肥婆milk致肥0既原因

好多親戚朋友都話呢排Milky肥左好多, 雖然我地都覺得, 但係就諗極都諗唔明....又無加糧, 同埋朱古力奶得好少零食0既(比零食我地好忍得手好忍心架!), 每日最多食兩塊自家製餅餅或者一條仔牛奶骨,  運動量都無特別少到, 每晚都會落樓下玩追波或者同其他狗玩下摔角!  但係Milky呢兩個月又真係肥左好多喎, 點解呢????

直到尋晚放工返到屋企, 個迷底終於解開啦!!!!!  話說我地有個家務助理Amy姐姐, 佢已經幫左我地差唔多3年, 一向都係星期六下晝黎打掃一次, 自從我有左之後, 我地就叫佢一星期黎兩次, 同埋改左weekday黎, 打掃完之後煮埋飯, 所以我地放工返黎好多時佢都已經走左.  尋晚返到去, 一開門剛剛見到Amy姐姐準備走, 仲見到朱古力奶食緊舊好大舊0既餅餅!!!!  舊餅好生面口喎......後來Amy 姐姐走左之後, 我地發覺原來係一包我地收埋左0既狗餅, 每舊都成3吋長, 仲要好厚好似shortbread咁, 平時朱古力奶係無得食0既!   咁其實Amy姐姐都黎左3年啦, 點解Milky呢兩個月先肥呢?  我地諗可能係因為以前佢星期六黎, 我地有時都會0係屋企, 所以佢就無比0野朱古力奶食, 近排佢黎多左, 仲要我地唔0係度, 兩隻0野分分鐘唔只食一舊咁少!!!!!!    (事關Amy姐姐好多時都會包庇朱古力奶, 明明曳都話無曳!) 

原來呢個就係Milky變左肥婆0既原因!!! 睇黎我要貼張"請勿餵飼狗隻"0既notice 0係屋企!!!  阿囡要積極瘦身啦!

幾個月前, Milky仲好slim......

而家......真係無眼睇!