人狗營養晚餐

所謂人狗營養晚餐, 唔洗驚, 唔係人同狗share同一樣0野食, 只係我尋晚煮開飯, 所以抽起一d材料整埋比朱古力奶食姐! 

人食果d就有:

1.    白菜紅蘿蔔煲豬展湯 (材料:  大大個紅蘿蔔, 白菜, 豬展, 南北杏, 蜜棗兩粒)

2.  青蒸東星 (CoCo爸話條東星只係賣七十幾蚊......到底呢條紅色0既魚係咪真係東星黎架???) 

3.  上湯菜心苗 

4.  梅子蒸豬肉  

 5  清炒翠玉瓜

 

至於朱古力奶餐飯呢, 睇佢地兩分鐘清兜, 就知好唔好食啦!

狗食: 甘荀翠玉瓜蒸雞柳加狗糧

1.   翠玉瓜蒸雞柳 (我將d翠玉瓜切左粒之後放0係d雞柳底度一齊蒸8分鐘, 結果d翠玉瓜吸左好多雞肉味, 翠玉瓜本身又甜甜地, 勁好味, 我都忍唔住食左幾啖!) 

2.  因為我地用黎煲湯果個紅蘿蔔太大個, 所以留左一d比朱古力奶! (切左粒之後用水浸住放入微波爐叮, 因為d爐頭比我用緊黎煮飯, 所以唯有偷懶用叮叮啦!)

紅蘿蔔同翠玉瓜都好有營養架, 人食同狗食都得 !

翠玉瓜的正確名稱是Zucchini.  漁農處：「翠玉瓜是一種南瓜，其果色翠綠，果肉鮮嫩。 翠玉瓜含維生素A、碳水化合物及纖維質，其含量較市民常吃的瓜類如青瓜、節瓜及絲瓜等為高，是一種營養價值甚高的蔬菜品種。」

紅蘿蔔，又稱胡蘿蔔（Daucus carota）或甘筍，是傘形科胡蘿蔔屬二年生草本。以肉質根作蔬菜食用。紅蘿蔔屬半耐寒性，喜冷涼氣候。為長日照植物。肉質根在18～20℃時發育良好。中國多於夏秋播種。紅蘿蔔營養豐富。有治療夜盲症、保護呼吸道和促進兒童生長等功能。此外還含較多的鈣、磷、鐵等礦物質。