之前睇左"狗狗食得天然"呢本書, 書中講過狗狗最好係食home make recipe, 但係實在無時間日日煮比佢地食, 又驚唔識計份量! 書中就教可以試下大狗每日比3至4湯匙0既蒸雞肉(要唔肥0既, 所以我就買百佳急凍雞柳), 而狗糧0既份量就每日減25%, 仲有d雞肉唔好蒸咁耐, 成包0既份量(大概半磅), 蒸8至10分鐘就ok! 我而家每次蒸晒成包, 撕碎後放0係密封存氣盒度, 每日食就拎足夠份量出黎叮20秒左右, 成盒夠兩隻嘢食4餐! 我淨係夜晚果餐先比佢地食, 因為朝早太趕, 只可以食狗糧! 再加埋之前vet建議比Milky食嘅cranberry, 兩隻嘢d口水流到成地都係.......!
金豬營養晚餐
好正wor
回覆刪除我上次係屈人寺見到紅莓乾, 本來買架啦, 但睇一睇個成份表, 佢係有糖醃製過, 所以我就冇買啦!! 想問下, 你呢隻係bin 買架??????????
回覆刪除丁茶媽, d紅莓0係Citysuper買架, 不過好似唔係時時有, 同埋銅鑼灣大惠康都有, 三十幾蚊一包, 係新鮮急凍紅莓!
回覆刪除