發表文章
年初六帶阿囝阿囡去大潭行大運, 兩隻嘢當然好開心, 喪跑左一輪, 回程嘅時候已經攰到隻狗咁, 竟然發生左一件令我地好驚訝嘅事:
話說而家行山阿囝好乖, 行遠少少我地一叫佢就即刻返黎, 好似驚死我地留底佢咁! 相反阿囡就成日掛住自己玩, 叫極都扮聽唔到! 回程嘅時候, 阿囡埋頭係度聞草叢, 我地同阿囝就一路行一路叫佢, 佢都唔返黎, 我地越行越遠阿囡都未返黎, 於是我地就係咁意叫阿囝"去叫Milky返黎啦, go!" 點知阿囝真係返轉頭, 行左幾步之後, 竟然無直衝過去Milky度, 成隻好慢咁down左0係度! (平時佢地玩阿囝一定唔會係咁, 佢一定衝埋去撞到Milky飛起) 跟住Milky就行向CoCo, 兩隻嘢對峙左成半分鐘都唔郁! 我地於是就一路向前行, 一路叫CoCo返黎, CoCo見我地越行越遠, 但係Milky又唔郁企0係度, 佢就諗左一陣, 決定衝去Milky度, 好似跨欄咁跨過Milky, 再推住佢向我地嘅方向跑返黎!!!
我地諗左一陣究竟CoCo係同Milky玩, 定係真係去叫佢返黎! 結果我地覺得CoCo一定唔係同Milky玩, 因為佢唔會咁樣同佢玩, 加上回程已經好攰, 我地又一直行遠, CoCo見我地行到咁遠, 一叫佢佢一定即刻返黎! 跟住諗起之前阿良(訓犬師)教過我地, 如果隻狗行到好遠叫極都唔返, 再叫都無用, 追佢就仲死, 佢只會越走越遠, 唯一可以試嘅方法就係成個人趴底扮死, 佢就可能會走返黎八下睇下你做咩! 我地諗CoCo"反常"地成隻down 0係度, 可能就係好似阿良咁講, 想引Milky過黎!
原來CoCo大個仔啦, 仲識"揍"阿妹, 人地牧羊果d就叫"牧羊犬", 咁CoCo 識得"牧"Milky......即係"牧Milk犬"啦!!!!
沒有留言:
張貼留言