H&M 排隊記

今日放工同朱古力奶姨姨去左香港新開嘅H&M行下, 因為一直都鍾意Zara, 聽到H&M係Zara勁敵, 價錢又唔貴, 咪走去睇下囉!   其實都有目標嘅, 知道H&M 嘅trench coat有d都幾靚, 諗住去買返件看門口!  我去到六點幾, 勁多人, 行埋去睇下d衫, 嘩, 件件都大碼, 一大堆師奶喺度狂掃, 睇多兩睇都無心機睇啦!

當我喺人潮中逼下逼下之際, 比我發現左一件size 36嘅黑色trench coat, 孤伶伶咁比人掛左喺一個掛滿其他衫嘅架上面, 睇下又幾似我想要嘅款, 黑色可以當裙當褸著都得果種!  於是就走去試身啦!  雖然人多, 但係佢好多試身室, 所以排隊排左5至10分鍾左右就有得試.  試完就去比錢啦, 點知條隊橫跨半間舖, 結果排左成20分鐘先比到錢!!!!  最後買左一件trench coat同埋一件上衫, 埋單六百幾, 講真唔算貴, 但係排隊都排到我腰骨痛!

至於d款, 其實一般, H&M喺英國都只不過係馬莎嘅級數, 最多trendy d, 佢d trench coat同連身裙cutting都幾靚, 但係同Zara比, 除左trench coat 之外, 我就覺得Zara好d!  而H&M 嘅 M by Madonna 系列就更加......唔識欣賞!

不過買到件靚靚trench coat 都好開心!

朱古力奶做左月曆男/女郎!

今晚上金毛會見到水媽(之前同朱古力奶影相果個)出左個post搵狗model, 佢仲post左一個月曆出黎, 點知比我好眼見到個月曆其中一幅相係Milky黎架, 所以我即刻上網搵下間出版社, 點知比我搵到, 原來唔止Milky做左月曆女郎, 連CoCo都做埋月曆封面男郎!  仲賣成US$12架!   今次一定要問水媽拎返兩個免費月曆先得!!!!

就係呢個website啦:

http://www.magnumpublications.com/catsdogs_1.html

 

呢個叫"Cutie Couples"就兩隻一齊做封面......

Cutie Couples

 

呢個就係下面封底最右上角果張細相就係Milky啦!

Dogs are People Too

好耐無見@ada's wedding

星期日晚去左一個中學同學嘅婚禮, Ada 同祖都拍左拖十幾年, 男方對女方嘅不離不棄, 真係令人好感動!  記得中六果時, 我同Ada好friend架, 成日一齊返放學, 連佢媽咪同阿姨咁耐無見, 果晚竟然都仲認得我!

  喺度祝福呢對新人一直開開心心, 最緊要Ada身體健康, 快d連生貴子!

呢晚嘅婚宴, 有機會見返好多十幾年無見嘅舊同學, 有d真係連名都"up"唔出!

  感覺好得意, 以前都叫做靚仔有型嘅, 今時今日竟然變左一個"佬", 仲要係用"隔肋底"夾住個LV monogram嘅造型......真係......歲月摧人!!!! 

不過見返阿華好開心, 佢都無咩點變, 仲係咁開朗, 我地雖然好耐無見, 但係一走埋又有講有笑, 學阿華講, 我地基礎打得好呀嗎!!!!

  大家都係愛狗之人, 以後一定要搵機會帶CoCo Milky會下阿華隻腸腸!!!

經過呢晚之後, 攪到我好想摷返d舊相出黎睇, 搵左一輪, 原來d相太舊, 無soft copy, 得幾張我地結婚果時scan黎做photo slide嘅相, 唔係好清, 但係仲有懷舊feel 啦!!!

左邊第一個就係當晚結婚嘅新娘Ada啦, 恭喜晒呀!!!

如果無記錯, 上面果張係1996年影嘅, 而下面呢張就係2003年影嘅, 我同阿華都...靚左呀...(起碼無上面果張咁似賓賓)!

朱古力奶間房

好多親戚朋友知道我地養兩隻大狗, 又知我地用兩個圍欄分別困住佢地, 有d就會好好奇到底我地"豆潤"咁細間屋點樣安置朱古力奶, 有d又覺得要困住佢地好慘!  所以今次就帶大家睇下朱古力奶間房, 同埋到底佢地鍾唔鍾意個圍欄呢?

登登登登...... 呢個就係我地瞓覺又或者出街嘅時候朱古力奶間房個樣啦!

近鏡可以見到, 阿囝瞓得不知幾"詩服"!

至於阿囡, 由於佢嘅破壞力無阿囝咁勁, 所以就用個膠圍欄都ok!

阿囡瞓到隻豬咁!

至於到底佢地比人困住係咪好慘呢?  對朱古力奶黎講就一d都唔慘, 每次我同佢地set間房同埋舖張床, 佢地都會急不及待, 我都未叫, 佢地就已經走入去瞓!  其實都係睇下主人點教, 如果罰隻狗果時用個圍欄黎困住佢, 佢一定唔會鍾意個圍欄啦!  朱古力奶自細每次入圍欄我地都比嘢佢地食當獎勵, 所以佢地唔會覺得個圍欄係唔好嘅嘢.  同埋我地喺屋企果陣一定唔會困佢地, 久而久之, 阿囝而家覺得有個圍欄先有安全感, 如果我地有人嘅時候放佢出黎瞓, 門口有聲佢會"扎"醒, 不自控咁吠一下!  但係如果佢喺個圍欄入面瞓, 就算出面有咩聲佢都好鎮定唔會吠!

所以朱古力奶各自有自己間房, 都不知幾happy! 我自己就覺得, 用圍欄係好係壞, 完全睇主人點present!  加上最重要係安全問題, 如果唔用圍欄比佢地自由行, 一陣咬到電線電器就大件事啦!  如果好似我個朋友咁, 隻狗喺個窗跳左落去死左, 就真係後悔都無用啦!!!!

我嘅生日禮物

今年生日CoCo爸問我想要咩生日禮物, 咁我就照例話要toy poodle, CoCo爸又照例話唔得啦!  咁......就決定要second choice......Wii啦! 

星期六去左買, 買左美版機, 另加一set手制, 同埋幾隻game: Wario, Zelda, 賤兔(Rabbids), 咁我嘅生日禮物, 就成為我同CoCo爸玩到唔捨得放低嘅"毒品"啦!

最好笑係, 星期日晚同班friend食飯, 傾開原來有一pair朋友又買左Wii, 講有幾好玩講得興高彩烈之際, 原來另外兩pair又想買!  越講越興奮之下, 決定食完飯一齊去黃金買機, 結果去到喺人地收舖之前, 掃左兩部美版機, 同埋幾隻game, 我地就又買多左一隻game! 

買機果兩pair朋友, 就分別係MoMo 同 Creamy, Ginny同Lego嘅主人!  加埋CoCo 同Milky, 呢6隻可憐嘅狗狗, 就要日日睇住主人對住空氣手舞足蹈, 唔知主人做咩, 又比主人冷落一旁!  Poor Doggies!!!!

P.S. 多謝CoCo爸買呢份"毒品"生日禮物比我(我地)!!!!!

好毒嘅豬腳

話說我地之前去日本果時, 行寵物店見到有比狗食嘅豬腳賣, 我地見同平時d牛皮骨差唔多, 又無味, 心諗日本嘢應該無問題啦, 於是就買左兩舊返黎比朱古力奶!

前幾個星期拎返出黎比兩隻嘢食, 放低比佢地之後我地就出左街.  到我地返到屋企, 竟然發現CoCo一d都無食過!  大家識CoCo嘅, 都知道佢有幾為食, 基本上如果Coco喺佢個圍欄入面, 就等如食物"化骨池", 我地見到佢唔食, 第一時間以為佢有病! 

但係Milky果舊就食到渣都無淨!  點知我地行埋Milky度, 發現佢個圍欄入面好污糟, 而佢對手同個嘴都好大陣豬味, 直情係豬車行過果隻豬味!!!!!  嘩, 勁臭!!!! 

到左第二日, 我地放工返到黎....大件事....!!!!!!!!  Milky個圍欄入面有一大灘尿, 仲有一灘好似嘔吐物嘅嘢!!!  Milky同CoCo都唔會喺屋企尿尿, 無啦啦瀨尿, 仲要嘔, 嚇死我地!  跟住諗起果舊連CoCo都唔食嘅豬腳, 屎火, Milky可能食物中毒!  清理完d尿同嘔吐物之後, 就即刻帶Milky落街, 睇下佢仲有無尿尿, 點知落到街佢仲肚呵添!  阿囡陰公囉, 佢個肚仔一定好唔舒服, 尿尿忍唔到, 屎屎就死忍!  好彩第二朝佢已經無事, 不過就飲好多水(可能就係佢當日瀨尿嘅原因), 真係嚇到我地死死下! 

至於CoCo, 就真係要讚下佢"精甩尾", 平時咩都放入口, 呢次竟然知道舊豬腳好"毒", 掂都唔掂!  原來要毒佢, 都唔係咁容易架!!!

大家認住呢隻豬腳, 好毒!

Mi

lky個圍欄入面嘅恐怖情景!  不過阿囡有樣嘢醒, 就係佢喺咁嘅環境都可以一d都無整污糟個身, 勁!

朱古力奶表舅父畢業啦

之前差d唔記得出呢個post tim!  話說身在花旗國好食好住嘅Cookie, 即係朱古力奶表舅父, 家陣差唔多7個月大啦, 仲上完obedience course, 畢業啦!!!!!!!  嘩, 時間過得真係快, Cookie話咁快就大個仔啦, 而家成個大個仔樣, 成個beagle嘅古惑樣!!!  Congratulations Cookie!!!!

朱古力奶兩個表舅父 ~  Uncle Renny and Uncle Cookie

Auntie Angie and Uncle Cookie

 

朱古力奶: Uncle Cookie 恭喜晒你呀, 有機會記得指點下我地呢d後輩呀!

我的玩具

之前買左部NDS, 好鬼好玩, 當中最好玩都係Mario Kart!  話說細個果時第一部遊戲機就係任天堂, D game真係好好玩架, 任天堂d game好有創意, 好funny!  後來轉左playstation之後, 失落左一段時間, 因為無得玩任天堂exclusive嘅game, 例如Mario系列!  直至最近買左NDS, 原來d經典Mario game仲有得玩, 而且咁多年之後玩返都覺得好好玩!  曾經以為NDS係女仔玩意, PSP就係男仔, 原來唔係喎, 我表弟最近就放左部PSP, 買左部NDS同我地一齊玩啦!!!!!!  而家我, CoCo爸, 我細妹, 我表弟, 同埋CoCo爸細佬一人一部, 如果坐埋一齊, 仲可以join埋一齊玩, 傳統遊戲機就要一人一個手制先可以5個人玩, 如果用NDS就一人一部機, 好正!

可能因為近年NDS同Wii勁hit, 日本出左好多mario公仔呀, 呢set Mario Kart扭蛋公仔好正, 我至愛黎呀!!

 

呢set都好靚架, 有我好鍾意嘅蘑菇!

 

 

 

Dr. Milky ~ 一隻狗兩份工...

已經成為實習動物醫生(Dr. Pet)嘅Milky, 今日又去左考狗醫生(Dr. Dog)!

之前聽人講過話Dr. Dog好似難考過Dr. Pet, 要求好似高d, 所以果時就同Milky試左Dr. Pet先.  我地見佢去探訪果時表現都ok, 就同佢報埋Dr. Dog, 即管睇下見到其他狗會發癲撩人玩嘅Milky, 又可唔可以pass到Dr. Dog呢?

今日考試場地係奧海城商場大堂, 又撞正馬拉松封路, 行西隊都塞車!  Appointment喺下晝1:15, 1:10先入到停車場, 又搵唔到大會叫我地搭果部貨lift, 又無之前話有嘅指示, 去到商場又話唔比狗入, 要兜一大個圈先去到, 結果無理佢, 照入去, 去到剛剛好1:15, 另外有兩隻西摩又係搵唔到路, 結果跟住我地照行入商場!

趕到死下死下, 終於開始考試啦....首先有一個姐姐負責考試, 又摸又扯又掟嘢落地嚇Milky, 跟住比嘢佢食再係個口度拎返出黎, 其實都攪左好耐, 成5分鐘, 跟住再交比個外籍姐姐, 又重覆以上動作, 又攪成5分鐘...其間佢叫milky 側身瞓底(即係bang), 屎火, 阿囡不嬲都唔係好肯bang, 結果出到嘢食佢都唔肯!!!!!!  最後就叫我同阿囡heel住行, sit, stay, come果d, 阿囡都ok啦!  我心諗佢考成10分鐘, 重覆攪完又攪, 阿囡又唔肯bang, 可能都唔得多啦!  外籍姐姐最後走埋黎話"Congratulations!  Milky passes and she is Dr. Milky now!"  嘩, 好彩無肥佬, 無"side"到我五舊水考試費!!!  話說朱古力奶姨姨同婆婆特登黎睇Milky考試, 考試其間其實阿囡發現左佢地, 好彩都無失控!  一聽到考試合格, 姨姨同婆婆即刻開心大叫, Milky即刻衝過去, 二人一狗好似久別重逢咁!!!!

不過examiner check Milky 嘅時候, 發現Milky左後腳個hip有ｄ緊(stiff)，　叫佢去Body check嘅時候check埋個左hip!  明明之前desex果時照左x-ray, 醫生都話Milky個hip joint好好, 仲話好少見local金毛個hip咁好!  上次Dr. Pet body check都有check過個hip, 都無事!  攪到我好擔心tim, 明明平時一d都唔覺阿囡行路有咩問題喎!  希望阿囡個hip無事啦, pass唔pass到body check 唔重要, 最緊要阿囡健健康康!!!!!!

一考完就有"寵物閒情"嘅記者走埋黎話要做訪問, 咁我心諗成日咁多隻狗考, 佢仲咁熱心逐隻問嘅?  佢話原來佢黎左成朝, 只係得30%嘅狗合格, 而且全部都係金毛!   跟住我地同阿囡應大會要求影完相, 再同個記者傾完之後終於走得啦!  跟住就要約時間去做body check, pass 左先可以正式"上工"!

阿囡好叻叻呀!!!!!  雖然仲要body check, 但係喺阿媽心目中, 你已經pass左架啦, 最緊要身體健康呀!

Milky考試中......

Milky: 老豆, 救......我呀!!!!!!

考完啦, 笑得幾開心!