發表文章
又係無良狗舖!
事發經過:
朋友想養Toy Poodle, 因為第一次養狗, 咩都唔識, 就叫埋我地有養狗嘅朋友幫手一齊去睇! 星期六(24/2)去到勝利道雅仕犬舍, 朋友見到一隻合眼緣嘅toy poodle, sales話隻狗3個月大, 另一隻已經4個幾月大, 咁我就建議如果一定要2揀1, 就揀4個幾月果隻, 因為已經打齊針, 無咁易有病! 不過朋友都係鍾意3個月果隻, 隻狗都好活潑, 同其他狗都有玩! 朋友愛不釋手, 於是就一齊去附近一間vet度做body check! 之後就揭發左狗舖一連串嘅大話!
大話1: 虛報年齡~ Body Check嘅結果係: 從d牙齒睇到, 隻狗最多只有2個月大, 而且後腳有patella problem, 即係toy poodle好常見嘅遺傳病, 個膝蓋唔stable, vet話係grade 1 , 即係最輕微果隻! 另外check到淋巴腺有d腫, 可能有感染, 不過又無symptoms, vet話可能係輕微感染. 最後, 朋友都係好鍾意呢隻狗, 所以就決定買佢!
大話2: 食冷飯菜汁?? ~ 坐車返屋企途中, 隻狗暈車浪嘔, 點知竟然係嘔d未消化嘅白飯同埋d綠色嘅嘔吐物, 我即刻叫朋友打返去狗舖問下到底隻狗食左d咩, 因為sales話隻狗一向食開乾狗糧, 叫我朋友比狗糧佢食, 如果隻狗之前無食過狗糧, 一下子轉晒diet, 想唔病都好難! sales就話佢地係比雞肉白飯溝狗糧比隻狗隻! 哈, 你當我地白痴咩, d 好似展翅咁嘅sales姐姐, 自己都未煮嘢比自己食啦, 點會煮比狗食呀? 跟住返到屋企, 隻狗就唔食嘢, 又痾同嘔左幾次! 到左星期日下畫, 隻狗都係唔食嘢, 我地就建議朋友即刻同佢去睇vet, 因為puppies唔會唔食嘢, 而且已經24小時! 因為狗舖有10 日健康保證, 朋友都係決定拎返去, 狗舖就叫佢放低隻狗, 佢地會帶佢去睇vet （呢件事我事後先知， 如果係我， 我一定要求一齊去睇vet, 我比晒錢， 點解唔可以一齊去睇?)
大話３：訛稱交由獸醫醫治 ~ 星期一朋友打比我， 話狗舖帶左隻狗去vet度， vet話係腸炎， 要留醫吊鹽水， 因為佢都係唔食嘢， 我朋友話想睇下隻狗， 佢地就話如果要睇， 佢地可以帶隻狗返狗舖比佢睇， 朋友唔想狗狗離開vet clinic, 所以無即刻去睇， 諗住等多一兩日! 朋友雖然只係同狗仔相處左一日， 但係都有感情， 為左狗仔好擔心好唔開心! 我知道之後， 叫佢一定要狗舖比佢去vet度探狗仔， 就算唔探都要知隻狗係邊個vet度! 好啦．．．戲肉到啦! 狗舖比我朋友一問， 就話隻狗其實係新界狗場， 有vet會去狗場喎! 嘩， 大佬， 大話要講都講得合理ｄ呀， 有vet會出診去狗場醫隻狗？ 咁咪仲貴過留醫？ 仲話隻狗而家好虛弱， 要打drip！ 嘩， 我同朋友都有ｄmedical background架， 就算醫生同人嘅ｂｂ打drip, 都唔係一件容易嘅事， 因為ｂｂ血管細， 更何況係toy poodle, 仲要到底係唔係vet操刀都成問題! 從大話１同２所見， 大家認唔認為合理推斷下， 佢真係會搵vet醫隻狗????
狗舖話我朋友可以選擇換過一隻， 就算朋友真係換過一隻， 朋友嘅擔心難過又點可以補償? 朋友話事情到呢個地步， 佢地再唔捨得都唯有選擇換過另一隻! 朋友仲未決定， 隻狗仲係狗場接受緊一D唔知係咩嘅所謂 ”治療”！！！
如果隻狗係我嘅， 我諗我已經報左警同佢玩大佢， 隻狗我比晒錢， 連比間狗舖拎左去邊都無知情權， 點醫又唔可以過問！ 大佬， 可以換過一隻大晒呀? 我比錢買隻狗， 基於合約精神， 我係想買呢隻指定嘅狗， 唔係是但換一隻都ok! 加上我比晒錢， 合約法下隻狗我係嘅財產， 點解連隻狗去左邊， 病到咁嚴重點樣醫緊我都無知情權?
狗都係一條生命， 唔係一件 "return and refund"嘅貨物! 生命何價， 請尊重生命！
無良黑店:
註：以上對該狗舖之評論為個人意見， 是非黑白， 請各位自行判斷!
), 呢個磨菇之所以排榜尾, 係因為CoCo淨係細個果時驚佢, 大個左唔驚不特只, 仲報左仇, 有次偷偷地"擔"左佢落黎, 好彩比我發現, 先救返磨菇一命! 事緣呢個磨菇係我喺日本夾公仔夾返黎嘅, 按一下會有個日本佬用好粗獷嘅聲講一段日文, 阿囝細個就係比佢嚇到死死下!!!!
