發表文章
今年年三十係公眾假期, 下晝去左行維園花市, 買左吹氣搖鼓同埋我至愛0既Mario系列Yoshi公仔! 跟住就返左去朱古力奶婆婆屋企食團年飯!(事緣朱古力奶叔叔年三十要返工, 所以年廿九已經同左朱古力奶爺爺食團年飯啦!)
食完晚飯之後, 見咁近花墟, 又走左去行埋第二個花市! 諗住睇下有無平花買! 今年d花好靚, 可能因為天氣暖, d花開得好"行"下, d水仙好多未到初一已經開始謝!!!!! 結果迫到埋去攤位, 經過朱古力奶婆婆講價之後, 就買左盆$68 0既蘭花!
仲有日頭行維園0既時候, 見到一個想買好耐0既巨型計數機, 即刻買左一個比自己, 一個比朱古力奶姨姨, 因為姨姨好鍾意oversize 0既嘢, 加埋呢個計數機, 成set oversize文具, 勁cute 呀!!!!!!!
你鐘意mario架?呢期佢出左好多公仔.我係深水步福榮街專門批發玩具既舖頭,見到有mario,(有d人咁高,批價都會幾佰蚊),仲有磨姑啦,同埋你個隻龜龜,好得意架.不過我行咁多次福榮街(因我鐘意去食譚仔米線),都係得一間批佢呢隻,可能係令左專利.佢舖頭門口有隻3呎定4呎mario係度,你可以去睇下,好得意.
回覆刪除其實Mario同Luigi 我一般, 我鍾意其他character, 最鍾意蘑菇同Yoshi!!! 等我得閒去深水步睇下先, thanks!
回覆刪除