發表文章
好多親戚朋友知道我地養兩隻大狗, 又知我地用兩個圍欄分別困住佢地, 有d就會好好奇到底我地"豆潤"咁細間屋點樣安置朱古力奶, 有d又覺得要困住佢地好慘! 所以今次就帶大家睇下朱古力奶間房, 同埋到底佢地鍾唔鍾意個圍欄呢?
至於到底佢地比人困住係咪好慘呢? 對朱古力奶黎講就一d都唔慘, 每次我同佢地set間房同埋舖張床, 佢地都會急不及待, 我都未叫, 佢地就已經走入去瞓! 其實都係睇下主人點教, 如果罰隻狗果時用個圍欄黎困住佢, 佢一定唔會鍾意個圍欄啦! 朱古力奶自細每次入圍欄我地都比嘢佢地食當獎勵, 所以佢地唔會覺得個圍欄係唔好嘅嘢. 同埋我地喺屋企果陣一定唔會困佢地, 久而久之, 阿囝而家覺得有個圍欄先有安全感, 如果我地有人嘅時候放佢出黎瞓, 門口有聲佢會"扎"醒, 不自控咁吠一下! 但係如果佢喺個圍欄入面瞓, 就算出面有咩聲佢都好鎮定唔會吠!
所以朱古力奶各自有自己間房, 都不知幾happy! 我自己就覺得, 用圍欄係好係壞, 完全睇主人點present! 加上最重要係安全問題, 如果唔用圍欄比佢地自由行, 一陣咬到電線電器就大件事啦! 如果好似我個朋友咁, 隻狗喺個窗跳左落去死左, 就真係後悔都無用啦!!!!
冇辦法喇，環境限制，但係Co Co同Milky好幸福呀，有個好關心佢哋嘅媽咪！
回覆刪除Maggie,
回覆刪除我好同意你對用圍欄o既睇法, Samba我都係o敢教架, 之前d人都成日話佢慘架.....但對Samba黎講, 圍欄(Samba係困廚房)係佢o既私人空間, 佢間房嘛.....
近呢年我開始俾佢自由行, 因為阿囡佢已經大個啦, 已經過左搞野o既年紀, 亦冇破壞o既習慣, 所以就尤得佢自由行lu......不過佢有時都會自己走返入廚房訓架!!!
回覆刪除其實我地都諗住如果佢地”定性”唔搞破壞 , 長遠都希望可以有一日 “meet”甩個圍欄, 其實困圍欄唔係一個perfect 0既方法, 但係衡量過好壞之後, 而家圍欄係最安全0既方法! 對於阿囝阿囡0既”狗”身安全, 我係承受唔起風險, 絕對係低風險或者直頭係保本果隻, 因為...我輸唔起佢地! 至於到底朱古力奶幾時先”定性”? 你睇下CoCo張床同條毛巾0既毀壞程度就知啦! 有次我0係街見到隻有成8,9歲0既lab, 佢見到CoCo想走過黎玩, 搶繩搶到個賓賓差d企唔穩, 死未?
波子唔 likey 佢個圍欄, 所以原封不動...
回覆刪除我早幾晚見到一個街坊搬張sofa去垃圾站, 我睇到呆左, 張sofa爛到不堪.....兩隻金毛o既破壞力真係好恐怖, 所以我覺得自己做得好岩, 起碼而家我屋企仲整整齊齊, 冇穿冇爛啦...... 最重要係我唔覺得samba有咩唔開心, 又唔使因為搞破壞而被我打, 而我又好開心, 根本就雙贏!!!!!!
回覆刪除