朱古力奶有潔癖?

前幾日落大雨, 攪到平時朱古力去開"方便"0既地方都濕晒, 雖然果度係有瓦遮頭, 但係因為日頭有車出出入入, 所以個地下都係濕晒!  前日朝早CoCo爸帶兩隻野落去, 朱古力奶兩個都齊齊"罷呵"屎屎, 平時CoCo都好乖, 有求必應, 早晚兩次已經習慣晒, 但係尋日地下真係好濕下, 平時CoCo去開大大果個位都濕晒, 衰囝點都唔肯呵!  Milky又係, 連小便都要千揀萬揀, 揀個乾少少0既位先肯呵, 但係又係唔肯開大!

到夜晚, 我帶兩隻野落去, 地下乾左dd, CoCo就好乖咁自己走去條"御用坑渠"度小便(呢樣嘢真係要讚下CoCo, 佢每次都會自己走去坑渠度尿尿, 個個食蕉叔叔見到都讚佢架!), 跟住又走去平時開大0既另一條坑渠度係咁聞, 其實佢就一定係想去架啦, 因為日頭都無去度, 點知個衰仔又左滕右滕, 明明"座"低左想去架啦, 又嫌地下濕企返起身唔肯去!  結果攪左好耐, 最後都要屈服, 行左去一個平時唔去開, 但係乾0既位先肯開大!!!!!

到Milky啦, 呢位大小姐就更加唔洗講, 平時要搵個位去大小都轉十幾個圈, 搵成世先揀到個位, 而家仲要個地下濕晒, 直頸轉到我頭都暈埋先搵到個位呵! 

呢兩位大少同大小姐, 唔通有潔癖? 

呢度就係平時朱古力奶玩同去厠所0既平台, 好正架, 因為只係送貨嘅人同食蕉先會喺呢層出入, 夜晚基本上係無人嘅, 所以有好多狗友喺度放狗架!  紅色箭咀果度就係CoCo御用厠所, 因為有瓦遮頭, 所以打風落雨都唔怕!

 

就算出面地下濕晒, 都有最後防線, 就係呢個貨lift大堂啦, 玩波一樣無問題!