朱古力奶+小朋友 (dogs and kids)

出呢篇0野, 純粹有感而發!  事緣有時出街見到d拖住細路0既師奶, 離遠見到Coco就好似見鬼咁, 拖住個細路兜路走, 仲要再比多個厭惡同歧視0既眼光比個主人(即係我), 其實個細路到底驚唔驚我真係唔知, 因為太遠睇唔到!  而我係一定同CoCo上繩, 仲要縮到條繩超短果隻!  有時真係好唔明, 呢d人連基本禮貌都無, 點樣教下一代?  廣告都有教啦, 身教好過言教!  有d父母又成日唔睇住d細路, 比d細路0係電梯大堂亂咁跑, 有次仲差d撞趺我!  最難得係, d父母唔覺得有問題!  我無話d細路, 一來錯不在個細路(係佢阿媽無家教姐), 二來我唔會幫人免費教仔架喎 ! 我幫人教仔要收錢架, 收開$500一粒鐘, 仲要預約架師奶!

唉, 師奶呀師奶, 都唔知你d細路可怕d, 定係我果兩隻上住繩0既狗可怕d呢?

好啦, 呻完! 講返d正面教材, 到底朱古力奶同細路相處成點呢?  佢地係咪真係咁得人驚?  有相為證 !

外籍女士得登叫d小朋友同朱古力奶玩, 原來佢地比狗追過, 所以好驚狗, 佢地阿媽見朱古力奶咁乖, 仲得登要d仔女同朱古力奶玩, 等佢地消除對狗0既恐懼!  小朋友由初時驚到喊, 到後來同朱古力奶玩埋一堆, 幾happy!

朱古力奶同佢地d表舅父表姨幾friend!

Zoe同Milky一樣有一對好靚0既大眼睛

Milky: "表姨, 你.....你想點呀??????

"

對狗毛敏感0既Angel, 偏偏又好鍾意狗, 屋企唔養得, 唯有得閒黎探下朱古力奶啦!

CoCo: "Angel, 你騎牛牛呀?  我係CoCo, 唔係CowCow喎 !"