CoCo最驚嘅嘢

好多人見到CoCo都以為佢好man, 玩起上黎又博晒老命, 天不怕地不怕咁嘅衰樣!  其實佢係應驚唔驚, 唔應驚果d就驚到腳軟, 正一係裙腳仔一名!

而家就倒數一下CoCo四大'餚底'龍虎榜啦!

第四位: 日本磨菇 (驚嚇指數:

), 呢個磨菇之所以排榜尾, 係因為CoCo淨係細個果時驚佢, 大個左唔驚不特只, 仲報左仇, 有次偷偷地"擔"左佢落黎, 好彩比我發現, 先救返磨菇一命!  事緣呢個磨菇係我喺日本夾公仔夾返黎嘅, 按一下會有個日本佬用好粗獷嘅聲講一段日文, 阿囝細個就係比佢嚇到死死下!!!!

第三位: 阿媽嘅風筒 (驚嚇指數:

) 至於點解阿囝咁驚呢?  我地諗係因為佢細個果時, 屋企未有Milky, 所以未買風機, 同CoCo試過一兩次喺屋企仲涼, 之後用呢個風筒吹毛, 阿囝到今時今日都好驚吹毛, 就算已經成年無用呢個風筒吹毛, 阿囝每日見到我拎呢個風筒出黎, 都會發足狂奔! 

第二位:  洗耳水 (驚嚇指數:

)  呢支嘢係阿囝嘅剋星, 洗耳水一出, 方圓一里之內都唔會搵到阿囝嘅蹤影!  阿囝嘅反應仲要快到我一開柜, 隻手一掂到呢支嘢, 未拎起回頭一睇, 阿囝已經逃之夭夭!  係好好用嘅"驅狗器"!!!!!

第一位:  CoCo爸 (驚嚇指數:)  好明顯, 阿囝一d都唔驚我, 如果佢老豆唔喺屋企, 放完狗上黎我要同阿囝抺腳嘅時候, 我叫佢down佢係啋我都傻, 就算肯down都會一路比我抺一路掙扎!  但係如果係佢老豆呢, 佢就會扮死, 郁到唔郁, 直頭好似掌門人果個"假人"咁!