發表文章
唔驚唔覺, Sheryl返左屋企成個禮拜啦, 不過因為太忙, 所以都未upload佢d新相, 加上佢成日瞓覺, 唔係影左好多相.
今日第一次去健康院, 都係Sheryl第一次出街, 好彩佢表現都ok. 選擇健康院而唔去私家, 係因為我覺得健康院d姑娘都好experienced, 同埋service都好好, 最重要係有專人指導餵人奶技巧, 真係好有用! 因為Sheryl出院之後大致上都係全人奶, 係間唔中補過一兩次奶粉, 同埋半夜果餐有時我會pump出黎, 比CoCo爸半夜幫我餵. 不過我始終唔想佢食奶咀, 因為頭一個月最易有nipple confusion, 但係Sheryl又食到我痛, 加上佢又好似食極都未飽, (but濕片數目又ok喎!?) 所以今日姑娘就再教過我點餵.
姑娘好有耐性, 佢教完之後真係唔痛喎, 不過都要我同Sheryl多d練習先得. 其實Sheryl已經好叻, 佢細細粒其實食人奶會好攰, 有時食到上氣唔接下氣, 未食飽就攰到瞓左, 但係瞓唔夠一陣就喊, 因為未飽, 又要再食過. 食一餐奶起碼要攪成粒鐘, 跟住兩至三個鐘又要食下一餐, 所以基本上每日都係食奶同瞓覺.
至於Sheryl其他健康方面, 仲有少少黃, 不過唔大問題, 醫生話由佢就ok. 至於體重, 佢而家arm arm去返出世果時嘅體重, 所以要努力d食奶, 先可以重快d架!
有時我見Sheryl食人奶食到咁攰, 我會同佢講 "Sheryl你已經好叻叻架啦, 食到人奶嘅bb係好叻架, 你要加油呀!!!"
食飽左嘅Sheryl瞓到自己喺度笑:
前兩日爺爺嫲嫲黎探Sheryl, Sheryl好俾面咁睜大眼睛影相!!! 爺爺當然都帶左好多零食比朱古力奶啦, 佢兩隻嘢見到爺爺呢個"人肉餵食機", 開心到震!
你個小公主對眼仔應該好大架wor.....
回覆刪除sheryl食飽奶個樣真係好滿足!
回覆刪除朱古力奶有冇呷醋呀?
COCO同MILKY對BB有咩反應呀? 係咪好好奇想睇下聞下咁架?
回覆刪除恭喜，恭喜妳。又恭喜我自己多個外甥孫。
回覆刪除細妹話上妳個網有改名比賽，獎黃金十両。選舉欄在那？
回覆刪除歡喜過頭，唔記得問候妳。身體應該OK？舅父送妳一家： 祝福 。
回覆刪除舅父，粗人而已。本感上蒼慈悲，以送麟兒，母慈子孝，固欲贈(慈)字。但見以晴名，晴者：雨止無雲，天氣晴朗。 閒居賦 ：微雨新晴，六合清朗。很好。晞者，乾的意思。 詩秦風蒹葮 ：蒹葮萋萋，白露未晞。
回覆刪除晞晴二字都是日旁，晴朗而乾的日子很好，然頗覺陽盛。反之於健康晴朗的日子走向人生大道，固所願也。
結論是晞晴雖雅，啟啟選：康晴。
我都打算會去健康院........因為一站式而且姑娘夠pro
回覆刪除但打針呢？你會去私家打定健康院？(我仲諗緊)