2007年8月30日 星期四

今日放榜啦-真係等到頸都長!!!!

真係當年中五放榜都無咁緊張, 本來05年考嘅LLB final year因為05年頭要結婚而無考到, 結完婚又有左朱古力奶, 更加"的"唔起心肝去考, 一拖再拖, 04年上堂d嘢已經比返晒阿sir, 06年尾駭然發現已經差唔多3年啦, 無理由final year 先放棄, 咁頭果兩年d錢咪益晒london U??????

  一心諗住死就死啦, 唔再上一次04 年已經上過嘅堂, 淨係報3,4月嘅雞精班, 6月博一博啦!

考完之後, 都心中有數, 淨係上雞精班, 6月考試4月先開始讀, 又淨係讀雞精notes, 咩書都無睇過, 合格都偷笑囉!
  因為上一次考已經係04年嘅事, 之前明明每年8月21,22號左右就收到成績單, 今年到25/6號都仲係咩都無!  見其他forum已經有人鼓譟, 我呢d唔諗住再讀pcll就話等得姐, 人地報左pcll, 有conditional offer果d, 下個星期開學啦大佬!  見d網友日日打去狂揷考試局, 考試局就日日都話"倫敦果邊未寄過黎!"  本來我都唔係太緊張, 點知日日開信箱都空空如也, 一日驚過一日, 好驚唔合格出年又要再考過, 真係好攞命架大佬, 仲要比幾百英磅倫大賺, 真係諗起都"錶"冷汗!  再諗起我溫書果個月嘅非人生活, 朱古力奶成個月無街去, 喺屋企發毛, 就越諗越驚!!

好啦, 8月30號, 終於都收到成績單啦!  我心急到一路搭lift一路開個信封, 隻手仲震緊(真架, 無誇張架!!!),

一開..............................

我第一個反應梗係睇分啦, 睇完之後, 我即刻睇嘅係...我個名!  因為我第一個感覺係...張嘢唔係我嘅!!!!!
個名又真係我喎!  好囉, 一天都光晒囉, 竟然兩科嘅分係2-2, 一科係2-1!!!  2-1! 我之前果兩年從來未攞過架!  雖然拉勻只係得2-2, 但係比我預算嘅好好多啦!  好彩唔諗住報pcll, 因為2-2佢地實唔收!!!!!

其實以我呢d咁懶嘅人, 都可以合格, 真係全靠嶺南同poly(即係Malaysia 嘅kemaya and ATC派人過黎教)嘅preparation course, 我有d朋友都想讀LLB, 成日問我自修得唔得, 人地我就唔知, 我就一定唔得!  上堂同自修真係差好遠, 所以想讀嘅朋友, 一定要報preparation course!!!!! (好似賣廣告!!)

張貼者： 於
標籤： , ,

11 則留言:

  1. TracyWong2007年8月30日 下午2:17

    ai, 我想問點解 choose London U 的 LLB 呢? 仲有好多 choice ga.... pls advice

    回覆刪除
  2. CMSA family2007年8月30日 下午2:31

    我係part-time讀, 03年已經開始啦, 果時只係得CPE / London U 揀 (未有JD), CPE 唔係degree, 如果要讀PCLL, 都要補多兩科. 其實London U 嘅LLB reputation好好架, 而且standard都幾高下, 如果考到2-1, 真係好勁下, 1st hon 更加係萬中無一! 唔好以為2-2好好, 2-2 PCLL已經唔收架啦! 同埋London U LLB喺香港嘅support最多, 好多institute都有開preparation course (當然你都可以自修)! 你又想讀呀?

    回覆刪除
  3. Lydia2007年8月31日 凌晨2:52

    恭喜哂呀, 我絕對明白你既心情架!!! 而家讀pcll 真係好難入, 我既年代 (7年前啦!!!!) 2-2 已經唔多入到..... tracy, 你要考慮你讀黎為咩, 只係想要個law degree, 定你想轉黎同我做同事, 唔同target 唔同approach 呀!!!

    回覆刪除
  4. goldie2007年8月31日 凌晨3:47

    恭喜晒!!!!!!!!!!!!!!

    回覆刪除
  5. vickykciv2007年8月31日 下午5:14

    今日請左你食飯都算係咁啦~~

    回覆刪除
  6. Eddie2007年9月11日 下午2:34

    唔記得恭喜你添... 恭喜晒呀! 其實我都有諗過讀, 不過我懶, 算吧啦....

    回覆刪除
  7. 加菲媽媽2008年9月11日 晚上9:26

    嘩。。。。 原來你讀LAW架﹐ 好勁呀!!!!!!!!!!!!!!!!!!!!!!!!!!!!!!!!!!!!!!! 唉。。。 我就。。。。。。。

    回覆刪除
  8. Tra2010年3月29日 清晨6:43

    hello ar~~
    請問你D PREPARATION COURSE 形式係點GA？ 會唔會教ＥＸＡＭ點答先拎到分？ 你有冇上過CONTRACT 同TORT 既COURSE? 唔該哂你!! 好多問題...因為我係自修GA.....但聽你咁講好似報左會好D!

    回覆刪除
  9. Tra2010年3月29日 下午4:46

    THX FOR YOUR REPLY!! 我CHECK 左...POLY 既TORT WORKSHOP 已經過左APPLICATION!! LINGNAN 今年冇開.... 請問你介唔介意借TORT 既COURSE MATERIAL 我COPY AR?? 我而加唔知點算好...THX!!!!

    回覆刪除
  10. hk2010年10月22日 上午8:07

    HI!~
    請問你係咪在POLY U 上REVISION WORKSHOP? 唔知你願唔願意賣COMPANY LAW 既NOTES 比我? 我係自修既, 之前5月有報過CONTRACT LAW, 今年我有修COMPANY LAW但佢2月先有COURSE, 我想早D有本NOTES 可以GUIDE 住
    THX FOR UR HELP!!!!!!!

    回覆刪除
  11. hk2010年10月27日 上午11:22

    其實我最鍾意係每課之後個CHART...方便溫書 你會唔會有朋友有呀? 我身邊冇人讀LAW GA.. THX!!!!

    回覆刪除

訂閱： 張貼留言 (Atom)