2007年2月12日 星期一

Dr. Milky落屋企樓下開工...

2月11號星期日, Dr. Pet 0係東區寵物創和諧有個booth, 地點0係小西灣硬地足球埸 - 即係我地屋企樓下!  近到咁, 點都要出席下啦!  果日個function中午12點先開始, 一早應承左10:30落去幫手set up, 星期日...我就梗係起唔到身啦, 落到去已經11點, 原來大家都仲係企0係度, set up 0既用具未齊.  我仲特登唔帶阿囡落去住, 諗住set up完先上返去接佢, 結果12點上返去接阿囡落去開工!

後來一點幾CoCo爸就帶埋CoCo落黎, 因為個function係可以俾所有狗狗入嘅, 所以CoCo就可以探Milky班啦!  成個function最攪笑係阿囡竟然被派去代表Dr. Pet上台表演!  唔係下... 阿囡淨係識sit, hand hand, down, stay 同salute呢d基本野, 都有得表演??????

  事原係因為Dr. Pet果日有兩個function, 我地呢邊0既人手比較少, Dr. Milky更加係唯一一隻'大狗', 0係蜀中無大將0既情況之下, 唯有搵Milky啦!!!!

阿囡開工中......



比阿囡發現左老豆添!

影返張相先啦 !

 

Dr. Milky代表Dr. Pet上台表演~~~

CoCo果日著住呢件型仔衫落黎, 阿囝竟然好受歡迎呀!  有d太太們見到佢一路叫 "嘩, 好驚呀, 咬唔咬人架?" 同一時間拎住部相機"隊"比個friend, 一路走埋阿囝度要同佢合照, 情景好攪笑, 又驚又要影!!

阿囝著呢件衫真係好靚仔呀! 其實阿囝果日搶左阿囡鏡, 阿囡上台就淨係識sit, down, salute, 阿囝0係台下就sit, stay, down, salute, high, bark, over 同埋扮死.......一大堆, 好似無聲抗議有咩理由阿囡咁"渣"都有得表演!!! 有冇'韮菜'呀...?? 


張貼者： 於
標籤： , ,

5 則留言:

  1. Phoebe2007年2月13日 凌晨1:00

    Milky咁叻叻識咁多野呀，我地mui mui 就只識 sit、hand hand、up、down & stay乍

    回覆刪除
  2. Fanny2007年2月13日 上午9:24

    coco件衫真係好靚呀, 襯哂色, 型爆!!!! 都算d師奶識貨啦!!

    回覆刪除
  3. CMSA family2007年2月13日 下午5:24

    Fanny, 我地覺得CoCo呢個look好似三哥...師奶殺手!!!! Mui 媽, 其實Milky都係識多muimui一樣野, 就係salute啦, 所以表現完salute之後就唔知表現咩好!!!

    回覆刪除
  4. Joey2007年2月15日 凌晨1:59

    嘩!你地就好啦, 我搬左入"山卡啦"之後, 都無出過去做service. 只係畢業果日出一出去咋 milky 好乖好定呀.

    回覆刪除
  5. Fanny2007年2月26日 凌晨2:05

    我都好耐冇做過service 啦......冇call我wor

    回覆刪除

訂閱： 張貼留言 (Atom)