會考太多嘢, 之前已經observe左佢點玩, 當老師知道Sheryl原來已經識講嘢, 仲讚佢叻叻識講咁多嘢添. 

 

In完又出去等, 原來係即時知道收唔收, 仲要即時交留位費!  我地見之前d家長個個都收, 心諗原來係人都收架, 唔洗擔心啦! 

 

結果收左Sheryl讀上晝班, 11月開學,  安樂晒, 屋企附近又係上晝班.  交完留位費老師仲送左本書仔比Sheryl:

 

返屋企果時, 竟然見到有兩,三位家長神色凝重地同老師傾緊計, 我聽到老師話:"希望你明白, 我地唔想夾硬收左佢之後........."   OH NO!  原來真係有人唔收架?  好彩頭先無太hea地interview, 原來唔係收硬!!!!

 

返到屋企開信箱, 竟然收到上星期interview嘅嶺南幼稚園嘅信, 原來收左Sheryl讀下晝班.  不過而家唔會揀佢啦, 又遠又下晝班, 所以唔比留位費啦.  (比留位費都比到窮!)

 

而家安心等埋5月Victoria interview就攪掂晒!  不過原來今年10月又要再黎過, 仲要係interview K1添, 真係一波未平一波又起!!!!

 

 

 

進步獎

上bk睇0810媽咪會, 發現好多媽咪都會記低bb發展進度, 而同Sheryl同齡(0810)嘅bb, 好多都已經識好多嘢啦!  真係今時唔同往日, 喺我地做bb嘅年代, 15個幾月都仲係一舊飯, 要讀字認英文字母更加係匪痍所思! 

當Sheryl 14個月大時, 我真係有d擔心佢係言語遲緩, 因為佢連叫媽媽都係一時時, 理解能力又差, 淨係識好bb咁玩.  我一度諗過係唔係要帶佢去做下評估呢?  當我睇到其他0810bb嘅進度之後, 更加覺得"唔係下嗎?" 15個月識認顏色?  仲要認五六種喎!

拿拿聲摷返協康果本"發展綱領"出黎睇, 原來要令bb識講嘢, 首先要訓練"語前技能", 包括(1)模仿能力, (2)理解能力, 同埋(3)口部肌肉控制.  一般正常小朋友(3)無問題, 但係Sheryl就正正係(1)同(2)都唔掂!  語言發展好重要, 因為越遲識講嘢, 脾氣就會越差, 因為表達唔到自己!  所以我下定決心要專攻(1)同(2)!

短短一個月, Sheryl由唔識講嘢到而家識講超過50個單詞, 真係不得不佩服bb嘅學習能力!  如果以為佢地仲細, 可以慢慢先教, 真係會錯失左好多學習嘅黃金機會, 最重要係, Sheryl 都enjoys 學習嘅過程.

15.5個月大識d咩:

大肌肉gross motor:  拎住大件玩具行, 向後行幾步, 推車仔, 踢波, 拋波(一時時得), 自己係大人床落地

小肌肉fine motor:  疊積木 3-4舊, 砌lego, scribble, fine pincer (食指同手指公拎細小物件)

形狀:  circle, triangle, square (50% accuracy, concept應該唔係好firm)
 
語言:
Names:  mama, daddy, 爺爺, 嫲嫲, 公公, 婆婆, 姨姨, coco, milky, 晴晴, baby, 哥哥, 姐姐, auntie  (唔識叫叔叔因為少見!)
Animals: duck, horse, pig, rooster, cow, giraffe, lion, tiger, cat, dog, bird, fish
Fruits: apple, banana (bababa)  - (生果名識得最少, 因為無興趣!)
Objects: book, bib, 襪襪, 奶奶, raisin, 餅餅, 包包, boat, car
Body parts:  eye, ear, nose, mouth, hands, toes, legs, hair, head, arm  (身體部位中文識聽唔識講)
Verbs:  揸住, open,  walk, read, 抱抱, sit 
others:  果個, thank you, please, happy, up, yes, no, 喂 (扮聽電話用),  bye bye, good, 無
扮叫聲:  喵, woo, 各各各各 (雞叫), wa (tiger and lion)
Alphabets: A, B, C, H, M
 
認字 (睇到個字識讀同埋做動作): arm, arms up, baby, bib, clap, ears, eyes, giraffe, hands, head, hair, legs, mouth, nose, tongue, tiger, toes, wave (全部都係your baby can read入面0既字)

雖然Sheryl做到嘅嘢可能好多bb仲早過佢做到, 不過媽咪已經覺得好叻叻架啦, 起碼都有"進步獎"啦! hehe!  更重要嘅係, 當佢12-14個月果時, 脾氣變得好大, 因為佢開始有自己思想要求, 但係又表達唔到, 所以好忟!  自從識講嘢之後, 脾氣好左, 每次佢開始想發脾氣, 我地就鼓勵同教佢講出佢想要d咩, 雖然而家都仲會有唔好"老脾"嘅時候, 但係都算係有進步架啦!