深圳書城尋寶

Sheryl開學第3日, 只係上堂一小時, 未夠10點就放學, 橫掂都請左一日假, 於是跟當日要上深圳做野嘅daddy走一轉書城!

 

第一件事係醫肚, 去左深圳Grand Hyatt食lunch buffet.  酒店好新好靚, buffet仲超多野食! 

食物質素都唔錯.  無咩影食物相, 因為太肚餓掛住食.

食完就搭地鑯去少年宮嘅書城.  今次其實已經有target, 去到即時開始尋寶

 

目標一:  國家地理兒童百科(入門版)    每本約7蚊, 共24本:

香港有set中英對照, 有圖卡同exercises噤, 不過成套要成$18xxx.   呢set英文平裝版, 無圖卡無exercises, 3個級別加埋都不過幾百蚊 (我只係買左入門版因為其他兩set太深).

目標二:  第一次發現

成套書有過百本, 香港代理賣二萬大元!  呢度每本只係約12至20蚊.  由於太多太重, 我只係買左"手電筒系列"其中一set 6本, 其餘淘寶都有得賣, 原來仲平過書城, 不過要比運費, 由於書比較重, 運費都唔平.  所以唔洗一次買晒!

一套7本情緒系列.  美國作者, 每本約9蚊.    "我好害怕"一書被美國拍成卡通片911之後播.  內容好好 (我覺得好過亮亮, 亮亮故事收尾收得好鬼差!!!) 

不過d字太細, 打算自己打英文同中文(繁體)貼上去!

阿囡近期鍾意玩貼紙, 買左兩本印刷精美又厚厚一大本嘅貼紙書, 每本約12蚊

正版Dora dvd $45/3隻

行完童書部已經攰到癲, 竟然有免費locker任用!  讚!

放低d書喺locker之後去左睇大人書, 收獲唔多因為我唔識睇簡體字, 英文書又貴. 

結果都係買左國家地理出版嘅百科書, 每本6蚊:

我諗係比中學生睇, 不過內容我都唔識!

呢本daddy嘅:

不過其實淘寶好多時都平過書城, 雖然要比運費但係加埋都唔差好多.  除非諗住去埋深圳飲飲食食, 如果唔係淨係去書城又要搬d書返黎其實唔多化算!

Pre-nursery第一階段適應期-同室分離

開學頭5日只係返一個鐘, 家長都可以陪上堂.  

 

 

第一日Sheryl好驚陌生環境, 成日都要我抱

 

放左學即時開心晒!

 

 

第二日好d, 無抱過, 但係要痴住我痴到實一實

 

第三日daddy帶返學, daddy出左班房15分鐘都ok無喊

 

初時唔肯自己"咩"書包, 見其他同學仔"咩", 佢終於都肯"咩"

 

第四五日同室分離都尚算ok, 但係同園分離就喊爆!

 

跟住兩個星期開始返兩個鐘, 家長都可以喺度, 不過就要開始試下同園分離.......

 

 

 

 

 

返學生涯開始!

過去大半年, 一直為Sheryl找Nursery的問題煩惱, 因為Sheryl係"細囡" (即同年8月後出世), 好多幼稚園都唔prefer"細b"!  當然, 如果我係全職媽媽,我會考慮乾脆出年比佢直接讀K1, 呢年可以返住playgroup先．不過可惜我要返工，要將照顧Sheryl呢件重任假手於人，而Sheryl過左１5個月之後，照顧佢唔係淨係食，痌，瞓，仲有"教"! 而"教”呢樣嘢如果交比工人姐姐同嫲嫲，後果．．．可以話係不堪設想！　我唔係指知識嘅教導，而係自理能力同脾氣嘅控制．

所以雖然我知道噤細個返學好易病，同埋初時返學要比較長嘅適應期（即係發癲期），我都希望佢可以返兩歲nursery.

 

之前一直為返下晝班而擔心，始終Sheryl開學時都只係得１歲１０個月，午睡對佢黎講真係幾緊要，所以daddy喺申請左轉上晝班之後，一直都keep住同校長交涉，校長話今年人數好多，雖然我地交信交得早，轉上晝班條隊我地排第一，　不過根據往年經驗，開學前最多都係得一個轉到，甚至無人轉到！　一路等到７月尾都無消息，我地都打定輸數，點知８月頭竟然收到信可以轉上晝班，真係喜出望外！！！

知道可以轉上晝班之後, 終於有返d心情準備開學嘅嘢.  衫label, 鞋貼, 防水名貼, all ready!

第一個書包 - 除左知識之外, 媽咪更希望佢可以為你滿載返學嘅喜悅同笑聲!!!!

柏斯Kulu Kulu Club音樂班

Sheryl由幾個月大開始已經好鍾意聽音樂, 其實我諗大部份bb都like音樂, 不過Sheryl對音樂反應特別好, 無論做緊咩, 就算扭緊計, 一播音樂佢就冷靜返.  所以之前同佢上過Kindermusik同Gymboree music class, 加上playgroup都有唱歌時間, Sheryl好快就識跟住歌仔做動作. 

一直諗住等佢兩歲就同佢報d有系統d同認真少少嘅音樂班, 初時target報Tom Lee, 但係上網見其他媽咪嘅comment唔多好, 加上地點時間又多限制! 

後來留意到柏斯嘅小小莫扎特音樂班, comment都幾好, 不過有媽咪comment個內容比較深.  噤我心諗深少少好過無嘢學side錢.  加上我都叫做識彈琴 (雖然係勁唔掂果隻, 姨姨就知啦, hahaha!) , 要應付兩三歲嘅樂理都應該無問題掛?! 所以一心等到Sheryl夠兩歲半就同佢報名. 

上個月發現柏斯開左新音樂班比1-2歲同2-2.5歲, 加上又喺康怡開左新center, 所以就報左2-2.5歲嘅Kulu Kulu Club.  

 

Kulu Kulu Club喺來自日本Kawai Music School嘅幼兒音樂律動課程, 全個課程分上下學期, 每個學期16堂 ($39xx), 1歲9個月可以開始上, 預計上完兩個學期就夠"秤"上兩歲半嘅小小莫扎特音樂班.

7月尾上第一堂, 每班8個小朋友, 一個老師帶組, 另一個老師彈鋼琴 (三角琴), 每堂都有schedule, 大概如下:

1) 一開始喺free play (約15分鐘)

2) 跟住係同Kulu Kulu (隻松鼠公仔)玩律動遊戲 (e.g. 跟音樂節拍做動作/跳舞), 

3) 用課程提供嘅圖形卡 (圓形, 三角形, 正方形) 學下形狀同顏色, 其實班中所有人都已經識晒, 其實d圖卡主要用黎學樂器同拍子.  好似圓形, 老師就介紹搖鼓, 三角形老師就介紹三角叮叮.  (我估遲d圖形卡會用埋黎教拍子)  

4)  樂曲欣賞 - 老師會彈一首classical

暫時上左3堂, 感覺都ok有系統, 係帶組果位老師唱歌一般, 雖然柏斯聲稱所有老師都係去過日本Kawai Music School 接受過訓練先可以教, 不過始終係新班, 老師帶組技巧無Gymboree同Kindermusik噤好, 不過都可以接受啦! 

 

睡前故事 (21個月)

之前Sheryl超喜歡Usborne Farmyard Tale, 近來開始無咩興趣, 所以就同佢換過一批bedtime story.

苜先加左呢本之前睇過, 但Sheryl興趣唔大嘅Oxford Reading Tree read at home Stage 1.  早兩個月佢一d興趣都無, 可能當時對佢黎講太深.  而家再比佢睇, 竟然好有興趣, 只係同佢睇左兩次, 佢可以自己認到主角Chip, Kipper 同Floppy個名!!!

於是再加入同系列的另一本Dad's birthday, 佢又好鍾意, 每次都要我讀完又讀, 起碼4次!

 Oxford Reading Tree d書實在太貴, 而且太多, 買真係唔多化算, 於是去圖書館借, 可能Stage 1無咩人借, 好齊任揀. 呢兩本佢一樣好鍾意, 仲識指示我想睇邊本.  例如想睇Go Away, Cat, 就會話"Go away". 

佢最鍾意書中嘅Kipper (細仔) 同Floppy (狗仔), 晚晚都話要我讀"Kipper and Floppy"

另外加左下面右手邊果本The Lion and the Mouse, 因為Sheryl鍾意Lion.  果然又係好鍾意睇, 睇左幾次仲記得"Big lion, little mouse"

至於中文書, 最近換左亮亮的成長.  由於有部份內容比較深, 所以只係揀左幾本內容比較簡單嘅出黎, 而家睇緊 "亮亮上學去", 字就當然唔識睇, 不過Sheryl都好enjoy睇圖畫聽媽咪講故事, 希望呢d書對佢返學有幫助啦!  佢都幾鍾意呢set書, 成日話要睇"姐姐" (即係主角亮亮)

 

 

小手忙翻天1-6 - 東西圖書 (21個月)

Sheryl屋企大部份書同教材都係英文, 連佢至愛嘅娛興節目Barney都係英文, 所以佢學所有圖形, 顏色, 物件名稱等等全部都係英文.  雖然我地都係同佢講中文, 不過佢日常溝通理解中文無問題, 但係講就70%都係英文, 至於概念理解(如顏色圖形), 中文更加完全唔掂!!!!

所以一直都想搵d中文教材, 留意左好耐, 覺得台灣東西圖書出版嘅教材好好, 不過有好多香港代理都無, 特別係幾年前出嘅教材, 有d甚至喺台灣都絕左版. 

香港d中文教材好多都著重flashcard認字, 無圖無公仔齋記字, 英文flashcard我都已經唔用好耐, 更何況係中文.  香港d教材求其出幾本書又話要過千蚊, 真係好無heart!

鍾意東西圖書就係因為佢有部份係出版比教師用, 加上教材大多好有趣好有系統, 仲要一d都唔貴!

適合2歲嘅教材選擇唔多, 留意左呢套小手忙翻天好耐, 香港絕左版, 我喺台灣網店搵到, 一套6本其實可以分開買, 不過成套買都只不過係HK$250, 加埋兩日就送到我屋企嘅速遞都只係~HK$320!  

東西官方網頁產品介紹: http://www.ewbook.com/product.asp?pd_type=2&temp_id=

每本書都有一隻vcd, 成套共6隻, 想學普通話就睇vcd, 教廣東話就淨係用書:

vcd內容包括左本書中內容, 另外仲有一d教句子嘅動畫.

一開始會唱歌仔, melody都係耳熟能詳, 好似呢隻就係Old MacDonald had a farm嘅melody:

本書有相應歌詞, 主要教動物名稱同叫聲.  呢兩樣嘢Sheryl都識晒英文, 而家可以學下中文/普通話:

第二部份教動物名稱同句形, 本書有相應圖畫.  雖然Sheryl唔識字, 但係可以喺本書度指出相同的動物圖畫, 再聽下全句點講.

書中有相應遊戲, 其實同3-pieces puzzle原理一樣,  Sheryl已經識砌2-pieces puzzle, 包括係一大堆puzzle入面搵返兩塊對應嘅出黎.  不過呢本書玩法有d唔同, 所以暫時Sheryl要媽咪協助先識玩.

第三部份有超可愛動畫, 動物輪流出場, 會介紹動物名稱同叫聲, 重覆句形令小朋友更易理解.  Sheryl睇得好投入, 跟住叫d動物名同叫聲, 不過係講英文........而我都可以同時學下普通話!

第四部份仲有d額外嘅句子同動畫, 作伸延練習

本書有介紹套教材理念

6本書主題由淺入深;

有vcd, cd同書, 動畫超可愛!

網店仲加送一套大圖卡字卡, 都係對應返書中內容:

Sheryl第一次玩已經跟住講動物阿同扮叫聲, 第二日見我拎本書出黎就話要睇'衣呀衣呀噢", 即係要聽歌仔 (竟然第二次就記得)! 

其實vcd內容簡單唔係太有娛樂性, 所以如果要keep住Sheryl的興趣, 每次只可以睇一次就要收埋, 本書都係玩15分鐘左右就要收埋.

好鍾意呢類教材, 從遊戲中學習, 而唔係強記生字, 而且有系統, 利用視覺聽覺觸覺去反覆練習同一個概念, 呢個先係幼兒學習嘅正確方法.  奈何香港d家長好多要重認字, flashcard 仍然大行其道, 呢d噤"簡單'嘅教材滿足唔到佢地, 因為用完都唔會話識左一百幾廿個字, 所以香港真係無咩知音人, 攪到香港代理早前要$50一本清貨! (如果當時我知道, 一定去掃貨!!)  好彩而家喺台灣果邊訂返黎都係一樣價錢!

其實呢套教材有英文版, 叫"1001樂翻天", 一套6本, 內容同中文版對應.  不過已經絕左版.  東西好似將佢改頭換面, 出左一set叫123 sentence blender, 少左一本書, 多左d唔知咩accessories, 香港代理賣緊$550 (即係貴左!).  set嘢我未睇過, 唔知bb展有無, 可以到時睇睇買唔買得過.  

個人覺得中文版好d, 因為除左學中文之外, 仲可以當普通話教材, 連我都學埋一份!!!!