腎病疑雲 part 2

自從上個月同CoCo睇vet, 發生 腎病疑雲之後, 尋日再照vet吩咐覆診驗血, 順便帶埋Milky去打預防針!  驗血結果同上次一樣, 都係creatinine偏高, vet話CoCo個讀數已經indicate second stage renal failure!  但係驗尿又正常喎, vet話如果腎有事, 會失去concentrate D 尿液0既function, 但係CoCo個驗尿報告又一切正常,  vet話好奇怪!

  咁我再問佢會唔會有其他因素令到creatinine高?  vet話有d好muscular 0既狗都有機會creatinine高, 不過好rare!   無計, vet建議3個月之後再驗血驗尿, monitor住creatinine係咪consistent地偏高, 如果係, 就要當腎有事咁轉diet.  我問佢有無其他supplement有幫助, 佢話因為腎元受損係無得復元, 不過食魚油都有d幫助.  唉, 而家唯有買d魚油比阿囝補下啦!!! 

至於Milky, 驗身一切正常, 個衰囡一入到醫生房就自己行埋何醫生隔離坐低, 扮晒乖!!!

  相反CoCo一入到房就腳都軟埋, 何醫生同佢抽血, 佢就驚到將個頭係咁"捐"入CoCo爸對腳後面, 郁都唔敢郁!!!  醫生見Milky成年都無再尿道炎, 就問我"你仲有無比cranberry佢食呀?"  我話一直都有架, 醫生就話"GOOD!".    醫生check完Milky心跳之後, 話"呢隻狗d心跳好慢!"    我比佢嚇一嚇, 唔係有咩唔妥下嗎?  醫生話無事, 只係話Milky好settle同冷靜咁囉!  好彩無事, 我心血少唔嚇得架!!!  

我地等緊睇醫生0既時候, 之前入去果個女人睇完, 拉返3個狗籠出黎, 有一隻哥基, 一隻唐狗b, 同一隻成犬唐狗.  隻哥基好慘, 成身一dat dat甩毛, 坐我隔離個女士就同我講, 話果個女人好好人, 每個星期都會定期帶唔同0既狗黎睇何醫生, d狗全部都係比人遺棄, 佢執返黎0既.  另外仲有一位男士負責開車車d狗黎.  我仲聽到個女人同個男人講, 話隻狗b要吊鹽水, 慘慘

.  雖然果對男女0既打扮一d都唔光鮮, 一睇就知係鄉下人, 不過我覺得佢地係最靚最富有0既!  好心0既叔叔嬸嬸, 朱古力奶全家向你地致敬!!!!

離開左vet clinic之後, 睇返張針卡, Milky下次打針0既日期係2010年!  即係3年後先打, 而唔係之前0既一年一次!  我之前都聽人講話改左, 唔知其他vet係咪呢?

你地睇CoCo入醫生房前仲好得戚架, 入左去之後就......: