發表文章
近排睇緊"狗狗食得天然"呢本書, 見佢有個好簡單嘅花生醬曲奇食譜, 所以就買左包有機花生, 自製花生醬, 一半用黎整比朱古力奶食, 另一半就整比自己同CoCo爸食 (當然人食同狗食嘅recipe係唔同架啦, 人食嘅可以睇呢度http://hk.myblog.yahoo.com/cocomilkyclub/article?mid=480&prev=487&next=477 )!
食譜原自呢本書, 佢嘅內容幾有說服力, 令到一直只係比乾狗糧朱古力奶食嘅我, 開始自製一d真正有營養嘅"食物"比佢地:
材料：
全麥麵粉......2量杯
自發粉.........1 湯匙
粗粒花生醬...1量杯 (我就自己買左包有機花生, 然後白獲炒熟, 去左衣之後放入攪拌機攪成醬, 咩都唔洗加架, 因為花生有花生油, 自然會攪成醬狀! 由於要粗粒, 所以我留起大約四分一花生, 攪成碎之後溝返入去之前果四分三已經攪成醬嘅portion度, 就成為home made peanut butter啦! 無鹽無糖無防腐劑, 人食狗食都得)
低脂奶.........1量杯 (有人會用狗奶代替, 但係我就用水, 不過如果用水, 可能要減d分量, 因為水比較稀, 我結果要落多成半杯粉先搓到個粉糰! 加上早前睇左個節目, 話其實人飲奶都唔一定係健康架, 跟住睇埋上面果本書, 佢話喺所有生物當中, 只有人類長大左之後都仲飲奶, 仲要係飲其他動物嘅奶! 所以其實動物本身成長之後, 跟本唔洗飲奶, 因為奶入面嘅營養可以喺其他食物度吸收到, 而且人(唔知狗係唔係)大個左就會無左用黎消化奶果種enzyme, 所以有d人係飲唔到奶, 又可能對奶敏感! 如果喺大自然入面, 狗狗介左奶之後都一定唔會再有奶飲, 咁唔加奶比佢就一定無問題啦!)
做法：
1.) 先將焗爐預熱至 190度.
2.) 在一個大碗中，將全麥麵粉及自發粉拌勻.
3.) 於另一個碗中，將花生醬和低脂奶(或水)拌勻.
4.) 然後再將 (3.) 加入 (2.) 中，拌勻.
5.) 將以上混合好的粉糰倒在已灑上粉的枱面上, 輕輕稍微搓揉.
6.) 再用麵粉桿將粉糰推壓至 1/4寸厚，然後用餅模切出餅餅的形狀
7.) 把一個個餅餅放在已鋪牛油紙或錫紙的焗盤上，放入焗爐中焗大約20 分鐘或至金黃色
8.) 放涼後便可給狗狗進食。
全麥麵粉......2量杯
自發粉.........1 湯匙
粗粒花生醬...1量杯 (我就自己買左包有機花生, 然後白獲炒熟, 去左衣之後放入攪拌機攪成醬, 咩都唔洗加架, 因為花生有花生油, 自然會攪成醬狀! 由於要粗粒, 所以我留起大約四分一花生, 攪成碎之後溝返入去之前果四分三已經攪成醬嘅portion度, 就成為home made peanut butter啦! 無鹽無糖無防腐劑, 人食狗食都得)
低脂奶.........1量杯 (有人會用狗奶代替, 但係我就用水, 不過如果用水, 可能要減d分量, 因為水比較稀, 我結果要落多成半杯粉先搓到個粉糰! 加上早前睇左個節目, 話其實人飲奶都唔一定係健康架, 跟住睇埋上面果本書, 佢話喺所有生物當中, 只有人類長大左之後都仲飲奶, 仲要係飲其他動物嘅奶! 所以其實動物本身成長之後, 跟本唔洗飲奶, 因為奶入面嘅營養可以喺其他食物度吸收到, 而且人(唔知狗係唔係)大個左就會無左用黎消化奶果種enzyme, 所以有d人係飲唔到奶, 又可能對奶敏感! 如果喺大自然入面, 狗狗介左奶之後都一定唔會再有奶飲, 咁唔加奶比佢就一定無問題啦!)
做法：
1.) 先將焗爐預熱至 190度.
2.) 在一個大碗中，將全麥麵粉及自發粉拌勻.
3.) 於另一個碗中，將花生醬和低脂奶(或水)拌勻.
4.) 然後再將 (3.) 加入 (2.) 中，拌勻.
5.) 將以上混合好的粉糰倒在已灑上粉的枱面上, 輕輕稍微搓揉.
6.) 再用麵粉桿將粉糰推壓至 1/4寸厚，然後用餅模切出餅餅的形狀
7.) 把一個個餅餅放在已鋪牛油紙或錫紙的焗盤上，放入焗爐中焗大約20 分鐘或至金黃色
8.) 放涼後便可給狗狗進食。
Remarks:
- 粗粒裝花生醬以自己磨製的更佳
- 把吃不完的餅餅放在密封容器中, 可保存長達一星期 (如天氣熱, 要把容器放入雪櫃)
- 若你不想一次過焗咁多餅餅，可以將用剩的麵團用保鮮紙包好，放入冰格，再想焗餅前一天把冰凍的粉團放到雪櫃的下格，待它解凍。
簡單嘅材料, 最arm我呢d懶人:
我唸你遲可以出一狗狗食譜，勁！
回覆刪除我都係咁整花生醬架!!!!! 加角豆粉, 可以變古古力花生醬cookies, 再加燕麥片 (1:1份量), 就會變成好硬既潔齒餅!!!! 整野食, 真係好好玩, 千變萬化!!!!!!!!!!
回覆刪除Catherine, 我d recipe全部都係左抄右抄架, 如果出書, 我諗會比人告喎! 自製花生醬幾好玩架, 又唔難, 如果Zoe鍾意食花生醬, 試下整比佢食啦! 丁茶媽, 其實我整花生醬係"斷估"架, 我諗係咁整呱! 好彩你呢個高手都話arm! 角豆粉喺咩黎架? 邊度有得賣呀?
回覆刪除好好味咁喎! 但.... 乜狗狗唔係唔可以食花生嘅咩?
回覆刪除朱古力奶媽，我未試過整花生醬架 ，睇完你個post，又學多樣喇 ，但我想問要攪幾耐先為之成功既花生醬呢，thanks
回覆刪除Goldie, 我睇左 Dr. Pitcairn 本書(提倡BARF生肉餵飼法及自己動手做菜讓狗狗食得天然, 對BARF支持者黎講, 係一本天書), 佢有提到食唔食得花生呢個問題, 花生係nuts, 佢話一般nuts比較貴, 而nuts有高fat同protein, 但相對fat比protein多, 係高熱量食物(所以我將d花生攪碎果時, 攪左兩三分鐘左右, 個容器好熱, 係熱到燙手果隻! ) 佢仲有講話nuts一定要攪碎或者攪溶先消化到, 佢最後都建議可以0係狗狗diet入面加入適量nuts! 所以我諗用花生醬做treats比佢地食係ok 0既!
回覆刪除mui媽, 其實唔洗攪好耐, 我諗我大約攪左兩三分鐘左右啦, 好快架!
回覆刪除唔該曬，我又可以整比Mui Mui試
回覆刪除仲有呀，你D模好靚呀，係邊度買架
回覆刪除Mui媽, 上面個骨骨模喺 www.twinsco.com 買架! 不過我覺得個size太細, 我再喺Citysuper買左一set3個架, 大中細碼有齊, 同埋個骨骨肥d, 可愛d! 至於狗狗同bear bear呢, 就係喺吉豬島買架, 一set有成六,七個唔同樣架!
回覆刪除