四千金阿媽...我愛你呀!

上星期Iris同CoCo爸講有嘢寄比我地, 又神神秘秘咁唔講係咩, 今晚終於收到啦!

收禮物就梗係開心啦, 但係真係好少好少會一拆開, 見到入面嘅嘢會開心到叫左出黎......

嘩, 好靚呀!  Iris你真知我心意, Labrador Retriever呢間shop我同CoCo爸去親日本或台灣都會掃貨!  本來book左今年5月去日本, 但係因為有馮家三小姐的出現, 所以無奈cancel左.  而家收到Iris呢份禮物真係開心到......唔知講咩好, 好感動呀!  當然最重要係Iris呢份心意啦, 你果然係Labclub觀世音, 對人對狗都充滿愛心, Ringo同四千金真幸福!!!!  Iris你放心, 到你添丁果陣, 我一定買張機票過去掃貨比你!  (呢個去掃貨嘅籍口, CoCo 爸想反對都好難!)

Iris, thank you very much! 我愛屎你呀!!!!!!!

RETRIEVER from Japan

今日腸胃唔舒服, 又加上胃痛, 所以lunch之後就留喺屋企休息 但係由於一早約好左朋友, 所以CoCo爸唯有單刀赴會, 我就同朱古力奶喺屋企瞓覺!

CoCo:  ......就黎悶屎我啦, 阿媽你要瞓幾耐架????

Milky: zzzzzzzzzZZZZZZZZZZ

CoCo媽: 阿囝你悶呀? 睇下書啦!  呢本日本季刊"Retriever"好多嘢睇架, 自從阿媽去日本果時見到買左一本之後, 返到香港而家每期都有去Sogo bookshop訂架!

CoCo:  日文黎喎, 你識睇咩????  我對睇書無興趣, 本書咬唔咬得架????

書中介紹美國有個splash dogs嘅比賽, 係要d狗狗跳水鬥遠, 如果香港有呢個比賽, 我諗CoCo應該可以入三甲!

見到人地喺日本可以揸車同狗狗周圍去, 好羨慕!

日本好多人養Retrievers架!

有好多仲係一家大細, 好sweet呀!!!

雖然喺日文, 但係好多靚相同圖晝, 加上日文其實好多漢字, 估估下都大概估到佢講咩, 最重要係佢專講關於Retrievers嘅野, 啱晒我地呢d又有Labrador Retriever, 又有Golden Retriever嘅主人!!!

Shopping day???

星期六冇特別嘢做, 我哋睇雜誌又見到pccw呢個weekend會喺沙田荷花有"視察易"promotion, 咁就"山長水遠"走左去新城市行下啦!  CoCo爸一時興起, 係都要咩部30D出黎, 話要影下我大住肚都仲要shopping嘅相喎........................

改左名嘅一田, 第一次行, 諗住睇下d頸鍊啦... 嘩, 一條旺角嘅貨色都要成三百幾蚊? 走人!!!!!!

Hallmark babies減價喎, 都幾靚架, 不過係短袖, 仲要係過頭"凹",   得個睇字!

呢間又減價喎, 40%off 喎, D衫仲幾靚添......

減左價都要4百幾, newborn BB衫最多著個零月, 我就梗係唔會買啦!

去到荷花, 竟然係無PCCW counter!!!  問下d sales, 佢地話pccw係話會黎, 但係4點幾都唔見人, 仲要唔知黎唔黎架!  下, 有無攪錯呀, 咁都得?  結果荷花又係得個行字!  床仔床單, 之前都買晒囉...

最後出返中環蘭芳園食下午茶, 仲比CoCo爸捉住同石板街影相!

總結whole day都係window shopping, CoCo爸今次想影我大肚都掛住shopping嘅證據.....係失敗左嘅! wakakakaka!!!!!

High tea @ Mandarin

上次做完產檢, 行左過隔離0既MO食high tea. 

我地叫左一set, 一人份量, 因為都係過下口癮姐.  上面4舊係sandwich, 味道ok啦!  下面由左至右係cheesecake, 雞批, 煙肉批同埋carrot cake.  最好食係煙肉批同cheesecake, 雞批一般, 至於個carrot cake就係失敗之作!  甜到死d味又假!

個set仲有兩件muffin, 一件plain, 一件有提子0既, muffin本身ok好食, 不過最好食係隻果jam, 初初食有d怪怪地, 點知食多幾啖又幾好食喎, 好似有d花味咁, 幾fresh!

不過最後, 有一樣野真係要鬧下!  就係我叫果杯凍奶茶啦!  其實唔關杯奶茶事, 係關MO o既service事!  佢第一次拎錯左杯凍檸茶比我, 係有幾塊檸檬o係杯茶入面o既, 咁我咪叫佢換囉, 佢好快就換左另一杯無檸檬o既比我, 我心諗快成咁?  都隱隱feel到咩事, 於是我未落奶就飲一啖試下, 果然係有強勁o既檸檬味!!!!!!  嘩, 酸o既奶茶點飲呀?  茶餐廳都唔一定會發生0既事竟然發生o係5星級酒店度, 有無攪錯呀?  咁我不如去茶餐廳啦!  結果梗係要佢換過杯啦!  過份!!!!!!

24週-早左0既4D

不經不覺, 已經24weeks啦!  其實自從16weeks之後, 已經無咩唔舒服, 食得訓得, 放狗抹狗都無問題.  加上過埋20weeks果時0既結構檢查, 可以話係好好彩地無驚無險.  而家接近2nd trimester 尾, 又開始有另一種唔舒服啦!  近呢幾個星期阿b郁得好勁, 佢阿媽我肚餓佢又踢, 食飽又踢, 訓覺又踢, 訓醒又踢, 真係好似無時停咁!  雖然我知道咁係正常0既, 不過硬係覺得女仔斯文d好喎, 第日出左世會唔會好鬼活躍架, 唔好嚇我呀!!!!  不過比佢踢幾野都無特別唔舒服, 最慘係我右邊恥骨痛, 行路反而無訓覺轉身咁痛喎(奇怪!), 而家半夜多數要起身去一次廁所, 加上轉身有時又會恥骨痛痛睡, 所以朝早多數都起唔到身......!

星期一去做第n次0既產檢, 醫生check左阿b仲係中碼b, 大約58 percentile左右. 太好啦, 我唔要大碼b呀, 雖然大部份阿媽都好恨大碼b, 又會係咁食黎谷大bb, 但係我覺得正常就ok, bb太大反而可能有其他complications,  加上bb無咁大, 我個肚就無咁大, 即係肚紋都少d啦, hehehe, 都係為自己...! 

24週0既腳仔同pat pat:

阿b個樣呀, 不過唔係好清:

嘩!  小姐, 邊位呀?  醫生突然影左張4D, 通常4D都係28週之後先影架ma, 而家影唔係好清楚喎, 阿b個樣仲係怪怪地咁......

朱古力奶之無晒脂肪療程

朱古力奶早排去睇vet, 兩個都要減肥, Milky情況最為嚴重 (因為真係好肥), target係要減3kgs.  我最初就減佢地糧, 點知自從我減左糧之後, Milky就成日好似好餓咁, 以前佢從來唔敢入廚房搵野食, 減左糧之後唔單止勇闖廚房, 仲聞垃圾袋呀!!!! (佢從來無試過架).  見到佢咁, 我心都痛埋, 所以決定唔好減咁多糧, 取而代之買包減肥糧, 同正常糧兩溝比佢地食!  而家total份量減大約20%, 其餘就兩溝.

一半正常糧:

 

一半減肥糧:

 

希望佢地兩個快d減肥成功啦!!!

自製砵仔糕

我一直都好鐘意食中式糕點, 好似砵仔糕, 白糖糕...etc.   之前喺網上見到原來砵仔糕好易整, 襯今晚CoCo爸同同事出去食飯, 想整狗餅又發現屋企無燕麥片, 咁就一於試下整砵仔糕啦!

食譜：（約3個飯碗）其實用細個d嘅鍚紙模會好d, 不過屋企無, 所以用飯碗囉!!!

材料：粘米粉40g，澄麵粉35g，片糖120g，清水330ml，罐頭紅豆茸適量(我無落, 因為我唔鐘意食架)

做法：

(1) 將粘米粉、澄麵粉篩勻後，加入130ml清水拌勻成粉漿。

(2) 將清水200ml + 片糖煮溶。

(3) 將粉漿沖入(2)立即關火，並不斷攪拌成稀糊狀即可。

(4) 將粉漿注入已塗油的小碗內，放入紅豆茸(我無落)，大火水滾後蒸12-15分鐘即成。

(5) 取出放涼即可。

註:  要留意器皿size同厚薄唔同, 要adjust下蒸嘅時間, 另外如果想食白色砵仔糕, 就用冰糖代替片糖

剛剛蒸好個樣:

脫左模個樣都ok喎......  如果正常加埋紅豆應該會仲靚!

個質地好好, 好挺身, 食落又唔會硬, 加上甜度都ok, 結論係...呢個食譜掂呀!!!