CMSA巴屎閉閉暨CMSA爸媽爛屎得閒有舖癮部落: 2月 2009

2009年2月27日星期五

4個半月的衣食住玩

4個半月大嘅Sheryl, 同初初出世果時比真係判若兩b!

由最初好似個鬧鐘咁定時每4個鐘叫肚餓, 到而家隔成5個鐘都唔多覺肚餓.

由最初我地可以安安樂樂食晚飯, 到而家成日都要應酬Sheryl, 因為佢成日要人attention, 理少一陣就念念有詞咁鬧人唔理佢.

由最初好乖咁食成半個鐘人奶, 到而家食5分鐘就唔肯再埋身食, 要用奶樽餵埋後半場先得!

今個月去健康院, 重14磅, 身長約63cm, 大約50 percentile, keep住做中碼b, 著衫已經要著6個月大嘅衫啦!

Sheryl鐘意同人玩多過玩玩具, 一有人同佢傾計就笑到唔見牙又唔見眼!

食, 係最煩嘅項目. 自從戒左夜奶之後, 一直都係1日5餐, 7am同7pm埋身餵, 下晝兩餐同臨瞓果餐用樽餵, 到左差唔多4個月, 開始唔係好肯埋身食, 次次食5分鐘就唔肯再食, 但係我仲好谷, 唯有泵出黎再比佢食, 佢又食晒喎! 呢位三小姐一定係厭食人奶攰過食奶樽, 所以扭計唔肯食! 而且食奶餐餐都要食成45分鐘, 好似唔肚餓咁, 拎個奶咀黎玩, 咁我地就試下1日4餐, 情況有改善, 不過都係要分幾次先食晒, 每次200ml, 臨瞓果餐就240ml. 每日食得果840ml, 真係驚佢唔夠飽, 但係試過下晝比多餐下午茶佢, 佢一啖都唔啜!

而家轉左食4餐之後暫時都算係全人奶, 不過就變左90%係泵, 日日返工好似去旅行咁, 又奶樽又冰袋又奶泵. 結果都係要買多個泵放喺公司, 唔洗日日拎到屎下屎下!

食飽等嘔奶樣..........

食飽之後將佢入袋(睡袋)就開始發老脾, 因為佢而家唔鍾意瞓低, 以為自己識坐, 成日做sit-up想坐起身!

終於settle到瞓啦!

天光駭然發現瞓到咁............

好彩係用睡袋唔係用被, 如果唔係分分鐘比張被焗親!

雖然鍾意同人玩多過玩玩具, 但係都唔可以唔玩玩具架! 而家終於識得用手拎住嘢玩, 最好就係坐喺度玩(又唔知自己其實未識坐!)!

2009年2月25日星期三

朋友仔

星期日有朋友仔黎探Sheryl呀!

Marco真係好可愛呀, 成日笑, Sheryl借左個玩具比佢玩, 睇佢玩得幾開心!!!!!

Zoe, Marco同Sheryl 三個好似大,中,細碼咁!

Thank you Uncle Eddie 同 Auntie Catherine送嘅禮物呀! 掛住傾計唔記得比返pizza錢你地添!

2009年2月24日星期二

CoCo可能要剝牙!!!!!!!!!!

近排朱古力奶輪流病, 先係Milky又呵血尿, 驗尿又發現係舊病復發, 有菌, 偏鹼, 有晶體, 今次仲要有兩種唔同晶體添! 醫生又開抗生素, 再加一樽cranberry extract. 我就拿拿聲摷返0係冰箱果兩pack frozen cranberry出黎, 叫賓姐用碎肉機攪成紅莓蓉比Milky食, 3管齊下, 一個星期後再驗尿, 已經無細菌, 但係仲係偏鹼, 要再observe多一排, 再唔得就要轉食presciption diet! 唔係下? 我最唔想比佢地食prescription diet, 等如食垃圾! 我問過醫生, 佢話cranberry要食好多先可以令尿液變酸, 咁我問佢食得太多有無問題, 佢話無, 所以都係cranberry extract + cranberry 蓉食多一排睇下點先, 再唔得就試下轉其他糧, 總之食prescription diet係last option!

Milky之後又輪到CoCo, 阿囝仲大件事, 本來只係耳仔有yeast, 睇醫生滴下耳仔食下藥就會好返, 點知睇完耳仔何醫生加多句: "上次Dr. Jenni 同CoCo做body check果陣見到佢有隻牙崩左喎, 等我睇下!" Check左一輪, 就話CoCo應該係咬到d好硬既野攪到右邊尾二隻大牙崩左, 仲要崩到見到入面既pulp cavity, 即係nerve已經外露! 何醫生就話CoCo而家應該已經suffer緊痛, 如果有infection仲大件事, 細菌會由pulp cavity一直上到去牙肉, 到時大範圍感染就屎啦! 咁......即係點呀? 何醫生話佢建議剝左個隻牙, 免除後患! 嘩! 剝大牙勁痛喎, 全身ma醉就梗架啦, 咁佢醒返咪好痛?

一向對狗愛心爆棚既何醫生就好肉緊咁話: "梗係唔可以淨係全身ma醉啦, 要做埋local anaesthesia架, 唔做好唔humane架, 佢痛死呀!" 我見佢咁肉緊我真係想同佢講, 我都無話反對做LA, 只係問下姐, 唔洗咁激動, 我係第一個唔想佢痛啦! 我再問佢有無其他方法, 例如補牙之類, 佢話而家已經太遲, 因為已經見到nerve, 可能仲可以鍍牙根, 不過香港唔知有無醫生肯做呢d咁complicated既手術, 佢叫我地可以問下專睇牙科0既 Dr. Ewa, 不過佢自己都係覺得剝牙好d. 何醫生話如果剝牙大約要一個鐘左右, 係大手術黎架!!!! (何醫生不嬲做野都好似繡花咁, 分分鐘唔止一個鐘, 咁阿囝咪要ma醉好耐?????

)

睇完醫生之後我地真係勁擔心, 我一諗起為食0既coco 無左一隻大牙, 就想喊出黎, 個手街仲要咁痛, 真係痛在coco身痛在我心囉!!!!! 不過如果CoCo而家一直日日都痛緊, 咁咪仲慘? 但係我見佢平時又無咩野, 食得玩得仲成日同CoCo爸玩tug of war添, 如果佢痛無理由唔縮架喎? 所以我地決定即時book Dr. Ewa check真d先, 睇下除左剝牙之外有無其他方法! 但係要book到下星期先有得睇, 真係擔心屎我啦!!!!

2009年2月21日星期六

玩具反斗城開倉收獲

Toysrus 嘅 Babiesrus呢個星期開倉, 每日都會有兩樣product特別平限量發售, 我地第一日放工去, sales哥哥話果日限量50張嘅esprit網床早喺開門後一個鐘內賣晒, 咁我地就問佢星期四同星期六果張baby Einstien activity centre同網床洗唔洗早d黎呢, 佢話呢兩嘢減得最多, 要買要喺大約開門前一至兩個鐘黎排隊! 要我晨早黎排兩個鐘隊? 我寧可唔要discount囉! 不過靈機一觸, 諗起阿賓姐, 一於叫佢開門前兩個鐘黎排隊!

結果成功搶購呢兩樣超抵玩具! (據賓姐所講, 係真係要搶嘅, 一開門一大斑人跑埋個sales度, 搶佢手上嘅invoice!!!)

左: 網床 (原價$1399, 特價$499, 限賣50件) 右: Activity center (原價$1499, 特價$499, 限賣50件)

另外仲買左幾件玩具, 由幾十蚊到幾百蚊不等!

唔洗自己排隊都買到筍嘢, 真開心! 真係唔洗0鍚住賓姐, 襯未炒佢之前用盡d先!

2009年2月20日星期五

吉豬島掃貨

吉豬島今日開始又有bb用品展, 大部份貨品都有8折之外, 用J-card因為係20號有5%off, promotion期間再有extra 5% off. 不過吉豬島好奸, 好多時折完都唔夠出面平, 所以只可以target某d真係平嘅嘢黎買!

清潔篇:

今次其中一樣最抵嘅係Pigeon乳墊, 一盒80塊大約兩個零星期就用完, 呢d highly consumable嘅嘢, 次次用完落萬寧用正價買真係好襟計, 今次8折完再有95折, 仲每盒送多16塊添, 筍!!!

雖然Sheryl喺屋企用棉花唔用濕紙巾抹pat pat, 但係出街都要用, 之前果4個月一直用緊產前講座送嘅果d, 而家終於用完, 要入貨啦!

玩具篇:

Combi玩具其實唔係平好多, 不過一直都好鍾意佢地d玩具, 就買左幾件平平地嘅. 另外chicco 玩具都有8折再95折.

飲食篇:

Combi口水肩, 準備比Sheryl下個月試食糊仔果時用. 另外買定幾個新嘅chu chu奶樽, 遲d都要換左舊果d囉! $250/4 pcs, 再加extra 5% off, 應該都係我所知最平!

另外仲買左一pack兩支威潔bb洗衣液, $49.5/2支, 一定平過超市囉, 不過唔知平唔平得過藥房呢??? 因為所謂特價嘅huggies, 係貴過出面藥房嘅!!!!!!!!!!!!

2009年2月18日星期三

賓姐"虐待"朱古力奶! 有相為證!

錫身0既賓姐上次死唔去, 今次佢死梗!!!!

前幾日朝早我返工, 見賓姐唔0係屋企, 剛剛帶左Milky落街放狗, 心血來潮, 落街"目及"佢先!

請佢之前, 我地同佢講得好清楚, 都已經白紙黑字簽晒rules & regulations, 唔可以借錢, 唔可以用我地址, 放狗唔可以放繩! 雖然我地叫佢放狗都只係落屋苑平台, 唔會出街, 但係放狗果個平台係送貨用既, 即係日頭會有貨車van仔之類出出入入, 我地千叮萬囑0係任何情況下都唔可以放繩, 同埋要逐隻放, 唔可以一次帶兩隻. CoCo如果見到其他狗或者有車, 佢係無可能叫得停CoCo, 而家只係CoCo爸放狗先敢off leash, 因為CoCo都會聽佢支笛, 連我都唔敢放繩! 當CoCo見到狗想走過去玩, 就會搶繩, 不過如果你出力拉住佢, 佢都會停. 之前已經見過賓姐被CoCo拉左一下, 佢連力都唔出就放手, 連try to 拉住佢0既意識都無. 當時我地已經同佢講清楚, 要try your best去拉住佢, 而唔係第一時間放手! (賓姐真鍚身!)

我地屋企比人行既平台0係6樓, 放狗送貨0係3樓, 基本上0係6樓一睇就睇到3樓, 我去到6樓一望落去, 已經見到佢同Milky一齊, Milky係off leash 0既!!!!!!! 跟住Milky開始自己周圍行周圍聞, 阿賓竟然將本來用黎執Milky屎屎果張報紙打開舖係花槽度自己坐低! Milky自由行, 佢仲拎個電話出黎打! 如果果時有車, 佢係無可能reach到Milky!

有相為證:~~~~~~~~~~~

我真係火都黎埋, 即刻打比佢問佢點解off leash, 佢話因為如果唔放, Milky要好耐先呵屎屎! 頂! 耐你咪同佢行多陣囉, 我從來都無限制你放狗時間, 同埋唔係容唔容易呵屎0既問題, 係安全問題! 我叫佢即時on leash, 唔可以再放!

果晚CoCo爸打電話落去管理處問3樓d看更平時見唔見我地工人放繩, 看更話: "呢個工人不嬲都唔上繩, 呢兩隻狗自己周圍行架!" 其實有呢個答案都係我地意料之內. 不過我地想再試下賓姐有無講大話. 我地問佢平時有無off leash CoCo, 佢好醒, 即時諗起我地樓下有個狗友, 隻狗同Coco好friend, 佢即刻話如果見到CoCo個friend就會off leash比佢地玩, 其他時間係無off leash咁話. 佢地講大話真係=食生菜, 佢知道我地識樓下個狗友, 人地一定會報寸, 個腦快到可以即時respond到, 呢點我真係好好好好佩服d賓賓! 我地即時踢爆佢講大話: "看更同我地講你從來唔on leash喎!" 佢無聲出, 淨係講sorry. 如果阿囝阿囡比車車死左, 你幾多個sorry都無用, 炒左你甚至殺左你都無用啦!!!!! 佢又叫我地forgive佢, 大佬呀, 一個星期入面要forgive你幾次, forgive完一樣又第二樣, 你估我係神父咩?

炳完佢一輪之後就決定呢個人都係唔留得, 而家唯有騎牛搵馬, 搵到第二個就炒佢. 我諗阿囝阿囡都無即時生命危險0既, 起碼佢知所有看更都會同我地報寸, 睇怕佢都唔敢再off leash. 對於佢黎講 (可能對於好多無養狗0既人黎講都係), CoCo Milky只不過係狗黎之嗎, 洗唔洗咁緊張? 我要引用蔡少芬0係"豬肝補氣"入面鬧個工人果句對白: "呢間屋入面邊個重要邊個唔重要, 你黎幫我分????????"

呢隻衰賓今次竟然攪到CoCo Milky, 一於無得留低!

事後我地都好心痛, 原來阿囝阿囡比人"虐待"左咁耐 (疏忽照顧都係虐待0既一種!) , 我同佢地兩隻野say sorry, 叫佢地之後落街要小心d睇車. 不過CoCo個樣話我知, 其實佢好enjoy"自由行", 但係太危險啦, 阿囝你唔洗只意再做free walker!!!!!!!

2009年2月17日星期二

My DEAR 賓賓

好多謝大家睇完上次有關我工人既事之後, 比左咁多寶貴意見我. 睇黎一係唔請外傭, 如果唔係請親都總係有d問題, 分別在於蠢, 傻, 奸, 定痴!

上回講到賓姐話個胃唔舒服要落街買奶茶飲, 比佢買完夜晚又話要落街買蕉食, 今次我唔比佢去買, 食少一日蕉唔洗死呀? 我叫佢要食生果就食橙, 阿賓姐食野好picky, 厭橙酸唔食. 至於點解佢要食蕉, 又有一番典故! 話說農曆年前兩日, 阿賓半夜一點幾走出廚房煲水, 問佢咩事, 佢話唔舒服, 個心跳得好快, 手又震, 訓唔到, 諗住出黎飲d熱水睇下好唔好d, 佢又話好驚, 唔知係唔係個心有事. 攪到我地漏夜車左佢去東區A&E.

Check晒BP, ECG, normal! 醫生叫佢留院一晚驗埋血, 第二日出院返黎, 話驗血normal, 不過potassium低喎, 比左杯嘢佢飲. 醫生叫佢兩個星期後再返去覆診, 再睇埋detail嘅驗血result. 聽佢咁講, 似係hypokalemia之類, 而醫生比佢飲果杯應該係potassium chloride. 不過hypokalemia成因可以好多, 小病又得大病又得, 所以醫生要再detail同佢驗血, 兩星期後再follow up. 覆完診返黎, 醫生話result normal, 無任何問題. 於是我就好心叫佢食多d生果, 好似蘋果同香蕉, 都可以補充potassium. 事關賓姐一向唔食生果, 厭酸! 自此之後, 賓姐就日日食蕉, 果晚我唔比佢落去買蕉, 半夜十二點幾又話好唔舒服, 又心跳同手震! 我果頭唔比佢去買蕉, 佢就半夜黎叫唔舒服, 實在好有'玩嘢"之. CoCo爸嬲起上黎就叫佢唔好再咁嘈, 上次醫生check 過都話無事, 叫佢快d去瞓. 跟住佢就死死地氣返入房瞓. 我就同CoCo 爸講, 睇住黎, 佢第二朝實話要去睇醫生.

第二朝返工前, 見佢鬼打都無咁精神, 仲主動問我抹車洗唔洗抹埋入面, 因為Milky尋日坐過, 我趕住返工, 應左佢一聲"好呀"之後就出門口, 上左車諗下諗下就覺得事有蹺踦, 因為平時抹車身我預佢半個鐘, 如果抹埋車入面就預一個鐘, 睇黎佢梗係又想蛇落街食早餐! 不過我又諗可能係我小人之心姐, 可能佢真係好主動咁想幫我抹車入面呢?! 我8:30出門口, 9:30就收到電話, 賓姐打黎話佢好辛苦, 頭暈又想嘔又頸痛, 成晚都瞓唔到, 而家做唔到嘢, 好辛苦要即刻去睇醫生! 嘩, 佢準時到呢...剛剛一個鐘抹車之後就唔舒服, 仲要話尋晚無瞓, 但係一個鐘前仲龍精虎猛, 仲話幫我抹埋車入面! 較都無咁準, 睇死佢又蛇落街嘆完個早餐上黎先叫唔舒服! 好彩CoCo爸喺屋企, 我就叫CoCo爸夾佢去睇私家(小西灣名醫王露茜醫生, 我唔舒服都係睇佢!), 嫲嫲就過黎睇住Sheryl.

醫生話賓姐個胃有氣, 應該係感冒入腸, 腸胃炎. 阿賓姐成日話自己咩都唔食得, 因為食完成日要去"呵屎", 但又唔係肚呵喎, 係正常果隻, 問佢大唔大量, 佢話次次都好多架. 但係食白飯, 奶茶同蕉就唔會"呵屎". 醫生都話無可能喎, 又唔係肚呵, 佢又無咩食嘢邊得咁多屎呵??? 醫生都解釋唔到, 問佢係咪壓力大? CoCo爸同醫生講話賓姐要飲奶茶同食蕉, 醫生即時話腸胃炎唔可以飲奶同食生果, 叫佢唔好食! 跟住開左成10包藥比佢, 叫佢一定要食晒!

哈, 腸胃炎會手震心跳頭暈想嘔頸痛同成日呵屎(正常果隻)????? 好明顯係誇張作大! 我果晚返到黎, 同賓姐講"你知唔知我做咩架? 我做medical related嘅嘢, 咩病有咩symptoms我大概都知, 你呢d symptoms 無大病既, 唔洗咁擔心!" 呢句說話明顯係用黎兇佢, 等佢唔好以為我係白痴, 連你扮野我都唔知?! 賓姐聽完我呢句之後即刻藥到病除, 咩symptoms都無晒, 可能唔係我果句說話勁, 係醫生果10包藥嘅功效! 真係靈丹妙藥!!!!!

事後諗返成件事, 佢真係有唔舒服, 如果唔係點會要求淨食白飯咁虐待自己? 我地結論係阿賓姐錫身到不得了, 少少唔舒服就"蛇gwei"到死, 誇張到無人有, 只係腸胃炎, 又話自己又暈又嘔又手震! 唔怪得佢清潔咁乾淨, 吸塵第一時間吸左自己房先, 佢用果個廁所乾淨到你唔信, 用水一定用熱水, 仲要開到最熱果隻, 番熱d"食送" 永遠唔用microwave, 次次開大鑊水蒸熱, 我地果d就用microwave.

結果我地唔比佢開爐返熱, 只可以用microwave, 同埋開水唔可以開到最熱!

尋日阿dear賓賓食晒d藥, 問佢有無事, 佢話應該無事啦, 不過想再follow up 醫生多一次. 嘩, 佢真"經貴", 普通腸胃炎都要follow up??? 我上星期夠呵足3日啦, 咪又係咁返工!!!!!!

蛇gwei錫身怕死都罪不至死既, 不過阿賓姐仲有下文.................(待續)

2009年2月10日星期二

我個工人......到底好唔好呢?

自上年8月請左工人之後, 佢工作表現一直都好好, 當我慶幸自己好好彩之際, 就開始發生一連串令我好懷疑佢有幾好既事. 不如大家比意見! 究竟係我地harsh定係佢有問題呢? (remarks: 呢篇野好長, 要花少少時間睇!)

好處:

1. 清潔好乾淨,

2. 煮野好食,

3. 照顧bb都叫有心機,

4. 自動自覺offer help, 有時星期日我地同Sheryl去街夜晚11點幾先返, 佢本來已經入左房, 都會走出黎問下我地洗唔洗幫手抱住bb先, 等我地去換衫settle down.

5. 假期7,8點就返屋企, 仲會自動做家務,

早係請佢之前, 我地叫佢簽左一份regulations, 講明唔可以用我地任何資料去借錢, 同埋唔可以將我地地址電話比任何其他人, 點知:

1. 早兩個月有日有人打黎屋企搵佢, 我地一問之下, 原來佢同UA財務借左錢, 第一期就過期未還, 人地打黎追佢. 比我地知道之後, 佢就喊晒咁話feel ashame,仲話一定會準時還. 當時我地都好煩, 因為佢工作表現其實好好, 如果炒左佢請過一個, 分分鐘仲差過佢. 問題係佢明明無我地屋企電話號碼 (Contract只有地址), 好明顯就係佢用我地個電話打比自己黎睇個來電顯示! 結果我地同佢講如果再收到呢d電話, 我地會take further action.

2. 我生完之後成日食雞, 好多時都覺得好似少左d脾肉, 直到有一次整完隻豉油雞, 我發現得less than一隻雞脾, 我一怒之下走去摷垃圾桶, 發現有幾塊雞皮, 可以砌返成隻脾出黎, 仲要好似多過一隻添. 佢自己都認食左, say sorry. 其實我生完之後忙到死, 有時要餵奶攪到好夜先食飯, 所以就叫工人自己食先, 諗住信得過佢唔會食好多, 同埋諗住佢食得幾多呀, 點知……原來佢地係唔識自律, 對佢好佢都唔會感恩, 只會take advantage of employer! 自此之後, 我地每餐都一定要分"食送"比佢, 佢從此食雞只有雞胸肉食!

3. 尋日收到一封電話公司寄黎我屋企比佢既信, 我問佢點解, 佢地d bun bun一直都只係用儲值卡, 因為上台要住址證明, 同埋如果佢地講IDD講爆唔比錢d收數佬會追上門 (同借錢唔還後果一樣!) 最主要問題係佢又拎左我地個地址比其他人, 佢話 “我問左阿sir啦”! CoCo爸就好嬲, 因為果次佢係好似8掛咁問 “你地d電話上台係點比錢架, 手續係點架?” 佢就係恰CoCo爸無介心, 當佢吹水, 點知佢話咁樣叫做問左啦喎! 我即時話 “你無講過要上台果個係你喎!” 我叫佢即時cut左佢, 用返佢不嬲用開既儲值卡, 佢話無問題. 之後我諗深一層, 都係唔對路, 剛剛寄左黎比佢果張 statement , 本身就係一張住址證明, 佢又可以去做其他野! 於是我就沒收左佢張statement. 好啦, 到今日, 佢又同我地講佢原來簽左約, cut個電話plan要罰錢! 哈哈哈, 我真係話之你, 要罰錢你咪自己比囉, 無錢比? 唔緊要, 我幫你比, 下期糧扣返囉!!!!

4. 今朝起身返工, 佢出左去買食送, 我聽到廚房有聲, 原來佢用個電飯煲黎煮飯, 我明明記得尋晚有成兩碗飯剩, 仲叫佢留黎做今日lunch, 開雪櫃見兩碗白飯仲係度, 我打開個電飯煲一睇, 佢煮左成兩三碗飯係度! 我又趕住返工, 唯有出左門口上左車先打比佢, 佢話arm arm買完食送返到屋企, 我問佢點解煮飯, 佢話d米係佢自己買既, 佢個胃唔舒適, 要食白飯先舒服d. 我話你要食成4,5碗飯先夠? 無食早餐咩? 點知唔問由自可, 一問把幾火, 佢話今朝抹完車落左去美心食早餐, 又話自己好易肚餓, 所以上晝lunch之前要再食d飯先得! Shit!!!! 我不嬲都只係叫你早一日買"食送"果時買埋麵包做第二日早餐, 呢排我都覺奇怪, 唔見佢買麵包返黎, 原來係落左去美心嘆早餐!!!! 第一, 我無話過你可以出去食早餐, 第二, 就算d米係你自己買, 你開住個電飯煲走左出街已經唔好, 一日本來煮兩次就比你用黎煮三四次, 又晒電費又容易整壞! 結果我地同佢講, 既然佢話佢咩其他野都食唔到, 只係食到飯, 咁我地就淨係比白飯佢食, 兩三碗都無問題, 但係唔會比"食送", 佢無出聲, 我地叫佢諗下先, 晚飯前答我地! (其實如果個胃唔舒服只係可以食飯, 咁點解早餐唔食白麵包要食美心呢???)