朱古力奶初遇波仔@新娘潭

星期四探完波仔, 星期五已經掛住佢, 一於帶朱古力奶見下佢地契細佬, 本來諗住去行下超易行大平路嘅大尾篤水壩, 點知去到多人多到連車位都無, 唯有去入d嘅新娘潭啦!  話說大家都未行過, 見佢寫住"新娘潭燒烤場"同"郊野公園", 諗住都好易行, 點知......條路係一條好斜嘅石路, 仲要好窄同有青苔, 真係一步一驚心, 好彩朱古力奶好生性, 無咩點搶繩, 如果唔係, 真係連人帶狗一齊碌落山!

波仔阿媽仲辛苦, 全程要抱住波仔行, 仲要著住拖鞋!!!  母愛真係偉大!   雖然行得辛苦, 但係做下運動都幾好呀!

去到燒烤場草地, 波仔同朱古力奶即時成為小朋友嘅焦點! 

d小朋友初時驚CoCo, 點知後來見CoCo表演完d tricks之後, 開始多多要求, 又要阿囝做呢樣做果樣, 阿囝比佢地點到頭都暈埋!

坐定定影張相先啦!

阿囝又發揮佢嘅小宇宙, 跳上成米幾高嘅石台!

一向唔敢玩障礙嘅Milky,今次竟然夠膽玩over!

廿四孝阿媽,全程抱住波仔, 因為波仔未打齊3支針架!