CoCo學潛水 (同場加映lab bb學游水)

呢幾日熱到死, 朱古力奶又成3個禮拜無沖涼, 於是星期六下晝就同兩隻嘢去游水水啦!  又話拉布拉多嘅袓先係幫漁夫潛入水度捉返d漏網之魚, 點解阿囝呢隻拉布拉多學極都唔識潛水架???

今次仲撞到一隻5個月大嘅黑lab bb, 第一次黎游水, 真係好cute呀!  佢仲好鬼死痴人, 痴到主人實一實, 真係比佢lum死!

 

 

 

阿囝而家好慳家, 至鍾意嘅玩具係......水樽!

Milky未游水, 已經跑草地跑到要中場休息!

阿囡睇咩呢?  原來佢老豆行左出去, 洗唔洗咁緊張呀?

 

5個月大嘅黑lab bb, 可愛到暈, 佢第一次游水, 開始好驚架, 又唔肯落水, 但係因為佢勁痴主人, 主人於是行落泳池, 扮走, lab lab即刻驚死主人留低佢, 唯有鼓起勇氣, 自己行落水去追番主人, 佢心諗"死就死啦, 主人走左就屎啦!!"

lab lab鼓起勇氣, 終於學識游水啦!  lab lab真係好叻呀!!!!!